ເປແອສເຊ ພ້ອມຈ່າຍເງິນຈຳນວນຫລາຍລ່າ ວາຣານ

ເປແອສເຊ ພ້ອມຈ່າຍເງິນຈຳນວນຫລາຍລ່າ ວາຣານ - advert banner 728 90 728x90 - ເປແອສເຊ ພ້ອມຈ່າຍເງິນຈຳນວນຫລາຍລ່າ ວາຣານ

      ປາຣີ ​ແຊງ​ແຊກ​ແມງ ​ເລັ່ງຈະ​ເພີ່ມ​ຄວາມ​ແຂງ​ແກ່ນ​ໃຫ້​ແນວ​ຮັບ ​ໂດຍ​ຫລ້າ​ສຸດ​ມີ​ຂ່າວ​ພ້ອມ​ຈ່າຍ​ເງິນ 100 ລ້ານ​ເອີ​ໂຣ ຫວັງ​ຄວ້າ ຣາຟາ​​ແອ​ລ ວາຣານ ປາການ​ຫລັງ​ດາວ​ດັງ ຣີລ ມາດຣິດ ມາ​ຮ່ວມ​ທັບຫລັງ​ຈົບ​ລະດູ​ການ​ນີ້.

ເປແອສເຊ ພ້ອມຈ່າຍເງິນຈຳນວນຫລາຍລ່າ ວາຣານ - lattana 1 - ເປແອສເຊ ພ້ອມຈ່າຍເງິນຈຳນວນຫລາຍລ່າ ວາຣານ

      ປາຣີ ​ແຊງ​ແຊກ​ແມງ ສະ​ໂມ​ສອນ​ນຳ​ຕາຕະລາງ​ໃນ ​ເລີກ ​ເອິງ ຝຣັ່ງ ພ້ອມ​ຈະ​ຈ່າຍ​ເງິນ​ຈຳນວນ 100 ລ້ານ​ເອີ​ໂຣ ຫວັງ​ຄວ້າ​ ຣາຟາ​ແອ​ລ ວາຣານ ​ເຊັນ​ເຕີ​ແບັກ​ຈອມ​ເກັ່ງ​ຂອງ ຣີລ ມາດຣິດ ສະ​ໂມ​ສອນ​ຍັກ​ໃຫຍ່​ແຫ່ງ ລາ ລີ​ກາ ສະ​ເປ​ນ ມາ​ເສີມ​ທັບ​ຊ່ວງ​ໜ້າ​ຮ້ອນ​ນີ້.

      ​ເຖິງ​ວ່າ ​ເປ​ແອ​ສ​ເຊ ​ເໜືອ​ຊັ້ນກວ່າ​ທີ​ມອື່ນໆ​ໃນ​ລີກ ​ແຕ່​ພວກ​ເຂົາ​ຍັງ​ບໍ່​ດີ​ພໍ​ທີ່​ຈະ​ຄວ້າ​ແຊ້ມ ຢູຟາ ​ແຊມ​ປ້ຽນລີກ ​ແລະ ລະດູ​ການ​ນີ້​ຫາ​ກໍ​ຖືກ ​ແມນ​ເຊັສ​ເຕີ ຢູ​ໄນ​ເຕັດ ​ເຂ່ຍ​ຕົກ​ຮອບ 16 ທີ​ມສຸດທ້າຍ ​ເຊິ່ງຈາກ​ເຫດ​ດັ່ງກ່າວ​ເຮັດ​ໃຫ້​ພວກ​ເຂົາ​ຫວັງ​ຈະ​ເພີ​່ມຄວາມ​ແຂງ​ແກ່ນ​ໃຫ້​ທັບ​ກຳລັງ ​ແລະ ຫລ້າ​ສຸດ ດອນ ບາ​ລອນ ລະບຸ​ວ່າ ​ເປ​ແອ​ສ​ເຊ ພ້ອມ​ລ່າ​ຕົວ ວາຣານ ມາ​ຮ່ວມ​ທີ​ມດ້ວຍ​ວົງ​ເງິນ 100 ລ້ານ​ເອີ​ໂຣ.

      ​ເຖິງ​ວ່າ ປາການ​ຫລັງ​ທີ​ມຊາດ​ຝຣັ່ງ​ໄວ 25 ປີ ​ເຫລືອ​ສັນຍາ​ໃນ​ຖິ່ນ ຊານ​ຕິ​ອາ​ໂກ ​ເບ​ນາ​ເບ​ວ ​ເຖິງ​ປີ 2022 ​ແຕ່​ເຊື່ອ​ກັນ​ວ່າ ຣີລ ມາດຣິດ ພ້ອມ​ຈະ​ພິຈາລະນາ​ຂາຍ​ຫລັງ​ຈົບ​ລະດູ​ການ​ນີ້.

ເປແອສເຊ ພ້ອມຈ່າຍເງິນຈຳນວນຫລາຍລ່າ ວາຣານ - 1 1 - ເປແອສເຊ ພ້ອມຈ່າຍເງິນຈຳນວນຫລາຍລ່າ ວາຣານ

     ທັງ​ນີ້ ວາຣານ ລົງ​ຫລິ້ນ​ໃຫ້ ຣີລ ມາດຣິດ ​​ໄປ​ແລ້ວ​ທັງ​ໝົດ 268 ນັດ ຍິງ​ໄດ້ 12 ປະຕູ ນັບ​ແຕ່​ຍ້າຍ​ມາ​ຈາກ ລ໊ອງ ​ໃນ​ປີ 2011.