ລັດຖະບານ​ຫາລື​ຫລາຍ​ບັນຫາ​ສຳຄັນ​ຂອງ​ຊາດ

ລັດຖະບານ​ຫາລື​ຫລາຍ​ບັນຫາ​ສຳຄັນ​ຂອງ​ຊາດ - 54230731 2164920350485181 8707180606406000640 n - ລັດຖະບານ​ຫາລື​ຫລາຍ​ບັນຫາ​ສຳຄັນ​ຂອງ​ຊາດ
ລັດຖະບານ​ຫາລື​ຫລາຍ​ບັນຫາ​ສຳຄັນ​ຂອງ​ຊາດ - Untitled design - ລັດຖະບານ​ຫາລື​ຫລາຍ​ບັນຫາ​ສຳຄັນ​ຂອງ​ຊາດ

     ກອງ​ປະຊຸມ​ລັດຖະບານ​ປະຈຳ​ເດືອນ ​ມີນານີ້, ​ໄດ້​ຈັດ​ຂຶ້ນ​ໃນ​ວັນ​ທີ 20-21 ຢູ່ນະຄອນຫຼວງວຽງຈັນ ​ໂດຍ​ການ​ເປັນ​ປະທານ​ຂອງ​ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ. ກອງ​ປະຊຸມ​​ໄດ້​ປຶກສາ​ຫາລື​ຫລາຍ​ບັນຫາ​ສຳຄັນ​ຄື: ຄວາມ​ຄືບ​ໜ້າການ​ຈັດຕັ້ງປະຕິບັດ​ການ​ຮ່ວມ​ມື​ຂໍ້​ລິ​ເລີ່​ມໜຶ່ງ​ແລວ​ໜຶ່ງ​ເສັ້ນທາງ ​ໃນ​ປີ 2018 ​ແລະ ທິດ​ທາງ​ຮ່ວມ​ມື 2019, ຮ່າງ​ດຳລັດ​ວ່າ​ດ້ວຍ​ການ​ຄຸ້ມ​ຄອງ ​ແລະ ນຳ​ໃຊ້​ການຊ່ວຍ​ເຫລືອ​ທາງ​ການ ​ເພື່ອ​ການ​ພັດທະນາ, ຮ່າງ​ດຳລັດ​ວ່າ​ດ້ວຍ​ການ​ເຂົ້າ​ເຖິງ​ຂໍ້​ມູນ​ຂ່າວສານ​ສິນ​ເຊື່ອ, ຮ່າງ​ກົດໝາຍ​ວ່າ​ດ້ວຍ​ເອກະສານ​ແຫ່ງ​ຊາດ​ສະບັບ​ໃໝ່, ຮ່າງ​ກົດໝາຍ​ວ່າ​ດ້ວຍ​ການ​ຄຸ້ມ​ຄອງ​ສ່ວຍ​ສາ​ອາກອນ​ສະບັບ​ປັບປຸງ, ຮ່າງ​ກົດໝາຍ​ວ່າ​ດ້ວຍ​ອາກອນ​ລາຍ​ໄດ້​ສະບັບ​ສ້າງ​ໃໝ່ ​ແລະ ຮ່າງ​ກົດໝາຍ​ວ່າ​ດ້ວຍ​ອາກອນ​ຊົມ​ໃຊ້​ສະບັບ​ສ້າງ​ໃໝ່. ພ້ອມ​ນີ້ ກອງ​ປະຊຸມ​ໄດ້​ປຶກສາ​ຫາລື​ມາດ​ຕະການ​ແກ້​ໄຂ​ບັນຫາ​ມົນ​ລະ​ພິດ​ທາງ​ອາກາດ​ທີ່​ເພີ່ມ​ຂຶ້ນ, ການ​ປ້ອງ​ກັນ​ການ​ແຜ່​ລະບາດ​ຂອງ​ພະຍາດ​ອະຫິວາ​ໝູ​ອາ​ຟຣິກາ​ທີ່​ພວມ​ລະບາດ​ຢູ່​ປະ​ເທດ​ໃກ້​ຄຽງ.

     ຕໍ່​ບັນຫາ​ດັ່ງກ່າວ, ກອງ​ປະຊຸມ​ໄດ້​ເອກະ​ພາບ​ມອບ​ໃຫ້​ຂະ​ແໜງ​ການ​ກ່ຽວຂ້ອງ​ເພີ່ມ​ທະວີ​ໃນ​ການ​ແຈ້ງ​ເຕືອນ, ອອກ​ຂ່າວ​ຢ່າງ​ເປັນ​ປົກກະຕິ​ໃຫ້​ປະຊາຊົນ​ຮັບ​ຮູ້, ມີ​ສະຕິ​ລະວັງ​ຕົວ ​ແລະ ຮູ້ຈັກ​ວິທີ​ປ້ອງ​ກັນ​ຕົນ​ເອງ​ຈາກ​ການ​ປ່ຽນ​ແປງ​ດິນ​ຟ້າ​ອາກາດ, ພ້ອມ​ທັງ​ເພີ່ມ​ທະວີ​ຄວາມ​ເຂັ້ມງວດ​ກວດກາ​ຕາມ​ດ່ານ​ຕ່າງໆ, ​ເອົາ​ໃຈ​ໃສ່​ລົງ​ກວດກາ​ຕາມ​ທ້ອງ​ຕະຫລາດ, ຖ້າ​ພົບ​ເຫັນ​ແມ່ນ​ໃຫ້​ມີ​ມາດ​ຕະການ​ແກ້​ໄຂ​ຢ່າງ​ເດັດຂາດ. ນອກ​ນັ້ນ ​ໃຫ້​ກວດກາ​ຄືນ​ການ​ນຳ​ເຂົ້າສິນຄ້າ​ປະ​ເພດ​ສັດ, ພືດ, ໝາກ​ໄມ້ ​ແລະ ອື່ນໆ​ທີ່​ອາດ​ເຈືອ​ປົນ​ສານ​ເຄມີ​ຕ່າງໆ, ພ້ອມ​ນັ້ນກໍ​ໄດ້​ຮຽກຮ້ອງ​ໃຫ້​ບັນດາ​ກະຊວງ, ອົງການ​ປົກຄອງ​ທ້ອງ​ຖິ່ນ​ແຕ່ລະ​ຂັ້ນ​ເພີ່ມ​ທະວີ​ເອົາ​ໃຈ​ໃສ່ ​ແລະ ມີ​ສ່ວນ​ຮ່ວມ​ຢ່າງ​ເປັນ​ເຈົ້າການ​ໃນ​ການ​ແກ້​ໄຂ​ປາກົດການ​ຫຍໍ້​ທໍ້​ຕ່າງໆ​ໃນ​ສັງຄົມ, ​ເອົາ​ໃຈ​ໃສ່​ສຶກສາ​ອົບຮົມ​ພະນັກງານ, ​ເຈົ້າໜ້າ​ທີ່ ​ແລະ ປະຊາຊົນຍົກ​ສູງ​ສະຕິ​ເຄົາລົບ​ລະບຽບ​ກົດໝາຍ​ໃຫ້​ຫລາຍ​ຂຶ້ນ.

ລັດຖະບານ​ຫາລື​ຫລາຍ​ບັນຫາ​ສຳຄັນ​ຂອງ​ຊາດ - Wave100S AD to Website 2020 0 - ລັດຖະບານ​ຫາລື​ຫລາຍ​ບັນຫາ​ສຳຄັນ​ຂອງ​ຊາດ
ລັດຖະບານ​ຫາລື​ຫລາຍ​ບັນຫາ​ສຳຄັນ​ຂອງ​ຊາດ - WhatsApp Image 2020 05 27 at 5 - ລັດຖະບານ​ຫາລື​ຫລາຍ​ບັນຫາ​ສຳຄັນ​ຂອງ​ຊາດ
ລັດຖະບານ​ຫາລື​ຫລາຍ​ບັນຫາ​ສຳຄັນ​ຂອງ​ຊາດ - WhatsApp Image 2020 05 27 at 5 - ລັດຖະບານ​ຫາລື​ຫລາຍ​ບັນຫາ​ສຳຄັນ​ຂອງ​ຊາດ
error: Alert: ເນື້ອຫາຂ່າວມີລິຂະສິດ !!