ການ​ປະຕິບັດ​ໂມງ​ເວລາ​ຢ່າງ​ເຂັ້ມງວດ​ມີ​ຜົນ​ແນວ​ໃດ?

ການ​ປະຕິບັດ​ໂມງ​ເວລາ​ຢ່າງ​ເຂັ້ມງວດ​ມີ​ຜົນ​ແນວ​ໃດ? - advert banner 728 90 728x90 - ການ​ປະຕິບັດ​ໂມງ​ເວລາ​ຢ່າງ​ເຂັ້ມງວດ​ມີ​ຜົນ​ແນວ​ໃດ?

ໂດຍ: ລູກ​ເມືອງ​ພວນ

ການ​ປະຕິບັດ​ໂມງ​ເວລາ​ຢ່າງ​ເຂັ້ມງວດ​ມີ​ຜົນ​ແນວ​ໃດ? - lattana 1 - ການ​ປະຕິບັດ​ໂມງ​ເວລາ​ຢ່າງ​ເຂັ້ມງວດ​ມີ​ຜົນ​ແນວ​ໃດ?

ສະບາຍດີເພື່ອນຜູ້ອ່ານ ທີ່ຮັກແພງທຸກຄົນອາດດີຢູ່ ແລ້ວວ່າ, ເວລາ “ ແມ່ນເປັນ ເງິນເປັນຄຳ ”. ໂດຍສະເພາະ ແມ່ນໃນຍຸກໂລກາພິວັດແຫ່ງ ເທັກໂນໂລຢີກ້າວໜ້າ, ທັນສະໄໝຄືທຸກວັນນີ້ຍິ່ງມີຄວາມ ຈຳເປັນທີ່ຈະຕ້ອງໄດ້ແຂ່ງຂັນ ກັບເວລາ, ແລ່ນນຳເວລາ. ຢູ່ ປະເທດຍີ່ປຸ່ນແມ່ນເພີ່ນເຂັ້ມງວດທີ່ສຸດໃນການປະຕິບັດ ໂມງເວລາທີ່ຊັດເຈນ. ອາດ ເວົ້າໄດ້ວ່າ ໄປຊ້າພຽງ 1 ວິນາ ທີກໍບໍ່ໄດ້, ຖ້າໃຜມີປະກົດການນີ້, ກໍຈະຖືກວິພາກວິຈານ  ແລະ ເປັນເລື່ອງຮືຮາໄປທົ່ວ ສັງຄົມ. ການໄປວຽກໄປການຕົງກັບໂມງເວລາເປັນ ເລື່ອງທີ່ສຳຄັນຫຼາຍສຳລັບ ຄົນຍີ່ປຸ່ນ.

ການ​ປະຕິບັດ​ໂມງ​ເວລາ​ຢ່າງ​ເຂັ້ມງວດ​ມີ​ຜົນ​ແນວ​ໃດ? - 957 - ການ​ປະຕິບັດ​ໂມງ​ເວລາ​ຢ່າງ​ເຂັ້ມງວດ​ມີ​ຜົນ​ແນວ​ໃດ?

ຄົນຍີ່ປຸ່ນເຂົາສອນໃຫ້ລູກຮູ້ຈັກປະຕິບັດໂມງເວລາໃຫ້ ຖືກຕ້ອງແຕ່ເວລາຍັງນ້ອຍໆ. ເຂົາສອນໃຫ້ລູກຮູ້ຄຸນຄ່າ   ຂອງເວລາ ແລະ ຜົນເສຍຫາຍ ຂອງການບໍ່ປະຕິບັດໂມງເວ ລາທີ່ຖືກຕ້ອງວ່າ: ມັນຈະສ້າງ ຄວາມລຳຄານໃຫ້ຄົນອື່ນ ເຖິງ ແມ່ນພຽງສ້ຽວວິນາທີກໍຕາມ ແລະ ຈະມີຜົນກະທົບຕໍ່ເສດ ຖະກິດ, ກະທົບເຖິງລາຍຮັບ, ກະທົບເຖິງສະມັດຕະພາບ ຂອງງານຢ່າງຫຼວງຫຼາຍ. ການປະຕິບັດບໍ່ກົງກັບເວລາ ໄດ້ກາຍເປັນສິ່ງທີ່ລັງກຽດ ທີ່ສຸດຂອງສັງຄົມຍີ່ປຸ່ນ. ໃຜໄປການຊັກຊ້າພຽງໜ້ອຍ ດຽວກໍຈະຖືກຕັກເຕືອນ ແລະ ຕຳໜິຈາກຫົວໜ້າ. ຍ້ອນແນວນັ້ນ, ຄຳວ່າ “ໂມງ” ກັບ ຄວາມສຳນຶກວ່າ “ ຕະຫຼອດ 24 ຊົ່ວໂມງ ” ນັ້ນໄດ້ກາຍ ເປັນຄວາມຊິນເຄີຍກັບຄົນ ຍີ່ປຸ່ນໃນປັດຈຸບັນ.

ແຕ່ກໍມີບາງທັດສະນະ ໂຕ້ແຍ້ງຄືນວ່າ, ເຮັດວຽກກົງ ໂມງກົງເວລາບໍ່ແມ່ນວ່າຈະ ໄດ້ຮັບຜົນຕອບແທນດີສະ ເໝີໄປ, ຍິ່ງໄປກວ່ານັ້ນການ ຖືສຳຄັນການປະຕິບັດກົງໂມງກົງ ເວລາຢ່າງເຂັ້ມງວດ ແລະ ບໍ່ມີຂອບເຂດນັ້ນ, ມັນຍັງ ສົ່ງຜົນສະທ້ອນເຖິງການດຳ ລົງຊີວິດ ແລະ ຈິດໃຈຂອງ ຄົນເຮົາອີກດ້ວຍ.

ເຖິງຢ່າງໃດກໍດີ, ການ ປະຕິບັດກົງໂມງກົງເວລາ ເປັນບັນຫາທີ່ຄົນລາວເຮົາ ບໍ່ທັນມີຄວາມຊິນເຄີຍ.ທຸກມື້ນີ້, ພະນັກງານ-ລັດຖະກອນ ລາວ ການປະຕິບັດໂມງເວລາ ບໍ່ທັນໄດ້ດີເທົ່າທີ່ຄວນ, ຍັງມີລັກສະນະໄປຊ້າເລີກໄວ. ອັນນີ້, ເປັນບັນຫາທີ່ລັດຖະບານ ຈະຕ້ອງໄດ້ເບິ່ງຄືນ ແລະ ມີມາດຕະການອັນເຂັ້ມງວດ ເດັດຂາດຕື່ມອີກ. ຄວນມີການປະເມີນການເຮັດວຽກ ຂອງພະນັກງານ-ລັດຖະກອນໃນແຕ່ລະປີ. ຖ້າເຫັນວ່າ ພະນັກງານຄົນໃດບໍ່ໄດ້ມາດ ຕະຖານ, ເຮັດບໍ່ຫລ້ອນໜ້າທີ່ ວຽກງານ, ເຮັດວຽກບໍ່ມີປະ ສິດທິພາບປະສິດທິຜົນຄວນ ໃຫ້ອອກພັກຜ່ອນຮັບບຳເນັດ ເພາະຈະຫລຸດຜ່ອນງົບປະ ມານ ທີ່ລົງທຶນໄປບໍ່ໄດ້ຮັບຜົນ ຕອບແທນ, ເປັນການກະຕຸ້ນ ໃຫ້ພະນັກງານ-ລັດຖະກອນ ມີສະຕິ ແລະ ມີຄວາມຮັບຜິດ ຊອບໃນໜ້າທີ່ວຽກງານທີ່ ຖືກມອບໝາຍໃຫ້ສູງຂຶ້ນ, ເຮັດວຽກມີປະສິດທິພາບປະສິດທິຜົນແລ້ວດີກວ່າເກົ່າ. ດັ່ງທີ່ທ່ານນາຍົກທອງ ລຸນ ສີສຸລິດໃຫ້ຄຳຂວັນຕໍ່ການປັບປຸງກົງຈັກການຈັດຕັ້ງພັກ – ລັດວ່າ: “ ກະທັດ ລັດໜັກແໜ້ນເຂັ້ມແຂງໂປ່ງໃສມີປະສິດທິຜົນສູງ ແລະ ຮັບໃຊ້ປະຊາຊົນຢ່າງ ແທ້ຈິງ ”.

ການ​ປະຕິບັດ​ໂມງ​ເວລາ​ຢ່າງ​ເຂັ້ມງວດ​ມີ​ຜົນ​ແນວ​ໃດ? - 1 1 - ການ​ປະຕິບັດ​ໂມງ​ເວລາ​ຢ່າງ​ເຂັ້ມງວດ​ມີ​ຜົນ​ແນວ​ໃດ?

ການ​ປະຕິບັດ​ໂມງ​ເວລາ​ຢ່າງ​ເຂັ້ມງວດ​ມີ​ຜົນ​ແນວ​ໃດ? - 997774 - ການ​ປະຕິບັດ​ໂມງ​ເວລາ​ຢ່າງ​ເຂັ້ມງວດ​ມີ​ຜົນ​ແນວ​ໃດ?
(ພາບປະກອບ)