ເປແອສເຊ ຕົກລົງຕໍ່ສັນຍາ ທູເຄິລ ແລ້ວ

ເປແອສເຊ ຕົກລົງຕໍ່ສັນຍາ ທູເຄິລ ແລ້ວ - advert banner 728 90 728x90 - ເປແອສເຊ ຕົກລົງຕໍ່ສັນຍາ ທູເຄິລ ແລ້ວ

     ​ເຕ​ເລ​ຟຸດ ສື່​ຂອງຝຣັ່ງ ລາຍ​ງານ​ວ່າ: ປາຣີ ​ແຊງ​ແຊກ​ແມງ ຕົກລົງ​ຕໍ່​ສັນຍາ​ກັບ ​ໂທ​ມັສ ທູ​ເຄິລ ຄູ​ຝຶກ​ຂອງ​ທີ​ມ​ໄດ້​ຮຽບຮ້ອຍ​ ​ໂດຍ​ຈະ​ມີ​ການ​ປະກາດ​ເລື່ອງ​ນີ້​ຢ່າງ​ເປັນ​ທາງ​ການ​ໃນຕົ້ນອາທິດ​ໜ້າ.

     ປາຣີ ​ແຊງ​ແຊກ​ແມງ ສະ​ໂມ​ສອນ​ມະຫາ​ເສດຖີ​ແຫ່ງ ລີກ ​ເອິງ ຝຣັ່ງ ບັນລຸ​ຂໍ້​ຕົກລົງ​ໃນ​ການຕໍ່​ສັນຍາ​ກັບ ​ໂທ​ມັສ ທູ​ເຄິລ ຄູ​ຝຶກ​ຂອງ​ທີ​ມ​ແລ້ວ.

      ທູ​ເຄິລ ​ເຂົ້າມາ​ຮັບ​ວຽກ​ກັບ ປາຣີ ​ແຊງ​ແຊກ​ແມງ ​ໃນ​ຊ່ວງ​ໜ້າ​ຮ້ອນ​ປີ​ກ່ອນ ດ້ວຍ​ສັນຍາ 2 ປີ ພ້ອມ​ກັບ​ມີ​ພາລະກິດ​ທີ່​ຕ້ອງ​ພາ​ທີ​ມສ້າງ​ຜົນງານ​ໃນ​ເສິກ ຢູຟາ ​ແຊ​ມປ້ຽນລີກ ​ໃຫ້​ດີ, ​ແຕ່​ລາວ​ກໍ​ເຮັດ​ບໍ່​ສຳ​ເລັດ ຫລັງ​ຈາກ​ພາ​ທີ​ມຕົກ​ຮອບ 16 ທີ​ມສຸດ​ທ້າຍ​ແບບ​ສຸດ​ຊັອກ ດ້ວຍ​ຝີ​ມື​ຂອງ ​ແມນ​ເຊັສ​ເຕີ ຢູ​ໄນ​ເຕັດ ທັງ​ທີ່​ໃນ​ນັດ​ທຳ​ອິດ ພວກ​ເຂົາ​ໄປ​ຊະນະ​ອີກ​ຝ່າຍ​ເຖິງ ​​ໂອລ ​ແທຣັບຟອດ ​ໄດ້​ກ່ອນ.

ເປແອສເຊ ຕົກລົງຕໍ່ສັນຍາ ທູເຄິລ ແລ້ວ - 1 1 - ເປແອສເຊ ຕົກລົງຕໍ່ສັນຍາ ທູເຄິລ ແລ້ວ
ເປແອສເຊ ຕົກລົງຕໍ່ສັນຍາ ທູເຄິລ ແລ້ວ - lattana 1 - ເປແອສເຊ ຕົກລົງຕໍ່ສັນຍາ ທູເຄິລ ແລ້ວ

      ​ເລື່ອງ​ດັ່ງກ່າວ​ເຮັດ​ໃຫ້​ຫລາຍ​ຄົນ​ເບິ່ງ​ວ່າ: ທູ​ເຄິລ ອາດ​ຈະ​ບໍ່​ໄດ້​ຢູ່​ກັບ​ທີ​ມຄົບ​ຕາມ​ສັນຍາ. ​ເຖິງ​ຢ່າງ​ໃດ​ກໍ​ຕາມ, ​ເຕ​ເລ​ຟຸດ ລາຍ​ງານ​ວ່າ: ຄວາມ​ຈິງ​ແລ້ວ ຜູ້​ຈັດການ​ທີ​ມຊາວ​ເຢຍລະ​ມັນ​ເຈລະຈາ​ເລື່ອງ​ຕໍ່​ສັນຍາ​ກັບ ​ເປ​ແອ​ສ​ເຊ ​ແຕ່​ກ່ອນ​ໜ້າ​ທີ່​ຈະ​ນຳ​ທີ​ມບຸກ​ໄປ​ຊະນະ ​ແມນ​ເຊັສ​ເຕີ ຢູ​ໄນ​ເຕັດ ​ໃນ​ເກ​ມ ​ແຊມ​ປ້ຽນລີກ ຮອບ 16 ທີ​ມສຸດ​ທ້າຍ ນັດ​ທຳ​ອິດ​ແລ້ວ ​ແລະ ຫລ້າ​ສຸດ​ທຸກ​ຝ່າຍ​ກໍ​ບັນລຸ​ຂໍ້​ຕົກລົງ​ກັນ​ໄດ້​ເປັນ​ທີ່​ຮຽບຮ້ອຍ.

      ສຳລັບ​ສັນຍາ​ສະບັບ​ໃໝ່​ນີ້​ຈະ​ຂະຫຍາຍ​ໄລຍະ​ເວລາ​ອອກ​ໄປ 1 ປີ ​ເຮັດ​ໃຫ້​ມີ​ຜົນ​ເຖິງ​ປີ 2021 ​ໂດຍ ປາຣີ ​ແຊງ​ແຊກ​ແມງ ຈະ​ປະກາດ​ການ​ຕໍ່​ສັນຍາ​ກັນ​ຢ່າງ​ເປັນ​ທາງ​ການ​ໃນຕົ້ນອາທິດ​ໜ້າ. ນອກຈາກ​ນີ້ ທູ​ເຄິລ ຈະ​ໄດ້​ຄ່າ​ເມື່ອຍ​ເພີ່ມ​ອີກ ​ແຕ່​ບໍ່​ແນ່ນອນ​ວ່າ​ຄ່າ​ເມື່ອຍ​ຂອງ​ລາວ​ຈະ​ເທົ່າ​ໃດ.

error: Content is protected !!