ຕ້ານ ແລະ ສະກັດກັ້ນ ການສໍ້ລາດບັງຫຼວງ​ແມ່ນ​ບັນຫາ​ເປັນຕາ​ຍ

ຕ້ານ ແລະ ສະກັດກັ້ນ ການສໍ້ລາດບັງຫຼວງ​ແມ່ນ​ບັນຫາ​ເປັນຕາ​ຍ - advert banner 728 90 728x90 - ຕ້ານ ແລະ ສະກັດກັ້ນ ການສໍ້ລາດບັງຫຼວງ​ແມ່ນ​ບັນຫາ​ເປັນຕາ​ຍ
ຕ້ານ ແລະ ສະກັດກັ້ນ ການສໍ້ລາດບັງຫຼວງ​ແມ່ນ​ບັນຫາ​ເປັນຕາ​ຍ - BLOG 1024x600 hands pushing cash away Artoleshko iStock 628068474 - ຕ້ານ ແລະ ສະກັດກັ້ນ ການສໍ້ລາດບັງຫຼວງ​ແມ່ນ​ບັນຫາ​ເປັນຕາ​ຍ

ໂດຍ : ລູກເມືອງພວນ

ຕ້ານ ແລະ ສະກັດກັ້ນ ການສໍ້ລາດບັງຫຼວງ​ແມ່ນ​ບັນຫາ​ເປັນຕາ​ຍ - lattana 1 - ຕ້ານ ແລະ ສະກັດກັ້ນ ການສໍ້ລາດບັງຫຼວງ​ແມ່ນ​ບັນຫາ​ເປັນຕາ​ຍ

ການສໍ້ລາດບັງຫຼວງປຽບສະເໝືອນພະຍາດມະເຮັງຊະນິດໜຶ່ງທີ່ອັນຕະລາຍຮ້າຍແຮງທີ່ສຸດ ອາດເວົ້າໄດ້ວ່າບໍ່ມີຢາຊະນິດໃດສາມາດປົວຫາຍຂາດໄດ້, ມັນກຳລັງແຜ່ຫຼາຍທົ່ວໄປຢູ່ໃນທຸກປະເທດ ຕ່າງແຕ່ວ່າຫຼາຍ ຫຼື ໜ້ອຍແຕກຕ່າງກັນ. ສຳລັບປະເທດດ້ອຍພັດທະນາຄືປະເທດເຮົາ ການສໍ້ລາດບັງຫຼວງມີໂອກາດລະບາດຂຶ້ນໄດ້ງ່າຍກ່ວາປະເທດທີ່ຈະເລີນແລ້ວ ເນື່ອງຈາກວ່າປະເທດດ້ອຍພັດທະນາລະບົບກົດໝາຍບໍ່ທັນຮັດກຸ່ມເທົ່າທີ່ຄວນ ຫຼື ເອີ້ນວ່າບໍ່ທັນກາຍເປັນລັດແຫ່ງກົດໝາຍໄດ້ເທື່ອ. ເພາະພະຍາດດັ່ງກ່າວເປັນພະຍາດທີ່ເກີດມາພ້ອມກັບລະບອບສັກດິນນາ ອາດຍາສິດນັ້ນເອງ. ປະທານ ໂຮ່ຈິມິນ ເວົ້າວ່າ: “ ການສໍ້ລາດບັງຫຼວງ, ການຟູມເຟືອຍ, ອາດຍາສິດ ແມ່ນສິ່ງບໍ່ດີຂອງສັງຄົມເກົ່າ. ຖ້າພວກເຮົາຢາກສ້າງສັງຄົມໃໝ່, ສັງຄົມເສລີພາບ, ສັງຄົມດຸໝັ່ນປະຢັດຊື່ຕົງ ແລະ ບໍລິສຸດນັ້ນ ຕ້ອງລົບລ້າງຄວາມຊິນເຄີຍທີ່ບໍ່ດີຂອງສັງຄົມເກົ່າອອກໃຫ້ໝົດ”   . ສາທາລະນະລັດປະຊາທິປະໄຕປະຊາຊົນລາວຂອງພວກເຮົາ ໄດ້ເກີດມາຈາກທ້ອງຂອງລະບອບສັກດິນນາອາດຍາສິດ. ສະນັ້ນ, ພະຍາດດັ່ງກ່າວມັນຈຶ່ງຕິດແສດ, ເກາະຫ້ອຍຢູ່ນໍາພະນັກງານ, ສະມາຊິກພັກຂອງພວກເຮົາບໍ່ໜ້ອຍ ຊຶ່ງເປັນສິ່ງຫຼີກລຽງບໍ່ໄດ້.  ໃນເມື່ອຢາກກ້າວຂຶ້ນສັງຄົມໃໝ່ ສັງຄົມນິຍົມຈໍາເປັນຕ້ອງດໍາເນີນການປະຕິວັດກຳຈັດພະຍາດທີ່ຮ້າຍກາດນີ້ໃຫ້ໝົດໄປ, ຖ້າບໍ່ດັ່ງນັ້ນມັນກໍຈະເປັນໄພຄຸກຄາມປະເທດຊາດຢູ່ຕະຫຼອດເວລາ. ໃນເມື່ອຍັງມີຊີວິດຢູ່ ປະທານ ໄກສອນ ພົມວິຫານ ເປັນຫ່ວງເປັນໄຍຕໍ່ປະເທດຊາດບ້ານເມືອງທີ່ສຸດແມ່ນ: “ ຢ້ານຜູ້ເປັນນາຍຍຸກໃໝ່ຊິກາຍເປັນອາດຍາສິດ. ເມື່ອໄດ້ເປັນການນຳແລ້ວຊິເກີດພະຍາດຫ່າງເຫີນປະຊາຊົນ, ຢ້ານຄວາມສາມັກຄີພາຍໃນຊິແຕກແຍກ, ຢ້ານເກີດລັດທິສວຍໂອກາດ ”. ອາດເວົ້າໄດ້ວ່າ: ພະຍາດສໍ້ລາດບັງຫຼວງແມ່ນພະຍາດໃຊ້ຖານະຕຳແໜ່ງ, ສິດອຳນາດ, ໜ້າທີ່ຂອງຕົນເອງເພື່ອຍັກຍອກສໍ້ໂກງເອົາຊັບສົມບັດຂອງລັດ ຂອງລວມໝູ່, ຂອງປະຊາຊົນ, ຮັບສິນບົນ ແລະ ພຶດຕິກຳອື່ນໆອີກ ເພື່ອຫາຜົນປະໂຫຍດໃຫ້ແກ່ຕົນເອງ. ອັນນີ້ແມ່ນພຶດຕິກຳທີ່ຕໍ່າຕ້ອຍທີ່ສຸດໃນສັງຄົມ, ແມ່ນພຶດຕິກຳທີ່ເປັນໜ້າລັງກຽດຂອງທຸກຄົນ. ຖ້າສັງຄົມໃດຫາກຍັງມີສັດຕູໂຕນີ້ຄົງຕົວຢູ່, ແມ່ນປະເທດຊາດຈະຫາຍຍານະບໍ່ໄວກໍຊ້າຢ່າງແນນອນ.

ການຕ້ານ ແລະ ສະກັດກັ້ນການສໍ້ລາດບັງຫຼວງແມ່ນພາລະກິດປະຕິວັດອັນໜຶ່ງທີ່ພັກເຮົາຈະຕ້ອງໄດ້ດຳເນີນຢ່າງຈິງຈັງ. ເຖິງຈະຫຍຸ້ງຍາກສັບສົນ ແລະ ຍາວນານປານໃດກໍຕ້ອງໄດ້ເຮັດ, ຖ້າບໍ່ດັ່ງນັ້ນປະເທດຊາດຈະເສຍຫາຍໄປຫຼາຍກ່ວານີ້. ການຕ້ານ ແລະ ສະກັດກັ້ນການສໍ້ລາດບັງຫຼວງແມ່ນວຽກທີ່ຫຍຸ້ງຍາກສັບສົນພໍສົມຄວນ, ບໍ່ສາມາດເຮັດໃນມື້ໜຶ່ງຍາມດຽວໄດ້. ຢາກຕ້ານ ແລະ ສະກັດກັ້ນໄດ້ມັນຕ້ອງອາໄສກົນໄກ, ເຄື່ອງມື ແລະ ວິທີການ ທີ່ແນ່ນອນ, ມີປະສິດທິຜົນ. ກ່ອນອື່ນໝົດຕ້ອງມີ:

  1. ລະບົບກົນໄກ:
  2. ການສຶກສາອົບຮົມການເມືອງ-ແນວຄິດ ເປັນຫຼັກ
  3. ມີລະບົບກວດສອບ, ກວດກາທີ່ເປັນລະບົບແຕ່ສູນກາງລົງເຖິງທ້ອງຖິ່ນ ເປັນສຳຄັນ
  4. ມີລະບົບກົດໝາຍທີ່ຮັດກຸ່ມ: ໝາຍຄວາມວ່າຕ້ອງມີກົດໝາຍລວມ ແລະ ກົດໝາຍສະເພາະຂອງແຕ່ລະຂະແໜງການປະສານສົມທົບກັນຢ່າງກົມກຽວ ແມ່ນຄວາມຈຳເປັນ.
  5. ເຜີຍແຜ່ລະບົບກົດໝາຍ ໂດຍສະເພາະແມ່ນກົດໝາຍທີ່ກ່ຽວຂ້ອງກັບການສໍ້ລາດບັງຫຼວງ.
  6. ລະບົບເຄື່ອງມື:
  7. ມີກົດໝາຍ
  8. ມີຕຳຫຼວດ
  9. ມີສານ, ໄອຍະການ
  10. ມີຄຸກ
  11. ວິທີການ:
  12. ຕິດຕາມກວດກາ
  13. ສືກສາອົບຮົມ
  14. ຕຳນິສົ່ງຂ່າວຊ່ວຍເຫຼືອຊຶ່ງກັນ ແລະ ກັນ
  15. ຈັດຕັ້ງເຊື່ອມຊຶມມະຕິຄຳສັ່ງຕ່າງໆຂອງພັກ ຂອງລັດ
  16. ເພີ່ມທະວີຄວາມເປັນແບບຢ່າງຂອງພະນັກງານ, ສະມາຊິກພັກ.
  17. ມາດຕະການລົງໂທດ:
  18. ກ່າວເຕືອນ
  19. ໃສ່ວິໄນຕາມຄວາມຜິດ
  20. ໃຊ້ມາດຕະການທາງດ້ານບໍລິຫານ: ປົດໜ້າທີ່ຕຳແໜ່ງ, ໃຫ້ອອກການ, ຢຸດຕິການເປັນສະມາຊິກພັກ.
  21. ປະຕິບັດກົດໝາຍຢ່າງເຄັ່ງຄັດ
  22. ຈຳຄຸ(ຕັດອິດສະຫຼະພາບ)
  23. ປະຫານຊີວິດ.

ທັງໝົດນີ້, ແມ່ນໂຄງປະກອບທີ່ຈຳເປັນຈຳນວນໜຶ່ງ ເພື່ອຕ້ານ ແລະ ສະກັດກັ້ນ ການສໍ້ລາດບັງຫຼວງ. ແຕ່ສິ່ງທີ່ສໍາຄັນທີ່ສຸດກໍຍັງແມ່ນຄວາມຕື່ນຕົວເປັນເຈົ້າການຂອງພະນັກງານ, ສະມາຊິກພັກຂອງພວກເຮົາທຸກຄົນ. ເພາະການສໍ້ລາດບັງຫຼວງສ່ວນຫຼາຍແມ່ນເກີດຂຶ້ນກັບພະນັກງານສະມາຊິກພັກຂອງພວກເຮົາ ໂດຍສະເພາແມ່ນພະນັກງານທີ່ມີໜ້າທີ ຕຳແໜ່ງ ມີສິດອຳນາດທີ່ສັງກັດຢູ່ໃນກົງຈັກພັກ-ລັດຂອງພວກເຮົາ. ເພີ່ມທະວີການສຶກສາອົບຮົມການເມືອງ-ແນວຄິດ, ຄຸນສົມບັດ, ສິນທຳປະຕິວັດໃຫ້ແກ່ພະນັກງານ, ສະມາຊິກພັກເປັນປະຈຳ ໄປພ້ອມກັບມາດຕະການທາງກົດໝາຍຢ່າງເຂັ້ມງວດ.

ຕ້ານ ແລະ ສະກັດກັ້ນ ການສໍ້ລາດບັງຫຼວງ​ແມ່ນ​ບັນຫາ​ເປັນຕາ​ຍ - Tiger Head 728x90 - ຕ້ານ ແລະ ສະກັດກັ້ນ ການສໍ້ລາດບັງຫຼວງ​ແມ່ນ​ບັນຫາ​ເປັນຕາ​ຍ
ຕ້ານ ແລະ ສະກັດກັ້ນ ການສໍ້ລາດບັງຫຼວງ​ແມ່ນ​ບັນຫາ​ເປັນຕາ​ຍ - 1 1 - ຕ້ານ ແລະ ສະກັດກັ້ນ ການສໍ້ລາດບັງຫຼວງ​ແມ່ນ​ບັນຫາ​ເປັນຕາ​ຍ
error: Content is protected !!