ໂຈະການປະກາດຜົນການເລືອກຕັ້ງທົ່ວໄປ ຢູ່ໄທ ຍ້ອນໄດ້ຮັບການຮ້ອງຟ້ອງ

ໂຈະການປະກາດຜົນການເລືອກຕັ້ງທົ່ວໄປ ຢູ່ໄທ ຍ້ອນໄດ້ຮັບການຮ້ອງຟ້ອງ - advert banner 728 90 728x90 - ໂຈະການປະກາດຜົນການເລືອກຕັ້ງທົ່ວໄປ ຢູ່ໄທ ຍ້ອນໄດ້ຮັບການຮ້ອງຟ້ອງ

     ​ແຫ​ລ່ງຂ່າວຕ່າງປະ​ເທດ​ລາຍ​ງານ​ວ່າ: ​ເຖິງ​​ແມ່ນ​ວ່າ​ຜົນ​ການ​ນັບ​ຄະ​ແນນ​ການ​ເລືອກ​ຕັ້ງຂອງ​ໄທ​ ​ໃນ​ວັນ​ທີ 24 ມີນາ ບັນລຸ​ໄດ້​ແລ້ວ 94% ກໍ​ຕາມ, ​ແຕ່​ກໍ​ຕ້ອງ​ໄດ້​ເລື່ອນ​ອອກ​ໄປ​ເປັນ​ວັນ​ທີ 29 ມີນາ ຈຶ່ງ​ຈະ​ສາມາດ​ປະກາດ​ຢ່າງ​ເປັນ​ທາງ​ການ​ໄດ້.

ໂຈະການປະກາດຜົນການເລືອກຕັ້ງທົ່ວໄປ ຢູ່ໄທ ຍ້ອນໄດ້ຮັບການຮ້ອງຟ້ອງ - lattana 1 - ໂຈະການປະກາດຜົນການເລືອກຕັ້ງທົ່ວໄປ ຢູ່ໄທ ຍ້ອນໄດ້ຮັບການຮ້ອງຟ້ອງ

      ​ໃນ​ຕອນ​ບ່າຍ​ຂອງ​ວັນ​ທີ 25 ມີນາ, ປະທານ​ຄະນະ​ກຳມະການ​ການ​ເລືອກ​ຕັ້ງຂອງ​ໄທ ອິດ​ທິພອນ ບຸນປຣາກອງ ​ໄດ້​ອອກ​ມາ​ໃຫ້​ຄຳ​ຖະ​ແຫລ​ງການ​ບໍ່​ຈະ​ແຈ້ງ​ກ່ຽວ​ກັບ​ເຫດຜົນ​ທີ່​ບໍ່​ປະກາດ​ຜົນ​ຂອງ​ການ​ເລືອກ​ຕັ້ງທົ່ວ​ໄປ​ໃນ​ຄັ້ງນີ້ ​ແຕ່​ກໍ​ຢືນຢັນ​ວ່າ: ຜົນ​ຄະ​ແນນ​ເປັນ​ທາງ​ການ​ຂອງ​ການ​ເລືອກ​ຕັ້ງຈະ​ໄດ້​ປະກາດ​ຢ່າງ​ເປັນ​ທາງ​ການ​ກ່ອນ​ວັນ​ທີ 9 ພຶດສະພາ 2019 ນີ້​ແນ່​ນອນ.

     ຜົນ​ຂອງ​ການ​ນັບ​ຄະ​ແນນ​ຫລ້າ​ສຸດ ​ໃຫ້​ຮູ້​ວ່າ: ພັກ​ພະລັງ​ປະຊາ​ລັດ ​ເຊິ່ງ​ແມ່ນ​ພັກ​ໃກ້ຊິດ​ກັບ​ກອງທັບ​ຂອງ​ທ່ານ ປະ​ຢຸດ ຈັນ​ໂອຊາ ​ໄດ້​ອັນ​ດັບ​ໜຶ່ງມີ 7,64 ລ້ານ​ບັດ, ຕາມ​ມາ​ກໍ​ແມ່ນ​ພັກ​ເພື່ອ​ໄທ​ໄດ້ 7,16 ລ້ານ​ບັດ.

      ຖັດຈາກ​ນັ້ນມາ​ກໍ​ແມ່ນ​ພັກ​ອະນາຄົດ​ໃໝ່, ພັກ​ພູມ​ໃຈ​ໄທ ​ແລະ ພັກ​ປະຊາທິປັດ ຕາມ​ລຳດັບ ​ເຊິ່ງມີ​ຄວາມ​ແຕກ​ຕ່າງ​ຫ່າງ​ກັນ​ຫລາຍ​ດ້ານ​ຈຳນວນ​ບັດ​ຄະ​ແນນ​ສຽງ​ເລືອກ​ຕັ້ງຄັ້ງນີ້.

      ການ​ອອກ​ມາ​ປະກາດ​ເລື່ອນ​ການ​ປະກາດ​ຜົນ​ຂອງ​ການ​ເລືອກ​ຕັ້ງ​ໃນ​ເທື່ອ​ນີ້​ແມ່ນ​ຍ້ອນ​ມີ​ການ​ຮ້ອງ​ຟ້ອງ​ຢ່າງ​ຫລວງຫລາຍ​ກ່ຽວ​ກັບ​ການ​ນັບ​ຄະ​ແນນ​ບໍ່​ເປັນ​ທຳ ກໍ​ຄື​ຄວາມ​ບໍ່​ສົມ​ມາ​ພາ​ຄວນ​ຂອງ​ຫລາຍ​ກໍລະນີ​ລະ​ເມີດ​ກະຕິ​ກາ​ການ​ເລືອກ​ຕັ້ງຢູ່​ຫລາຍ​ຈຸດ​ຂອງ​ການ​ເລືອກ​ຕັ້ງ ຄື​ໃນ​ຄໍ່າ​ຄືນ​ຂອງ​ວັນທີ 24 ມີນາ, ຄະນະ​ກຳມະການ​ການ​ເລືອກ​ຕັ້ງ​ໄດ້​ພົບ​ເຫັນ​ບັດ​ທີ່​ບໍ່​ຖືກຕ້ອງ​ຈຳນວນ​ຫລາຍ​ທີ່​ມີ​ຄວາມ​ພະຍາຍາມ​ປ້ອນ​ຂໍ້​ມູນ​ເຂົ້າ​ໃນ​ຄອມ​ພິວ​ເຕີ​ຂອງ​ຄະນະ​ກຳມະການ​ການ​ເລືອກ​ຕັ້ງ ​ໃນ​ຈຳນວນ​ທັງ​ໝົດ 93% ຂອງ​ຈຳນວນ​ບັດ​ທັງ​ໝົດ​ທີ່​ໄດ້​ນັບ​ແລ້ວ.

ໂຈະການປະກາດຜົນການເລືອກຕັ້ງທົ່ວໄປ ຢູ່ໄທ ຍ້ອນໄດ້ຮັບການຮ້ອງຟ້ອງ - 1 1 - ໂຈະການປະກາດຜົນການເລືອກຕັ້ງທົ່ວໄປ ຢູ່ໄທ ຍ້ອນໄດ້ຮັບການຮ້ອງຟ້ອງ
ໂຈະການປະກາດຜົນການເລືອກຕັ້ງທົ່ວໄປ ຢູ່ໄທ ຍ້ອນໄດ້ຮັບການຮ້ອງຟ້ອງ - Tiger Head 728x90 - ໂຈະການປະກາດຜົນການເລືອກຕັ້ງທົ່ວໄປ ຢູ່ໄທ ຍ້ອນໄດ້ຮັບການຮ້ອງຟ້ອງ

      ການ​ເລືອກ​ຕັ້ງ​ໃນ​ວັນ​ທີ 24 ມີນາ ​ແມ່ນ​ການ​ເລືອກ​ຕັ້ງ​ເປັນຄັ້ງທຳ​ອິດ​ຂອງ​ໄທ ພາຍຫລັງ 8 ປີ ນັບ​ແຕ່​ການ​ເລືອກ​ຕັ້ງປີ 2011 ​ເປັນຕົ້ນມາ. ກ່ອນ​ທີ່​ຈະ​ມີ​ການ​ເລືອກ​ຕັ້ງ​ເກີດ​ຂຶ້ນ ບັນດາ​ນັກ​ຊ່ຽວຊານ​ທາງ​ການ​ເມືອງ​ໄດ້​ກະ​ຕວງ​ໄວ້​ວ່າ: ພັກ​ເພື່ອ​ໄທ ມີ​ຄວາມ​ເປັນ​ໄປ​ໄດ້​ສູງ​ທີ່​ຈະ​ໄດ້​ເປັນ​ພັກ​ນຳ​ໜ້າ​ໃນ​ການ​ເລືອກ​ຕັ້ງຄັ້ງນີ້.

      ການ​ທີ່​ພັກ​ເພື່ອ​ໄທ​ໄດ້​ຄະ​ແນນ​ຕາມ​ຫລັງ​ພັກ​ພະລັງ​ປະຊາ​ລັດ​ນັ້ນ ​ໄດ້​ເຮັດ​ໃຫ້​ຫລາຍ​ຄົນ​ຕົກ​ຕະລຶງ. ​ເຖິງ​ຢ່າງ​ໃດ​ກໍ​ດີ ຜົນ​ການ​ນັບ​ຄະ​ແນນ​ນັ້ນພຽງ​ແຕ່​ເປັນ​ຜົນ​ຂອງ​ການ​ປ່ອນ​ບັດ​ເລືອກ​ຕັ້ງທົ່ວ​ໄປ​ເທົ່າ​ນັ້ນ ​ເຊິ່ງຍັງ​ບໍ່​ທັນ​ສາມາດ​ບົ່ງ​ບອກ​ໄດ້​ວ່າ​ພັກ​ໃດ​ຈະ​ໄດ້​ບ່ອນນັ່ງ​ໃນ​ສະພາ​ເທົ່າ​​ໃດ.