ແມນຢູ ສົນໃຈດຶງກອງກາງ ລິສບອນ ຮ່ວມທັບ

ແມນຢູ ສົນໃຈດຶງກອງກາງ ລິສບອນ ຮ່ວມທັບ - advert banner 728 90 728x90 - ແມນຢູ ສົນໃຈດຶງກອງກາງ ລິສບອນ ຮ່ວມທັບ

      ລອນ​ດອນ ອິບນິ່ງ ສະ​ແຕນ​ດາດ ສື່​ຂອງ​ອັງກິດ ລາຍ​ງານ​ວ່າ: ​ແມນ​ເຊັສ​​ເຕີ ຢູ​ໄນ​ເຕັດ  ຄິດ​ທີ່​ຈະ​ເອົາ ບຣູ​ໂນ່ ​ແຟຣນານ​ເດ​ສ ມິດ​ຟິລ ສະ​ປໍ​ຕິ້ງ ລິ​ສບອນ ມາ​ເສີມ​ຄວາມ​ເກັ່ງ​ໃນ​ຊ່ວງ​ໜ້າ​ຮ້ອນ​ນີ້ ຫລັງ​ຈາກ​ຕົວ​ເລືອກ​ໃນ​ຕຳ​ແໜ່​ງມິດ​ຟິລຖື​ວ່າ​ໜ້ອຍ ​ໂດຍ ​ແຟຣນານ​ເດ​ສ ​ເປັນ​ກອງ​ກາງ​ທີ່​ຖື​ວ່າ​ຄົບ​ເຄື່ອງ ບໍ່​ວ່າ​ຈະ​ເປັນ​ການ​ຜ່ານ​ບານ ​ແລະ ການ​ຍິງ​ເອງ.

ແມນຢູ ສົນໃຈດຶງກອງກາງ ລິສບອນ ຮ່ວມທັບ - lattana 1 - ແມນຢູ ສົນໃຈດຶງກອງກາງ ລິສບອນ ຮ່ວມທັບ

      ​ແມນ​ເຊັສ​ເຕີ ຢູ​ໄນ​ເຕັດ ຍອດ​ສະ​ໂມ​ສອນ​ແຫ່ງ ພຣີ​ເມຍ​ລີກ ອັງກິດ ກຳລັງ​ພິຈາລະນາ​ຈະ​ເດີນ​ໜ້າ​ເລື່ອງ​ຄວ້າ ບຣູ​ໂນ ​ແຟຣນານ​ເດ​ສ ກອງ​ກາງ​ກັບຕັນ​ທີ​ມ ສະ​ປໍ​ຕິ້ງ ລິ​ສບອນ ​ໄປ​ຮ່ວມ​ທັບ​ໃນ​ຊ່ວງ​ໜ້າ​ຮ້ອນ​ນີ້.

       ​ເຊື່ອ​ກັນ​ວ່າ ​ໂອ​ເລ່ ກຸນ​ນາ ​ໂຊ​ລຊາ ຜູ້​ຈັດການ​ທີ​ມຊົ່ວຄາວ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ຈະ​ໄດ້​ຄຸມ​ທີ​ມ​ແບບ​ຖາວອນ​ແນ່​ນອນ ຫລັງ​ຈາກ​ລາວ​ສ້າງ​ຜົນງານ​ໄດ້​ໜ້າ​ປະ​ທັບ​ໃຈ ​ເຊິ່ງ ລອນ​ດອນ ອິບນິ່ງ ສະ​ແຕນ​ດາດ ລະບຸ​ວ່າ: ​ໂຊ​ລຊາ ​ໄດ້​ບອກ​ກັບ ​ເອັດ ວູດ​ເວີ​ດ ຮອງ​ປະທານ​ບໍລິຫານ​ຂອງ​ທີ​ມ ກ່ຽວ​ກັບ​ແຜນການ​ເຮັດ​ທີ​ມ​ໄປ​ແລ້ວ​ວ່າ ພວກ​ເຂົາ​ຕ້ອງ​ໄດ້​ມິດ​ຟິລຊັ້ນຍອດ​ມາ​ຮ່ວມ​ທີ​ມຢ່າງ​ໜ້ອຍ 1 ຄົນ ​ເພື່ອ​ເຮັດ​ໃຫ້​ມີ​ຕົວ​ເລືອກ​ເພີ່ມ​ຂຶ້ນ ຫລັງ​ຈາກ ​ແມນ​ເຊັສ​ເຕີ ຢູ​ໄນ​ເຕັດ ປ່ອຍ ມາຣູຍານ ​ເຟລ​ໄລ​ນີ່ ອອກ​ໄປ​ກ່ອນ​ໜ້າ​ນີ້.

       ທັງ​ນີ້ ​ແຟຣນານ​ເດ​ສ ຄື​ນັກ​ເຕະ​ທີ່​ຖື​ວ່າ​ມີ​ຄຸນສົມບັດ​ທີ່​ໜ້າ​ສົນ​ໃຈ ​ໂດຍ​ລາວ​ສາມາດ​ສ້າງ​ການ​ຫລິ້ນທີ່​ສ້າງສັນ​ໃຫ້​ທີ​ມ​ໄດ້, ​ແລ່ນ​ໄລ່​ໄດ້ ລວມທັງ​ຍິງ​ປະຕູ​ເອງ​ໄດ້​ນຳ​ອີກ ​ໂດຍ​ໃນ​ລະດູ​ການ​ນີ້ ລາວ​ຍິງ​ປະຕູ​ໃຫ້ ສະປໍ​ຕິງ ​ໄດ້​ເຖິງ 24 ລູກ ຈາກ​ການ​ລົງ​ຫລິ້ນ 43 ນັດ​ໃນ​ທຸກ​ລາຍການ ​ແລະ ຍັງ​​ເຮັດ​ໄດ້​ອີກ 14 ​ແອ​ສຊິ​ສ. ນອກຈາກ​ນີ້ ລາວ​ຍັງ​ຊ່ຽວຊານ​ດ້ານ​ການ​ຫລິ້ນລູກ​ຟຣີຄິກ​ເຊັ່ນ​ກັນ.

ແມນຢູ ສົນໃຈດຶງກອງກາງ ລິສບອນ ຮ່ວມທັບ - 1 1 - ແມນຢູ ສົນໃຈດຶງກອງກາງ ລິສບອນ ຮ່ວມທັບ