ໂລກປ່ຽນໄປ ມະຫັນຕະໄພກໍນັບມື້ເຂົ້າມາໃກ້ຕົວ
ໂດຍ: ທິດກ່ຳ
ປັດຈຸບັນເຮົາເຫັນວ່າສະພາບການປ່ຽນແປງຂອງດິນຟ້າອາກາດມັນນັບມື້ມີຄວາມຮຸນແຮງຂຶ້ນເລື້ອຍໆ ມະຫັນຕະໄພທີ່ມັກເກີດຢູ່ບ້ານເມືອງເຮົາໃນຊ່ວງລະດູຮ້ອນກໍແມ່ນລົມພາຍຸຝົນຕົກໜັກ, ໝາກເຫັບຕົກ, ອາກາດຮ້ອນຫລາຍ.
ເມື່ອຮອດຍາມໜາວກໍໜາວຫລາຍ, ຍາມຝົນກໍເກີດ ມີນ້ຳຖ້ວມດັ່ງທີ່ເຫັນໃນຜ່ານມາ. ນອກຈາກໄພທຳມະຊາດທີ່ໄດ້ກ່າວມານີ້ແລ້ວ ຍັງເກີດມີພະຍາດບາດເຍົາກາລະໂລກຕ່າງໆ ອັນສາເຫດກໍຍ້ອນການປ່ຽນແປງຂອງດິນຟ້າອາກາດ ແລະ ຍ້ອນມະນຸດຜູ້ທີ່ໃຈດຳອຳມະຫິດເປັນຜູ້ນຳເອົາມາຂ້າກັນເອງ, ໂດຍສະເພາະແມ່ນໃສ່ໃນເຄື່ອງດື່ມ ແລະ ອາຫານການກິນ ຫລື ເວົ້າຢ່າງໜຶ່ງກໍແມ່ນຢູ່ ໃນເຄື່ອງອຸປະໂພກ-ບໍລິໂພກໂດຍລວມ.
ຕາມທິດກ່ຳວ່າ, ສິ່ງດັ່ງກ່າວແມ່ນໄພພິບັດຢ່າງໜຶ່ງ ທີ່ມາທຳລາຍລ້າງຜານມະ ນຸດເຮົາໃຫ້ມີຄວາມທຸກຍາກລຳບາກ, ທຸກກະເວດທະນາ ແລະ ຈິບຫາຍວາຍວອດ. ກ່ອນພະພຸດທະເຈົ້ານິບພານໄປພະອົງໄດ້ຕັກກະເສດໄວ້ ລ່ວງໜ້າວ່າເລີ່ມຕົ້ນແຕ່ປີ 2500 ເປັນຕົ້ນໄປໂລກເຮົາ ຈະເກີດໄພພິບັດຢູ່ 9 ຢ່າງຄື: 1. ຈະເກີດພາຍຸລົມແຮງ ແຜ່ນດິນໄຫວ. 2 ຈະເກີດ ອັກຄີໄພໄໝ້ໂລກ. 3 ຈະເກີດອຸທົກກະໄພຢ່າງໜັກໜ່ວງ. 4 ຈະເກີດ ຟ້າຜ່າ. 5 ຈະເກີດ ຮ້ອນເກີດ ໜາວເກີນໄປ. 6 ຈະເກີດສານ ພິດຕ່າງໆ. 7 ຈະເກີດກາລະໂລກຕ່າງໆ. 8 ຈະເກີດເຂົ້າຍາກໝາກແພງ ແລະ 9 ຈະເກີດອາຄາດ ພະຍາບາດ ແລະ ບຽດບຽນ ເຊິ່ງກັນ ແລະ ກັນ.
ມະຫັນຕະໄພໃນ 9 ຢ່າງທີ່ພະພຸດທະອົງໄດ້ກ່າວໄວ້ນີ້ ແມ່ນໄດ້ເກີດໃຫ້ພວກເຮົາຮູ້ ເຫັນຢ່າງປະຈັກຕາໃນຍຸກນີ້ ແລ້ວ ແລະ ສະພາບໄພພິບັດຕ່າງໆ ທີ່ມັນເກີດຂຶ້ນຖ້າບໍ່ເກີດຢູ່ບ້ານເຮົາມັນກໍໄປເກີດ ຢູ່ບ້ານເພິ່ນດັ່ງທີ່ເຮົາເຫັນໃນ ແຫລ່ງຂ່າວຄາວໃນແຕ່ລະມື້ ແຕ່ລະວັນຢ່າງນັບບໍ່ຖ້ວນ.
ເມື່ອຕັ້ງໂຈດກັນວ່າ ໄພພິ ບັດທີ່ກ່າວມານີ້ມັນເກີດມາຈາກໃສ? ຕາມທິດກ່ຳວ່າມັນ ກໍເກີດມາຈາກສອງປັດໄຈ ໃຫຍ່ຄື: ອັນທີໜຶ່ງແມ່ນເກີດ ມາຈາກການປ່ຽນແປງຂອງໜ່ວຍໂລກ, ເຊິ່ງມັນໄດ້ຜ່ານ ຂະບວນວິວັດມາເປັນຫລາຍ ໝື່ນຫລາຍແສນ ແລະ ຫລາຍ ລ້ານປີ ເຮັດໃຫ້ດິນຟ້າອາກາດ ນັບມື້ມີການປ່ຽນແປງດັ່ງທີ່ ເຮົາເຫັນໃນສະພາບປັດຈຸບັນ. ສ່ວນວ່າປັດໄຈອັນທີສອງ ກໍແມ່ນເກີດມາຈາກມະນຸດ ເຮົາເປັນຜູ້ທຳລາຍໂລກທີ ລະໜ້ອຍເຊັ່ນ: ທຳລາຍທຳ ມະຊາດ ແລະ ສິ່ງແວດລ້ອມ, ທຳລາຍພູຜາປ່າໄມ້, ຫ້ວຍ ນ້ຳລຳເຊ, ປ່າໄມ້ສີຂຽວປົກ ຫຸ້ມຍ້ອນການສ້າງສາພັດທະ ນາ, ພົນລະເມືອງກໍນັບມື້ເພີ່ມ ຂຶ້ນ, ມີການສ້າງສາພັດທະນາ ໄປຫລາຍເທົ່າໃດ, ປ່າໄມ້ເນື້ອ ທີ່ດິນ ມັນກໍນັບມື້ກຸດຫ້ຽນ, ອຸດສາຫະກຳ, ກະສິກຳໄດ້ຂະ ຫຍາຍຕົວ ຂຶ້ນສູ່ລະດັບສູງ, ການແກ້ງແຍ້ງແຂ່ງຂັນຍາດ ເອົາທີ່ຢູ່ອາໄສ ກໍນັບມື້ທະວີ ຄູນ, ເຊິ່ງບັນຫາດັ່ງກ່າວມັນ ກໍ ເປັນສິ່ງຈຳເປັນສຳລັບມວນ ມະນຸດ ແລະ ປະເທດຊາດ ບ້ານເມືອງຂອງພວກເຮົາ.
ເຖິງຢ່າງໃດກໍດີ, ຕາມເຮົາວ່າເພື່ອຫລີກລ່ຽງໄພພິ ບັດທີ່ຈະມາໃກ້ຕົວພວກເຮົາ ທຸກຂະນະ ກໍພໍມີທາງອອກດັ່ງມະຕິ 9 ແລະ ມະຕິ10 ຂອງພັກໄດ້ເວົ້າວ່າພັດທະນາ ພື້ນທີ່ສີຂຽວປີ 2015 ຕ້ອງ ເຮັດໃຫ້ໄດ້ 65% ປີ 2020 ຕ້ອງໃຫ້ໄດ້ 70% ຂອງພື້ນ ທີ່ໃນທົ່ວປະເທດ.
ນອກຈາກນັ້ນ ກໍໄດ້ວາງ ແນວທາງໃນການພັດທະນາທຸກຢ່າງບໍ່ວ່າໃນດ້ານອຸດສະຫະກຳ, ກະສິກຳ ຫລື ການຜະ ລິດຕ່າງໆຕ້ອງຄຳນຶງ ແລະ ເປັນມິດກັບສິ່ງແວດລ້ອມ, ສີ ຂຽວ, ສະອາດ ແລະ ປອດ ສານພິດບໍ່ໃຫ້ມີຜົນກະທົບຕໍ່ ຄົນ, ສັດສາວາສິ່ງ, ສິ່ງແວດ ລ້ອມຕົວເຮົານັ້ນລະຄືທາງ ອອກທີ່ພວກເຮົາຕ້ອງການ ແຕ່ຈະເຮັດໄດ້ສ່ຳໃດນັ້ນມັນ ກໍຂຶ້ນກັບພວກເຮົາພ້ອມກັນ ເຢີກ ຕາມເສົ່າວ່າ.
