5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ

5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ - advert banner 728 90 728x90 - 5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ

   ຊີວິດທີ່ຜ່ານມາທ່ານອາດເຄີຍຖືກເວົ້າໃຫ້ວ່າເປັນນັກຝັນ ເມົາແຕ່ເພີ້ຝັນໄປແຕ່ລະມື້ແຕ່ບໍ່ລົງມືເຮັດ. ຄຳວ່າ ນັກຝັນ ກັບ ນັກປະຕິບັດ ເປັນ 2 ຄຳທີ່ໃຫ້ຄວາມໝາຍທີ່ແຕກຕ່າງກັນຫລາຍ ຈາກຄວາມຮູ້ສຶກແລ້ວ ນັກປະຕິບັດຍ່ອມຟັງຄືດີກ່ວານັກຝັນແມ່ນບໍ່ ? ແຕ່ໃນຄວາມເປັນຈິງແລ້ວ ບໍ່ມີໃຜເປັນແບບໃດແບບໜຶ່ງໄດ້ຢ່າງ 100% ພຽງແຕ່ທ່ານອາດເລືອກເນັ້ນໄປທາງໃດທາງໜຶ່ງເທົ່ານັ້ນ ແລະ ຈົ່ງຈື່ໄວ້ຢ່າງໜຶ່ງວ່າການເປັນນັກປະຕິບັດນັ້ນ ກໍບໍ່ໄດ້ໝາຍຄວາມວ່າຈະດີກ່ວາການເປັນຄົນຊ່າງຝັນສະເໝີໄປ ທ່ານຕ້ອງໃຊ້ທັງ 2 ສິ່ງນີ້ຮ່ວມກັນເພື່ອກ້າວໄປສູ່ຄວາມສຳເລັດ. ຖ້າຫາກທ່ານເລີ່ມເກີດຄວາມບໍ່ດຸ່ນດ່ຽງລະຫ່ວາງ  2 ສິ່ງນີ້ ແລະ ດູແລເປົ້າໝາຍທີ່ຝັນໄວ້ເຕັມໄປໝົດ ນີ້ແມ່ນເວລາທີ່ທ່ານຄວນຈະເລີ່ມເດີນໜ້າລົງມືເຮັດໄດ້ແລ້ວ ເຊິ່ງວິທີເຫລົ່ານີ້ງ່າຍ ແລະ ໄວທີ່ສຸດທີ່ຈະເຮັດໃຫ້ທ່ານຜັນໂຕເອງຈາກນັກຝັນມາເປັນນັກປະຕິບັດ, ຈື່ໄວ້ວ່າຫາກບໍ່ຮັກສາຄວາມດຸ່ນດ່ຽງໃຫ້ດີ ທ່ານຈະບໍ່ມີມື້ປະສົບຄວາມສຳເລັດໄດ້ເລີຍ.

5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ - lattana 1 - 5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ
5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ - 062203 2019 - 5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ

     1. ຂຽນເປົ້າໝາຍທີ່ຕ້ອງເຮັດ ລວມເຖິງກຳໜົດໄລຍະເວລາທີ່ແນ່ນອນ : ຫາກທ່ານຄິດວ່າຢາກຈະຂຽນນິຍາຍຈັກເລື່ອງ ເພື່ອສະເໜີໃຫ້ກັບສຳນັກງານວັນນະກຳ ຫລື ສຳນັກພິມ ທ່ານຈະຕ້ອງຂຽນເປົ້າໝາຍ ແລະ ວາງແຜນສິ່ງຕ່າງໆເອົາໄວ້ຢ່າງເຈາະຈົງ ເຊັ່ນ: ທ່ານຄິດວ່າທ່ານຈະໃຊ້ເວລາຂຽນມັນດົນປານໃດ ?ແລ້ວວຽກທີ່ພ້ອມສົ່ງຈະເປັນແນວໃດ ? ແລະ ທ່ານສາມາດແຕ່ງເລື່ອງໄດ້ຫລາຍປານໃດໃນແຕ່ລະມື້ ?  ກຳໜົດວັນເວລາທີ່ຈະແຈ້ງ ຫລື ກຳໜົດການແບບຄ່າວໆເອົາໄວ້ ເຊັ່ນ: ຕ້ອງເຮັດໃຫ້ ….. ສຳເລັດພາຍໃນໄລຍະເວລາ …… ເດືອນ ເຊິ່ງວິທີການເຫລົ່ານີ້ລ້ວນແຕ່ໄດ້ຜົນສະເໝີບໍ່ວ່າຈະເປັນການຕັ້ງເປົ້າໝາຍໃດໆກໍຕາມ.

5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ - 062103 2019 1024x1024 - 5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ
deadline word circle marked on a calendar by a red pen

     2. ສ້າງຄວາມດຸ່ນດ່ຽງລະຫ່ວາງສິ່ງທີ່ຕ້ອງການກັບສິ່ງທີ່ຈຳເປັນຕ້ອງເຮັດ : ທຸກເທື່ອທີ່ທ່ານຕັດສິນໃຈວ່າທ່ານຢາກເຮັດຫຍັງແດ່ ໃຫ້ລອງຂຽນແຜນການເປັນລາຍການຂັ້ນຕອນຕ່າງໆທີ່ທ່ານຄວນເຮັດອອກມາ ແລ້ວເລີ່ມລົງມືເຮັດໃຫ້ມັນເກີດຂຶ້ນແທ້ ເຊັ່ນ : ຖ້າທ່ານຕ້ອງການຈະທ້ອນເງິນໃຫ້ໄດ້ປະມານ 25 ລ້ານກີບພາຍໃນ2 ປີ ທ່ານກໍຄວນສຳຫລວດເງິນທ້ອນທີ່ທ່ານມີ ແລ້ວຂຽນລາຍການທີ່ຈຳເປັນຕ້ອງເຮັດຂຶ້ນມາ, ທ່ານມີຄ່າໃຊ້ຈ່າຍທີ່ບໍ່ຈຳເປັນພາກສ່ວນໃດແດ່ທີ່ຄວນຕັດອອກ, ທ່ານຕ້ອງເພີ່ມເວລາເຮັດວຽກຫລາຍຂຶ້ນຫລືບໍ່ ແລະ ຕ້ອງຫາວຽກເສີມຫລືບໍ່ ແລະ ຕ້ອງກິນຢູ່ຢ່າງປະຢັດຈັກມື້ ເປັນຕົ້ນ.

    3. ຈົ່ງຢູ່ໃນບ່ອນທີ່ຫ້ອມລ້ອມໄປດ້ວຍບັນດານັກປະຕິບັດ : ຄົນທີ່ມັກຫຍັງຄືກັນມັກຈະຢູ່ຮ່ວມກັນໄດ້ ຫາກເຮົາຫ້ອມລ້ອມໄປດ້ວຍຄົນທີ່ເປັນນັກຝັນ ບັນດານັກຝັນກໍມັກຈະຊ່ວຍຕື່ມເຕັມຄວາມຝັນໃຫ້ກັນ ແລະ ກັນ, ແຕ່ຫາກທ່ານຢູ່ກັບບັນດານັກປະຕິບັດ ພວກເຂົາຈະກາຍເປັນແຮງບັນດານໃຈທີ່ດີໃຫ້ກັບທ່ານ.

4. ຈົ່ງເຊົາເຮັດສິ່ງທີ່ມັນໃຊ້ບໍ່ໄດ້ຜົນ : ເປັນຫຍັງທ່ານຈຶ່ງຍຶດຕິດຢູ່ກັບວິທີການເກົ່າໆທີ່ບໍ່ໄດ້ຜົນຢູ່ອີກ ? ຫາກທ່ານເຄີຍວາດພາບຄວາມຝັນເຖິງຫຍັງຈັກຢ່າງ, ແຕ່ຄວາມພະຍາຍາມຂອງທ່ານຊຳ້ພັດເບິ່ງແລ້ວບໍ່ສົ່ງຜົນດີຫຍັງໃຫ້ເລີຍ ທ່ານກໍຄວນທີ່ຈະຢຸດໄດ້ແລ້ວ ລອງຄິດ ແລະ ຄົ້ນຫາເບິ່ງໃໝ່ວ່າອັນໃດແມ່ນຜົນຕອບຮັບທີ່ແທ້ຈິງຂອງມັນກັນແທ້ ຈາກນັ້ນລອງໃຊ້ວິທີໃໝ່ໆເບິ່ງ ເພາະທ່ານບໍ່ມີທາງສົມຫວັງໄດ້ ຫາກຍັງເດີນໜ້າເຮັດຕາມຄວາມຜິດພາດເກົ່າໆຊຳ້ໆຢູ່ແບບນັ້ນ.

5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ - 1 1 - 5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ
5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ - Tiger Head 728x90 - 5 ວິທີປ່ຽນໂຕເອງຈາກນັກຝັນໄປເປັນນັກປະຕິບັດ

     5. ຈົ່ງຄິດສະເໝີວ່າທຸກສິ່ງລ້ວນຕ້ອງໃຊ້ທັງເວລາ ແລະ ຄວາມພະຍາຍາມຫລາຍກ່ວາທີ່ຄິດໄວ້ : ຂໍ້ເສຍຢ່າງໜຶ່ງຂອງການ ເປັນຄົນຊ່າງຝັນກໍຄືການທີ່ທ່ານຄິດວ່າທຸກໆຢ່າງລ້ວນໄດ້ມາງ່າຍດາຍດັ່ງທີ່ຄາດເອົາໄວ້, ແຕ່ຄວາມຈິງແລ້ວມັນຊຳ້ພັດບໍ່ແມ່ນເລີຍ ເພາະທຸກໆສິ່ງມັກຕ້ອງໃຊ້ທັງຄວາມພະຍາຍາມ, ເງິນ ແລະ ເວລາຫລາຍກ່ວາທີ່ຄາດເອົາໄວ້. ດັ່ງນັ້ນເມື່ອທ່ານໄດ້ເຮັດຮ່າງແຜນການຂຶ້ນມາແລ້ວ ໃຫ້ລອງເຜື່ອເງິນ ແລະ ເວລາໄວ້ຕື່ມອີກ 10% ຂອງຄວາມເປັນຈິງ ເພື່ອທີ່ທ່ານຈະໄດ້ມີພື້ນທີ່ເອົາໄວ້ຮອງຮັບສິ່ງບໍ່ຄາດຄິດທີ່ອາດເກີດຂຶ້ນ.

     ຢ່າໃຫ້ແຮງຊຸກຍູ້ທີ່ຢາກຈະເປັນນັກປະຕິບັດມາເຮັດໃຫ້ຄວາມເປັນນັກຝັນຂອງທ່ານຈົມຫາຍໄປ ເພາະຄວາມຝັນລ້ວນເປັນແຫລ່ງກຳເນີດຂອງແຮງບັນດານໃຈ, ຄວາມຄິດສ້າງສັນ ເຊິ່ງສິ່ງເຫລົ່ານີ້ກໍຈະຊ່ວຍໃຫ້ທ່ານໄປເຖິງດວງດາວໄດ້ເຊັ່ນກັນ. ດັ່ງນັ້ນ, ຮັກສາຄວາມດຸ່ນດ່ຽງຂອງການເປັນນັກຝັນ ແລະ ນັກປະຕິບັດຂອງທ່ານໃຫ້ດີນຳ.