ຂັ້ນຕອນການບໍລິຫານປອດໃຫ້ແຂງແຮງ

    ເມື່ອປອດແຂງແຮງກໍຍ່ອມພ້ອມຮັບກັບການຫາຍໃຈທີ່ມີປະສິດທິພາບ ຫາຍໃຈເອົາອົກຊີແຊນເຂົ້າສູ່ຮ່າງກາຍໄດ້ຢ່າງເຕັມທີ່ ຈຶ່ງເຮັດໃຫ້ທ່ານມີສຸຂະພາບທີ່ດີຂຶ້ນໄດ້.

     ຕໍ່ໄປນີ້ແມ່ນວິທີການເຮັດໃຫ້ປອດແຂງແຮງງ່າຍໆ ໂດຍການຫາຍໃຈ :

     1. ເລືອກສະຖານທີ່ທີ່ມີອາກາດບໍລິສຸດ ຫລື ເວລາໄດ້ໄປທ່ອງທ່ຽວຕາກອາກາດໃນບັນຍາກາດບໍລິສຸດ.

     2. ເລີ່ມຕົ້ນຫາຍໃຈເຂົ້າຊ້າໆ ນັບໃນໃຈຊ້າໆ 1 – 2 – 3  – 4, ກັ້ນຫາຍໃຈ ນັບໃນໃຈຊ້າໆ 1 – 2 – 3 – 4 ແລ້ວຫາຍໃຈອອກຊ້າໆ ນັບໃນໃຈຊ້າໆ 1 – 2 – 3 – 4 (ນັບເປັນ 1 ເທື່ອ) ເພື່ອເປັນການຝຶກໃຫ້ຫາຍໃຈຍາວ ແລະ ເລິກ.

     3. ເລີ່ມຕົ້ນເຮັດໃໝ່ໃຫ້ໄດ້ 10ເທື່ອໃນຮອບໜຶ່ງ.

     4. ຄວນຝຶກຫາຍໃຈຍາວສະໝໍ່າສະເໝີເປັນປະຈຳ.

     ການກັ້ນຫາຍໃຈເປັນການເພີ່ມສະມັດຕະພາບໃຫ້ແກ່ປອດ ເຮັດໃຫ້ປອດເກັບກັກອາກາດບໍລິສຸດ ແລະ ນຳໄປໃຊ້ປະໂຫຍດຢ່າງເຕັມທີ່.