ຢໍໂຄວິດ ຕັ້ງ ອາກັລຊີ ເປັນຜູ້ຈັດການຄົນໃໝ່ແລ້ວ

ໂນວັກ ຢໍໂຄວິດ ຍອດນັກ ເຕັນນິສຄົນ ເຊີເບຍ ອອກມາເປີດ ເຜີຍວ່າ ອັງເດຣ ອາກັສຊີ ອະດີດ ຍອດນັກເຕັນນິສຄົນ ອາເມຣິກາ ອະດີດແຊ໊ມແກຣນສະແລມ 8 ລາຍການ ຈະເຂົ້າມາເຮັດໜ້າທີ່ ເປັນຜູ້ຈັດຄົນໃໝ່ຂອງລາວ ເພື່ອ ກຽມໂຕລົງຊີງໄຊໃນສຶກ ເຟຣນ ໂອເພນ ແກຣນສະແລມທີ 2 ຂອງປີ ທີ່ໂຣລັງ ກາຣອສ ໃນນະ ຄອນປາຣິສ ປະເທດຝຣັ່ງ ເຊິ່ງ ຈະເລີ່ມແຂ່ງຂັນກັນໃນວັນອາທິດທີ 28 ພຶດສະພານີ້ ຫຼັງ ຢໍໂຄວິດ ຫາກໍປະກາດແຍກທາງກັບທີມ ງານຜູ້ຈັດການເກົ່າຢ່າງ ມາຣຽນ ໄວດາ ລວມເຖິງ ບໍຣິສ ເບກເກີ ໄປກ່ອນໜ້ານີ້.

ຢໍໂຄວິດ ເຊິ່ງຫາກໍໄດ້ພຽງ ຮອງແຊ໊ມໃນສຶກເຕັນນິສ ເອທີພີ ທົວ ມາສເຕີ 100 ລາຍການ ອິນ ເຕີນາຊິອອງນາລີ ບີເອັນແອລ ອິ ຕາລີ ຫຼັງເສຍໃຫ້ ອະເລັກຊານເດີ ຊະເວເຣຟ ດາວຮຸ່ງອາຍຸ 20 ປີ ຄົນ ເຢຍລະມັນ 0-2 ເຊັດ ໃນ ຮອບຊີງຊະນະເລີດ ທີ່ນະຄອນ ຫຼວງໂຣມ ປະເທດອິຕາລີ ກ່າວ ວ່າ: “ຂ້ອຍໄດ້ເຈລະຈາກັບ ອັງ ເດຣ ທາງໂທລະສັບ ແລະ ເຮົາໄດ້ ຕັດສິນໃຈທີ່ຈະເຮັດວຽກຮ່ວມກັນ ທີ່ປາຣິສ ດັ່ງນັ້ນລາວຈະຢູ່ບ່ອນ ນັ້ນກັບຂ້ອຍນຳອີກ ເຮົາຕ້ອງລໍ ຖ້າເບິ່ງວ່າມັນຈະເກີດຫຍັງຂຶ້ນ ເຮົາຕ່າງຕື່ນເຕັ້ນທີ່ຈະໄດ້ຮ່ວມ ວຽກກັນ ເຮົາບໍ່ໄດ້ມີຂໍ້ຜູກມັດໃນ ໄລຍະຍາວ ແຕ່ຕ້ອງການທີ່ຈະ ຮຽນຮູ້ກັນ ແລະ ກັນໃຫ້ຫຼາຍຂຶ້ນ ໃນທົວນາເມນ ທີ່ປາຣິສ”.

error: Alert: Content is protected !!