ຣອນນີ້ ໂອຊຸນລີແວນ ກັບຂຶ້ນເປັນມື 1 ຂອງໂລກໃນຮອບ 9 ປີ ຫລັງຄວ້າແຊ້ມ Tour Championship

ຣອນນີ້ ໂອຊຸນລີແວນ ກັບຂຶ້ນເປັນມື 1 ຂອງໂລກໃນຮອບ 9 ປີ ຫລັງຄວ້າແຊ້ມ tour championship - Untitled design - ຣອນນີ້ ໂອຊຸນລີແວນ ກັບຂຶ້ນເປັນມື 1 ຂອງໂລກໃນຮອບ 9 ປີ ຫລັງຄວ້າແຊ້ມ Tour Championship

     ຣອນນີ້ ​ໂອ​ຊຸນ​ລີ​ແວນ ນັກ​ສະນຸກ​ເກີຊາ​ວອັງກິດ ອາຍຸ 43 ປີ ອະດີດ​ແຊ້ມ​ໂລກ 5 ສະ​ໄໝ ກັບ​ມາ​ເປັນ​ມື 1 ຂອງ​ໂລກ​ອີກ​ຄັ້ງ ນັບ​ແຕ່​ປີ 2010 ຫລັງ​ຈາກ​ຄວ້າ​ແຊ້ມລາຍການ Tour Championship 2019 ທີ່​ປະ​ເທດ​ເວ​ວ ​ໃນ​ອາທິດ​ຜ່ານ​ມາ. ລາຍການ​ນີ້​​ເປັນ​ລາຍການ​​ໃໝ່​ໃນ​ປະຕິທິນ​ສະນຸກ​ເກີ​ໂລກ ຊີງ​ເງິນ​ລາງວັນ​ລວມ 375.000 ປອນ ​ໂດຍ​ຄັດ​ເອົາ​ນັກ​ສະນຸກ​ເກີ​ທີ່​ມີ​ການ​ສະ​ສົມ​ເງິນ​ລາງວັນ​ສູງ​ສຸດ 1 ​ໃນ 8 ຂອງ​ໂລກ​ໃນ​ລະດູ​ການ​ນີ້ ​ເຊິ່ງຮອບ​ຊີງ​ຈັດ​ຂຶ້ນ​ໃນ​ວັນ​ທີ 24 ມີນາ​ຜ່ານ​ມາ.

     ຄູ່​ຊີງ​ເປັນ​ການ​ພົບ​ກັນ​ລະຫວ່າງ ຣອນນີ້ ​ໂອ​ຊຸນ​ລີ​ແວນ ມື 2 ຂອງ​ລາຍການ​ຈາກ​ອັງກິດ ພົບ​ກັບ ນຽວ ​ໂຣ​ເບີດ​ສັນ ມື 4 ຂອງ​ລາຍການ​ຈາກ​ອົດ​ສະຕຣາລີ ຄູ່​ນີ້​ພົບ​ກັນ 3 ຄັ້ງກ່ອນ​ໜ້າ​ນີ້​ເປັນ ຣອນນີ້ ທີ່​ເອົາ​ຊະນະ​ໄດ້​ທັງ 3 ຄັ້ງ ມາ​ໃນ​ຄັ້ງນີ້ ຣອນນີ້ ຍັງ​ເປັນ​ຝ່າຍ​ເຮັດ​ໄດ້​ດີກ​ວ່າ, ການ​ແຂ່ງຂັນ​ພາກ​ທີ​ໜຶ່ງ ຣອນນີ້ ຄອງ​ຄວາມ​ໄດ້​ປຽບ​ກ່ອນ 5-3 ​ເຟຣມ ​ແຕ່​ມາ​ພາກ​ທີ 2 ນຽວ ​ໂຣ​ເບີດ​ສັນ ຫລິ້ນດີ​ຂຶ້ນ​ໄລ່​ຕີ​ສະ​ເໝີ 8-8 ​ເຟຣມ ມາ​ຕັດສິນ​ພາກ​ທີ​ສາມ ​ເປັນ ຣອນນີ້ ກັບ​ມາ​ຫລິ້ນ​ໄດ້​ດີ​ຄືນ ​ເອົາ​ຊະນະ 13-11 ​ເຟຣມ ຄວ້າ​ແຊ້ມສະນຸກ​ເກີ​ສະ​ສົມຄະ​ແນນ​ໂລກ​ເປັນ​ລາຍການ​ທີ 36 ຕະຫລອດ​ອາຊີບ ​ເທົ່າ​ກັບ​ສະຖິຕິ​ສູງ​ສຸດ​ຂອງ ສະ​ເຕີ​ເຟັ້ນ ​ເຮັນຣີ້ ອະດີດ​ນັກ​ສະນຸກ​ເກີ​ຊື່​ດັງ​ຊາວ​ສະ​ກັອດ​ແລນ ​ແລະ ​ເປັນ​ການ​ຄວ້າ​ແຊ້ມ 2 ລາຍການ​ຕິດ​ຕໍ່​ກັນ​ຕໍ່​ຈາກ​ລາຍການ The Player Championship 2019 ທີ່​ອັງກິດ ທີ່​ຊະນະ ນຽວ ​ໂຣ​ເບີດ​ສັນ 10-4 ​ເຟຣມ.

      ​ໄຊຊະນະ​ດັ່ງກ່າວ​ເຮັດ​ໃຫ້ ຣອນນີ້ ກວາດ​ຄະ​ແນນ ​ແລະ ​ເງິນ​ລາງວັນ​ອີກ 150.000 ປອນ ​ແຊງ ມາກ ​ເຊ​ວບີ້ ​ເພື່ອນ​ຮ່ວມ​ຊາດ​ກັບ​ຂຶ້ນ​ເປັນ​ມື 1 ຂອງ​ໂລກ​ອີກ​ຄັ້ງ​ໃນ​ຮອບ 9 ປີ ຜົນງານ​ຂອງ ຣອນນີ້ ​ໃນ​ປີ​ນີ້​ສຸດ​ເດັ່ນ ​ແຂ່ງ 10 ລາຍການ ​ເຂົ້າຊີງ 7 ລາຍການ ຄວ້າ​ແຊ້ມ​ໄດ້ 5 ລາຍການ ​ລົງແຂ່ງໄປ 43 ນັດ ຊະນະໄປ 38 ນັດ.

ຣອນນີ້ ໂອຊຸນລີແວນ ກັບຂຶ້ນເປັນມື 1 ຂອງໂລກໃນຮອບ 9 ປີ ຫລັງຄວ້າແຊ້ມ tour championship - Wave100S AD to Website 2020 0 - ຣອນນີ້ ໂອຊຸນລີແວນ ກັບຂຶ້ນເປັນມື 1 ຂອງໂລກໃນຮອບ 9 ປີ ຫລັງຄວ້າແຊ້ມ Tour Championship
ຣອນນີ້ ໂອຊຸນລີແວນ ກັບຂຶ້ນເປັນມື 1 ຂອງໂລກໃນຮອບ 9 ປີ ຫລັງຄວ້າແຊ້ມ tour championship - WhatsApp Image 2020 05 27 at 5 - ຣອນນີ້ ໂອຊຸນລີແວນ ກັບຂຶ້ນເປັນມື 1 ຂອງໂລກໃນຮອບ 9 ປີ ຫລັງຄວ້າແຊ້ມ Tour Championship
ຣອນນີ້ ໂອຊຸນລີແວນ ກັບຂຶ້ນເປັນມື 1 ຂອງໂລກໃນຮອບ 9 ປີ ຫລັງຄວ້າແຊ້ມ tour championship - WhatsApp Image 2020 05 27 at 5 - ຣອນນີ້ ໂອຊຸນລີແວນ ກັບຂຶ້ນເປັນມື 1 ຂອງໂລກໃນຮອບ 9 ປີ ຫລັງຄວ້າແຊ້ມ Tour Championship
error: Alert: ເນື້ອຫາຂ່າວມີລິຂະສິດ !!