UN ເລັ່ງຂໍການຊ່ວຍເຫລືອໂມຊຳບິກ ເດືອດຮ້ອນໜັກຫລັງໄຊໂຄນພັດຖະຫລົ່ມ

un ເລັ່ງຂໍການຊ່ວຍເຫລືອໂມຊຳບິກ ເດືອດຮ້ອນໜັກຫລັງໄຊໂຄນພັດຖະຫລົ່ມ - advert banner 728 90 728x90 - UN ເລັ່ງຂໍການຊ່ວຍເຫລືອໂມຊຳບິກ ເດືອດຮ້ອນໜັກຫລັງໄຊໂຄນພັດຖະຫລົ່ມ

      ສະຫະ​ປະຊາ​ຊາດ ຫລື UN ​ເລັ່ງຂໍ​ການ​ຊ່ວຍ​ເຫລືອ​ຈາກ​ນາໆ​ປະ​ເທດ ​ເພື່ອ​ຊ່ວຍ​ເຫລືອ​ໂມ​ຊຳ​ບິ​ກ ປະ​ເທດ​ທາງ​ຕາ​ເວັນ​ອອກສຽງ​ໃຕ້​ຂອງ​ອາ​ຟຣິກາ​ທີ່​ຖືກ​ໄຊ​ໂຄນ​ພັດ​ຖະຫລົ່ມ​ໃນ​ອາທິດ​ກ່ອນ ​ແລະ ປະຊາຊົນ​ຍັງ​ເດືອດຮ້ອນ​ໜັກ​ໃນ​ປັດຈຸບັນ.

un ເລັ່ງຂໍການຊ່ວຍເຫລືອໂມຊຳບິກ ເດືອດຮ້ອນໜັກຫລັງໄຊໂຄນພັດຖະຫລົ່ມ - lattana 1 - UN ເລັ່ງຂໍການຊ່ວຍເຫລືອໂມຊຳບິກ ເດືອດຮ້ອນໜັກຫລັງໄຊໂຄນພັດຖະຫລົ່ມ

     ​ໄຊ​ໂຄນ​ໄອ​ດາ​ອີ ຄວາມ​ຮຸນ​ແຮງ​ລະດັບ​ສີ່ ພັດ​ຖະຫລົ່ມ​ໂມ​ຊຳ​ບິ​ກດ້ວຍ​ຄວາມ​ໄວ​ລົມ​ເກືອບ 200 ກິ​ໂລ​ແມັດ​ຕໍ່​ຊົ່ວ​​ໂມງ ​ເຮັດ​ໃຫ້​ນ້ຳຖ້ວມ​ເປັນ​ບໍລິ​ເວນ​ກວ້າງ. ອົງການ​ສາກົນ​ເພື່ອ​ການ​​ໂຍກ​ຍ້າຍ​ຖິ່ນ​ຖານ ຫລື IOM ​ເປີດ​ເຜີຍ​ວ່າ: ຈຳນວນ​ຜູ້​ເສຍ​ຊີວິດ​ທີ່​ໄດ້​ຮັບ​ການ​ຢືນຢັນ​ມີ​ 293 ຄົນ, ສ່ວນ​ຢູ່​ຊິ​ມບຳ​ເວ ປະ​ເທດ​ໃກ້​ຄຽງ​ທາງ​ຕາ​ເວັນ​ຕົກ​ມີ​ຜູ້​ເສຍ​ຊີວິດ 259 ຄົນ, ປະຊາຊົນ​ເດືອດຮ້ອນ 1,7 ລ້ານ​ຄົນ, ຫລາຍ​ຮ້ອຍ​ຄົນ​ຍັງ​ສູນຫາຍ, ຫລາຍ​ສິບ​ຄົນ​ຕົກ​ຄ້າງ​ຢູ່​ຕາມ​ຫລັງຄາ​ເຮືອນ, ຜູ້​ລອດ​ຊີວິດ​ມີ​ສະພາບ​ການ​ເປັນ​ໂຫດຮ້າຍ ສ່ຽງ​ເກີ​ດພະຍາດ​ລະບາດ​ທີ່​ເກີດ​ຈາກ​ນ້ຳ​ເຊັ່ນ: ອະຫິວາ. ​ໂຄງການ​ອາຫານ​ໂລກ​ປະກາດ​ໃນ​ວັນ​ທີ 24 ມີນາ​ວ່າ: ວິ​ກິດ​ດ້ານ​ອາຫານຢູ່​ໂມ​ຊຳ​ບິ​ກສຸກ​ເສີນ​ລະດັບ​ສາມ​ແລ້ວ ທຽບ​ເທົ່າ​ວິ​ກິດ​ຢູ່​ເຢ​ເມນ, ຊີຣີ ​ແລະ ​ຊູ​ດັງ​ໃຕ້​ທີ່​ຕົກ​ຢູ່​ໃນ​ສົງຄາມ. ການ​ປະກາດ​ລະດັບວິ​ກິດ​ເປັນ​ໄປ​ເພື່ອ​ເລັ່ງປະຕິບັດ​ການ​ຊ່ວຍ​ເຫລືອ​ຂະໜາດ​ໃຫຍ່​ທີ່​ກຳລັງ​ດຳ​ເນີນ​ຢູ່​ໃນ​ປັດຈຸບັນ.

      ​ໂດຍ​ສະ​ເພາະ​ຢູ່​ເມືອງ​ເບຍຣາ ​ເມືອງ​ໃຫຍ່​ອັນ​ດັບ​ສີ່​ທາງ​ຕອນ​ກາງຂອງ​ໂມ​ຊຳ​ບິ​ກ ໜ່ວຍ​ງານ​ບັນ​ເທົາ​ທຸກ​ໄດ້​ຮັບ​ລາຍ​ງານ​ຜູ້​ປ່ວຍອະຫິວາ​ແລ້ວ ​ແລະ ມີ​ຜູ້​ປ່ວຍ​ມາລາ​ເລຍ​ເພີ່ມ​ຂຶ້ນ ​ເນື່ອງ​ຈາກ​ມີ​ຊີວິດ​ຢູ່​ທ່າມກາງ​ນ້ຳຖ້ວມທີ​່​ເປິະ​ເປື້ອນ, ບັນຫາ​ສຸ​ຂະ​ອະນາ​ໄມ ​ແລະ ນ້ຳດື່ມ​ສະອາດ​ກຳລັງ​ເປັນ​ເລື່ອງ​ຮີບ​ດ່ວນ​ໃນ​ປັດຈຸບັນ. ນອກຈາກ​ນີ້ ຍັງ​ພົບ​ວ່າ​ມີ​ຜູ້​ປະສົບ​ໄພ​ມີ​ໂອກາດ​ຕິດພະຍາດ​ທາງ​ເດີນ​ຫາຍ​ໃຈ​ເຊັ່ນ: ປອດ​ອັກ​ເສບ​ນຳ​ອີກ.

un ເລັ່ງຂໍການຊ່ວຍເຫລືອໂມຊຳບິກ ເດືອດຮ້ອນໜັກຫລັງໄຊໂຄນພັດຖະຫລົ່ມ - 1 1 - UN ເລັ່ງຂໍການຊ່ວຍເຫລືອໂມຊຳບິກ ເດືອດຮ້ອນໜັກຫລັງໄຊໂຄນພັດຖະຫລົ່ມ