ຈີນສັ່ງຊື້ແອບັສ 300 ລຳ ລະຫວ່າງຜູ້ນຳປະເທດຢ້ຽມຢາມຝຣັ່ງ

ຈີນສັ່ງຊື້ແອບັສ 300 ລຳ ລະຫວ່າງຜູ້ນຳປະເທດຢ້ຽມຢາມຝຣັ່ງ - advert banner 728 90 728x90 - ຈີນສັ່ງຊື້ແອບັສ 300 ລຳ ລະຫວ່າງຜູ້ນຳປະເທດຢ້ຽມຢາມຝຣັ່ງ

     ລັດຖະບານ​ຈີນ​ຕົກລົງ​ສັ່ງ​ຊື້​ເຮືອບິນ​ຈາກ​ແອ​ບັສ 2 ຮຸ້ນ ທັງ​ໝົດ 300 ລຳ ຄິດ​ເປັນ​ມູນ​ຄ່າ​ປະມານ 30.000 ລ້າ​ນ​ເອີ​ໂຣ ​ໂດຍ​ການ​ລົງ​ນາມ​ເກີດ​ຂຶ້ນລະຫວ່າງ​ ປະທານ​ປະ​ເທດ ສີ ຈິ້ນຜິ​ງ ຢ້ຽມຢາມ​ຝຣັ່ງຢ່າງ​​ເປັນ​ທາງ​ການ.

ຈີນສັ່ງຊື້ແອບັສ 300 ລຳ ລະຫວ່າງຜູ້ນຳປະເທດຢ້ຽມຢາມຝຣັ່ງ - new3 - ຈີນສັ່ງຊື້ແອບັສ 300 ລຳ ລະຫວ່າງຜູ້ນຳປະເທດຢ້ຽມຢາມຝຣັ່ງ

      ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານ​ປະ​ເທດ ສີ​ ຈິ້ນຜິ​ງ ​ແລະ ປະທານາທິບໍດີ ​ເອັມມາ​ນູ​ເອລ ມາຄຣົງ ຮ່ວມ​ເປັນ​ສັກຂີ​ພິຍານ​ໃນ​ການ​ລົງ​ນາມ​ຂໍ້​ຕົກລົງ​ລະຫວ່າງ​ບໍລິສັດ​ວັດ​ສະດຸ​ອາກາດ​ສະຍານ​ຈີນ (CASC) ​ເຊິ່ງ​ເປັນ​ສ່ວນ​ໜຶ່ງ​ຂອງ​ສຳນັກງານ​ການບິນ​ພົນລະ​ເຮືອນ​ແຫ່ງ​ຊາດ​ຈີນ ກັບ​ບໍລິສັດ​ແອ​ບັສ ​ໃນ​ການ​ທີ່ CASC ສັ່ງ​ຊື້​ເຮືອບິນ​ໂດຍສານ​​ແອ​ບັສ A320 ຈຳນວນ 290 ລຳ ​ແລະ A350 ອີກ 10 ລຳ ສຳລັບ​ໃຊ້​ໃນ​ສາຍ​ການບິນ​ຂອງ​ຈີນ 13 ​ແຫ່ງ ​ໂດຍ​ພິທີ​ລົງ​ນາມ​ມີ​ຂຶ້ນ​ໃນ​ວັນ​ທີ 25 ມີນາ, ​ເຖິງ​ວ່າ​ທັງ​ສອງ​ຝ່າຍ​ປະຕິ​ເສດ​ເປີດ​ເຜີຍ​ມູນ​ຄ່າ​ຂອງ​ຂໍ້​ຕົກລົງ​ດັ່ງກ່າວ, ​ແຕ່​ສື່​ທ້ອງ​ຖິ່ນ​ຫລາຍ​ແຫ່ງ​ລາຍ​ງານ​ວ່າ​ສູງ​ເຖິງ 30.000 ລ້ານ​ເອີ​ໂຣ ​ແລະ ລາຄາ​ນີ້​ເປັນ​ລາຄາ​ທີ່​ແອ​ບັສສະ​ເໜີ​ໃຫ້​ລັດຖະບານ​ປັກ​ກິ່ງ “​ເປັນ​ກໍລະນີ​ພິ​ເສດ”.

      ສຳລັບ​ການ​ຢ້ຽມຢາມ​ຝຣັ່ງຂອງ​ຜູ​້ນຳ​ຈີນ​ໃນ​ຄັ້ງນີ້ ​ເປັນ​ຈຸດໝາຍ​ຕໍ່​ຈາກ​ການ​ຢ້ຽມຢາມ​ອີ​ຕາ​ລີ ​ໃນ​ທ້າຍ​ອາທິດ​ຜ່ານ​ມາ ​ເຊິ່ງລັດຖະບານ​ໂຣມ ​ເປັນ​ປະ​ເທດ​ຕາ​ເວັນ​ຕົກ ​ແລະ ສະມາຊິກ​ກຸ່ມ​ປະ​ເທດ​ອຸດສາຫະກຳ​ຊັ້ນນຳ​ຂະໜາດ​ໃຫຍ່ 7 ​ແຫ່ງ “G7” ​ແຫ່ງ​ທຳ​ອິດ ທີ່​ລົງ​ນາມ​ເປັນ​ສະມາຊິກ​ຂອງ​ແຜນ​ຫຸ້ນ​ສ່ວນ​ທາງ​ຍຸດ​ທະ​ສາດ​ໜຶ່ງ​ແລວ​ໜຶ່ງ​ເສັ້ນທາງ ຫລື ​ເສັ້ນທາງ​ສາຍ​ໄໝ​ແຫ່ງ​ສະຕະວັດ​ທີ 21 ຂອງຈີນ ​ແລະ ​ໃນອາທິດ​ນີ້ ຍັງ​ຈະ​ມີ​ກອງ​ປະຊຸມ​ພະຫຸ​ພາຄີ​ລະຫວ່າງ ຈີນ​ກັບ​ເຢຍລະ​ມັນ, ຝຣັ່ງ ​ແລະ ຄະນະ​ກຳມາ​ທິການ​ເອີຣົບ (EC) ​ເຊິ່ງ​ເປັນ​ຝ່າຍ​ບໍລິຫານ​ຂອງ​ສະຫະພາບ​ເອີຣົບ (EU) ຢູ່​ນະຄອນຫລວງ​ປາຣີ, ຄາດ​ວ່າ​ເພື່ອ​ກຽມ​ຄວາມ​ພ້ອມ​ກ່ອນ​ກອງ​ປະຊຸມ​ສຸດ​ຍອດ ອີ​ຢູ-ຈີນ ຢູ່​ນະຄອນຫລວງ​ບຣຸກ​ແຊນ ​ໃນ​ເດືອນ​ເມສາ​ນີ້.

ຈີນສັ່ງຊື້ແອບັສ 300 ລຳ ລະຫວ່າງຜູ້ນຳປະເທດຢ້ຽມຢາມຝຣັ່ງ - lattana 1 - ຈີນສັ່ງຊື້ແອບັສ 300 ລຳ ລະຫວ່າງຜູ້ນຳປະເທດຢ້ຽມຢາມຝຣັ່ງ
error: Content is protected !!