ການນຳພັກ-ລັດ ວາງພວງມາລາ ເພື່ອລະລຶກວັນສ້າງຕັ້ງພັກ ຄົບຮອບ 64 ປີ

ການນຳພັກ-ລັດ ວາງພວງມາລາ ເພື່ອລະລຶກວັນສ້າງຕັ້ງພັກ ຄົບຮອບ 64 ປີ - DSC 0369 - ການນຳພັກ-ລັດ ວາງພວງມາລາ ເພື່ອລະລຶກວັນສ້າງຕັ້ງພັກ ຄົບຮອບ 64 ປີ
ການນຳພັກ-ລັດ ວາງພວງມາລາ ເພື່ອລະລຶກວັນສ້າງຕັ້ງພັກ ຄົບຮອບ 64 ປີ - AGL banner - ການນຳພັກ-ລັດ ວາງພວງມາລາ ເພື່ອລະລຶກວັນສ້າງຕັ້ງພັກ ຄົບຮອບ 64 ປີ

ໃນ​ຕອນເຊົ້າ ວັນ​ທີ 22 ມີນານີ້, ​ເຊິ່ງ​ເປັນ​ວັນ​ສ້າງຕັ້ງພັກ​ປະຊາຊົນ​ປະຕິວັດ​ລາວ ຄົບຮອບ 64 ປີ ບັນດາການນຳພັກ-ລັດ ແຫ່ງ ສປປ ລາວ ຊຶ່ງນຳໂດຍ ສະຫາຍ ບຸນ​ຍັງ​ ວໍລະ​ຈິດ ​ເລ​ຂາ​ທິການ​ໃຫຍ່ ຄະນະ​ບໍລິຫານ​ງານ​ສູນ​ກາງ​ພັກ, ປະ​ທານ​ປະ​ເທດ ​ແຫ່ງ ສປປ ລາວ ໄດ້​ເຂົ້າວາງພວງມາລາຢູ່ອານຸສາ​ວະລີນັກຮົບ​ນິລະນາມ (ດາວ​ແດງ) ເພື່ອເປັນການສະແດງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ​ເຖິງຄຸນງາມຄວາມດີ, ນໍ້າໃຈຕໍ່ສູ້ຢ່າງພິລະອາດຫານ ແລະ ບໍ່ຍອມຈໍານົນຂອງບັນພະບູລຸດລາວ ກໍຄືບັນດານັກຮົບປະຕິວັດທີ່​ໄດ້ເສຍສະຫລະຊີວິດ, ເລືອດເນື້ອ ເພື່ອພາລະກິດປະຕິວັດຢ່າງອົງອາດກ້າຫານ ພາຍໃຕ້ການຊີ້ນຳ-ນຳພາຂອງພັກປະຊາຊົນ ປະຕິວັດລາວ ຈົນສາມາດຍາດໄດ້ໄຊຊະນະອັນໃຫຍ່ຫລວງ ແລະ ປະກາດເອກະລາດ, ສະຖາປະນາເປັນສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975.

ພາຍຫລັງສຳເລັດການວາງພວງມາລາທີ່ອານຸສາວະລີນັກຮົບນິລະນາມແລ້ວ, ຄະນະການນຳພັກ-ລັດ ໄດ້ສືບຕໍ່ໄປວາງກະຕ່າດອກໄມ້ຢູ່ຕໍ່ໜ້າອານຸສາວະລີ ປະທານ ໄກສອນ ພົມວິຫານ ອະດີດຜູ້ ນຳທີ່ແສນເຄົາລົບຮັກຂອງປວງຊົນລາວທັງຊາດ ເພື່ອສະແດງຄວາມກະຕັນຍູຮູ້ບຸນຄຸນຕໍ່​ເພິ່ນທີ່ໄດ້ສຸມສະຕິປັນຍາເຂົ້າໃນການຊີ້​ນຳ-ນຳພາຂະບວນການຕໍ່ສູ້ຕ້ານການຮຸກຮານຂອງພວກຕ່າງດ້າວ ສາມາດຍາດໄດ້ໄຊຊະນະ ແລະ ນຳເອົາຄວາມຢູ່ເຢັນເປັນສຸກມາສູ່ປະຊາຊົນລາວບັນດາເຜົ່າ ຊຶ່ງຜົນງານ ແລະ ຄຸນງາມຄວາມດີຂອງທ່ານໄດ້ຈາລຶກໃນຄວາມຊົງຈຳຂອງປະຊາຊົນລາວບັນດາເຜົ່າຕະຫລອດກາລະນານ.

ການນຳພັກ-ລັດ ວາງພວງມາລາ ເພື່ອລະລຶກວັນສ້າງຕັ້ງພັກ ຄົບຮອບ 64 ປີ - Wave100S AD to Website 2020 0 - ການນຳພັກ-ລັດ ວາງພວງມາລາ ເພື່ອລະລຶກວັນສ້າງຕັ້ງພັກ ຄົບຮອບ 64 ປີ
ການນຳພັກ-ລັດ ວາງພວງມາລາ ເພື່ອລະລຶກວັນສ້າງຕັ້ງພັກ ຄົບຮອບ 64 ປີ - lattana 1 - ການນຳພັກ-ລັດ ວາງພວງມາລາ ເພື່ອລະລຶກວັນສ້າງຕັ້ງພັກ ຄົບຮອບ 64 ປີ
error: Alert: Content is protected !!