ຫລິ້ນບຸນປີ​ໃໝ່ ພສ 2562 ​ໃຫ້​ເປັນ​ສີຂາວ

ຫລິ້ນບຸນປີ​ໃໝ່ ພສ 2562 ​ໃຫ້​ເປັນ​ສີຂາວ - advert banner 728 90 728x90 - ຫລິ້ນບຸນປີ​ໃໝ່ ພສ 2562 ​ໃຫ້​ເປັນ​ສີຂາວ

ໂດຍ: ລູກ​ເມືອງ​ພວນ

ຫລິ້ນບຸນປີ​ໃໝ່ ພສ 2562 ​ໃຫ້​ເປັນ​ສີຂາວ - new3 - ຫລິ້ນບຸນປີ​ໃໝ່ ພສ 2562 ​ໃຫ້​ເປັນ​ສີຂາວ

ສະບາຍດີເພື່ອນຜູ້ອ່ານ ທີ່ຮັກແພງ, ກໍດັ່ງພວກເຮົາຮູ້ນຳກັນແລ້ວວ່າ: ບຸນປີໃໝ່ລາວ ຫຼື ເອີ້ນວ່າ ກຸດສົງການ ຫຼື ບຸນເດືອນຫ້າ ເປັນບຸນປະເພນີປະຈຳຊາດ, ເປັນບຸນທີ່ໃຫຍ່ ແລະ ມ່ວນທີ່ສຸດຂອງຊາດລາວ  ແລະ ບຸນດັ່ງກ່າວ ກໍໃກ້ຈະມາເຖິງແລ້ວບັນຍາກາດເບີກບານມ່ວນຊື່ນ, ຍິ້ມ ແຍ້ມແຈ່ມໃສ. ແຕ່ລະເຮືອນ, ແຕ່ລະຄອບຄົວຕ່າງກໍຈະມີການຫາງຫາກະກຽມເຮັດອະນາໄມປັດກວາດ, ຕົບແຕ່ງ ເຮືອນຊານ ບ້ານຊ່ອງໃຫ້ມີ ຄວາມສວຍງາມ. ເຈົ້າຫົວຈົວເນນ, ຄູບາອາຈານຢູ່ວັດກໍເຊັ່ນດຽວກັນ, ເພື່ອຄວາມສະອາດງາມຕາຂອງວັດວາ ອາຮາມ, ກະກຽມນໍ້າອົບນໍ້າຫອມ, ຝ້າຍມັດແຂນແຈກ ຢາຍໃຫ້ຍາດໂຍມທີ່ມາສົງພະຂໍພອນໃນມື້ວັນປີໃໝ່.

ການຫຼິ້ນບຸນປີໃໝ່ຂອງ ຍຸກເກົ່າບູຮານ ແມ່ນເຂົ້າວັດ ຟັງທຳ, ຕົບພະຊາຍຢູ່ຕາມ  ວັດ ຫຼື ຕາມຫາດຊາຍແຄມ ນໍ້າສາຍຕ່າງໆ ແລະ ສົງນໍ້າ ເຊິ່ງກັນ ແລະ ກັນກໍດ້ວຍນໍ້າ ອົບນໍ້າຫອມທີ່ໄດ້ແຕ່ງໄວ້ ດ້ວຍນໍ້າສະອາດໃສເຢັນດີມີຄວາມໝາຍວ່ານັ້ນຄືນໍ້າໃຈ ຂອງຂ້ອຍທີ່ມີຕໍ່ເຈົ້າ. ການ ສົງນໍ້າກັນກໍເອົາດອກໄມ້ ຫຼື ກິ່ງຍອດໃບໄມ້ຊຸບລົງນໍ້າສົງທີ່ກະກຽມໄວ້ ແລ້ວນັ້ນ ເອົາມາພັດໃສ່ຫົວ, ໃສ່ກາງ ຫຼັງພໍໃຫ້ມີຄວາມຮູ້ສຶກວ່າ ຊຸ່ມເຢັນກໍພໍ ພ້ອມໃຫ້ຄຳອວຍພອນທີ່ເປັນສີລິມຸງຄຸນ ໃຫ້ກັນ ແລະ ກັນ…ແຕ່ການຫຼິ້ນບຸນປີໃໝ່ຂອງເຮົາໃນຍຸກນີ້ແມ່ນຜິດພ້ຽນ ແລະ ອອກນອກຮີດຄອງໄປຢ່າງ ຫຼວງຫຼາຍ, ໂດຍສະເພາະກໍ ແມ່ນການຫຼິ້ນຂອງໄວໜຸ່ມ ຍິງ-ຊາຍ, ເຊິ່ງອ່າວໜັກໄປເບຶ້ອງຫຼິ້ນກິນເຮຮາຟຸມເຟືອຍ, ດື່ມເບຍເຫລົ່ານີ້, ຢ່າງບໍ່ມີຈຸດຈົບ, ຕັ້ງໂຕະ, ຕັ້ງເຕັ້ນ, ຟ້ອນແອະຟ້ອນແອ່ນ ຕາມແຄມທາງ, ເມື່ອເຫັນ ແຂກຄົນຜ່ານໄປ, ກໍສຸມໃສ່ ຫົດນ້ຳຢ່າງອຶກກະທຶກ, ບາງຄັ້ງມີຮອດນ້ຳເປື້ອນ, ຂີ້ໝິ້ນ  ໝໍ້, ໝາກຕຳແຍ, ນໍ້າສີ, ທາໃສ່ ໜ້າໃສ່ຕາກັນຢ່າງຂາດວັດ ທະນະທຳ ແລະ ຮ້າຍແຮງ ໄປກວ່ານັ້ນເອົານໍ້າຮ່າຍ ໃສ່ໃນ ຖົງຢາງແລ້ວດຶກແກວ່ງໃສ່ ກັນ, ຢ່າງອັນຕະລາຍດື່ມສີ່ງ ມຶນເມົາແລ້ວຂັບລົດດ້ວຍ ຄວາມໄວຊ່ວງເສັງກັນເປັນ ພຶງເປັນແພ ເຊິ່ງພາໃຫ້ເກີດອຸປະຕິເຫດຜົນຕາມມາຄື ເສຍຊີວິດ ແລະ ຊັບສິນໃນ ແຕ່ລະປີນັບເປັນຈຳນວນ ຫຼວງຫຼາຍ. ອັນໄດ້ກາຍເປັນສາເຫດຕົ້ນຕໍພາໃຫ້ເກີດອຸ ປະຕິເຫດໃນໂອກາດປີໃໝ່  ແຕ່ລະປີ. ເຖິງແມ່ນວ່າ ລັດຖະບານກໍຄືເຈົ້າໜ້າທີ່ກ່ຽວ ຂ້ອງທຸກພາກສ່ວນຕ່າງກໍ ໄດ້ວາງມາດຕະການທີ່ເຂັ້ມ ງວດດ້ວຍຫຼາຍຮູບແບບນັບ ທັງມີການກວດວັດລະດັບທາດມຶນເມົາໃນຕົວຂອງຜູ້ ຂັບຂີ່, ປັບໃໝ, ຢຶດພາຫະນະ, ນຳມາກ່າວເຕືອນ, ສຶກສາອົບຮົມຕ່າງໆນານາຢ່າງເປັນປະຈຳ ….ແຕ່ກໍຍັງເຫັນວ່າ ການເກີດອຸປະຕິເຫດໃນແຕ່ ລະປີບໍ່ມີທີທ່າວ່າຈະຫຼຸດລົງແຕ່ຢ່າງໃດເລີຍ. ອີງຕາມສະຖິຕິຂອງກະຊວງ ປກສ ໃຫ້ຮູ້ວ່າ: ປີໃໝ່ລາວປີ 2017, ມີອຸປະຕິເຫດເກີດຂຶ້ນທັງໝົດ 152 ກໍລະນີ, ສົງຜົນໃຫ້ມີຜູ້ເສຍຊີວິດ 22 ຄົນ; ປີໃໝ່ 2018 ຜ່ານມາ ມີອຸປະຕິເຫດເກີດຂຶ້ນ  200 ກໍລະນີ, ມີຜູ້ເສຍຊີວິດ  29 ຄົນ.

ຫລິ້ນບຸນປີ​ໃໝ່ ພສ 2562 ​ໃຫ້​ເປັນ​ສີຂາວ - lattana 1 - ຫລິ້ນບຸນປີ​ໃໝ່ ພສ 2562 ​ໃຫ້​ເປັນ​ສີຂາວ

ດັ່ງນັ້ນເພື່ອໃຫ້ການຫຼິ້ນ ບຸນປີໃໝ່ ພສ 2562 ນີ້ ໃຫ້ເປັນສີຂາວທຸກຄົນ ຈົ່ງໄດ້ ມີສະຕິໃຫ້ຢູ່ໃນຮີດໃນຄອງອັນຈົບງາມຂອງຊາດ ແລະ  ເອົາໃຈໃສ່ປະຕິບັດມາດຕະການຕ່າງໆ ທີ່ພັກ-ລັດວາງອອກ ກໍຄືການປະຕິບັດກົດຈະລາຈອນຢ່າງເຂັ້ມງວດພຽງ ເທົ່ານີ້ກໍຈະສາມາດເຮັດໃຫ້ການຫຼິ້ນສົງການປີນີ້ເປັນສີຂາວໄດ້./.

ຫລິ້ນບຸນປີ​ໃໝ່ ພສ 2562 ​ໃຫ້​ເປັນ​ສີຂາວ - 55674 - ຫລິ້ນບຸນປີ​ໃໝ່ ພສ 2562 ​ໃຫ້​ເປັນ​ສີຂາວ
(ພາບປະກອບ)
error: Content is protected !!