ໄຊຍະບູລີ-ອຸດຕະຣະດິດເພີ່ມທະວີການຮ່ວມມືວຽກງານຊາຍແດນ

- Lao Thai - ໄຊຍະບູລີ-ອຸດຕະຣະດິດເພີ່ມທະວີການຮ່ວມມືວຽກງານຊາຍແດນ
- Untitled design - ໄຊຍະບູລີ-ອຸດຕະຣະດິດເພີ່ມທະວີການຮ່ວມມືວຽກງານຊາຍແດນ

- Lao Thai 300x138 - ໄຊຍະບູລີ-ອຸດຕະຣະດິດເພີ່ມທະວີການຮ່ວມມືວຽກງານຊາຍແດນ

ເມື່ອບໍ່ດົນມານີ້, ສອງແຂວງຊາຍແດນລາວ-ໄທ ລະຫວ່າງແຂວງໄຊຍະບູລີ ແລະ ແຂວງອຸດຕະຣະດິດ ໄດ້ຈັດກອງ ປະຊຸມ ແລກປ່ຽນບົດຮຽນຮ່ວມ ມືຮັກສາຄວາມສະຫງົບ, ຄວາມ ຮຽບຮ້ອຍຕາມຊາຍແດນຂຶ້ນທີ່ ແຂວງອຸດ ຕະຣະດິດ; ຝ່າຍລາວ ນຳໂດຍ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ແລະ ຝ່າຍ ໄທນຳໂດຍ ທ່ານ ພິພັດ ເອກພາພັນ ຜູ້ວ່າຣາຊະການ ແຂວງ ອຸດຕະຣະດິດ ພ້ອມດ້ວຍ ຄະນະທັງສອງຝ່າຍ ເຂົ້າຮ່ວມ.
ເພື່ອປຶກສາຫາລື ແລະ ທົບ ທວນຄືນຜົນຂອງການຮ່ວມມື ໃນ ການຮັກສາຄວາມສະຫງົບ ແລະ ຄວາມຮຽບຮ້ອຍ ຕາມຊາຍແດນສອງປະເທດ 1 ປີຜ່ານມາ; ເຊິ່ງ ເຫັນວ່າມີຄວາມສະຫງົບຮຽບຮ້ອຍດີ, ແລະ ມີການພົວພັນຢ່າງ ປົກກະຕິການໄປມາຫາສູ່ກັນ, ການແລກປ່ຽນຊື້-ຂາຍ, ການ ທ່ອງທ່ຽວ, ການຮ່ວມມືດ້ານສາ ທາລະນະສຸກ, ການແລກປ່ຽນ ທາງດ້ານສິລະປະວັດທະນະທຳລະຫວ່າງປະຊາຊົນສອງ ແຂວງມີການພັດທະນາດີຂຶ້ນ,  ແລະ ສາມາດຮ່ວມກັນແກ້ ໄຂຂໍ້ຂັດແຍ່ງເກີດຂຶ້ນໄດ້ຢ່າງທັນການ.
ນອກນີ້, ທັງສອງຝ່າຍໄດ້ ເຫັນດີເປັນເອກະພາບຈະບໍ່ໃຫ້ ມີກຳລັງທະຫານ, ຕຳຫລວດຂອງຝ່າຍໃດຝ່າຍໜຶ່ງ ລາດຕະເວນລ່ວງລ້ຳດິນແດນ, ນ່ານຟ້າ ຂອງອີກຝ່າຍໜຶ່ງຢ່າງເດັດຂາດເພື່ອຫລີກເວັ້ນ ແລະ ປ້ອງກັນບໍ່ ໃຫ້ມີຄວາມຂັດແຍ່ງຕາມບໍລິ ເວນຊາຍແດນ, ຖ້າຫາກມີບັນ ຫາເກີດ ຂຶ້ນທັງສອງຝ່າຍແມ່ນຈະຮ່ວມ ມືກັນແກ້ໄຂໃຫ້ລຸລ່ວງ ໄປດ້ວຍດີ, ພ້ອມທັງຮ່ວມມືກັນ ປ້ອງກັນບໍ່ໃຫ້ມີປະຊາຊົນນຳ ສັດລ້ຽງ ແລະ ທຳມາຫາກິນ ລ່ວງລ້ຳຕາມຊາຍແດນຂອງ ຝ່າຍໃດໜຶ່ງ, ຮ່ວມມືກັນ ປ້ອງກັນ ບໍ່ໃຫ້ປະຊາຊົນເຄື່ອນໄຫວຕັດໄມ້ທຳລາຍປ່າ ຕາມຊາຍແດນ ຂອງອີກຝ່າຍໜຶ່ງເພື່ອປ້ອງ ກັນການທຳລາຍຊັບພະຍາ ກອນທຳມະຊາດ, ເພີ່ມທະວີ ການປ້ອງ ກັນ ແລະ ປ່າບປາມ ອາຊະຍາກຳ, ການໂຈລະກຳພາ ຫະນະ ແລະ ວັດຖຸບູຮານທີ່ມີຄ່າ, ການລັກລອບຂົນສົ່ງສິນ ຄ້າຜິດກົດໝາຍ, ການລັກລອບ ຄ້າສັດ, ການຄ້າອາວຸດສົງຄາມ, ການລັກລອບຂຸດຄົ້ນຊັບພະຍາ ກອນທຳມະ ຊາດ, ການຫລອກ ລວງເດັກ ແລະ ແມ່ຍິງເພື່ອຄ້າ ປະເວນີ, ການຄ້າແຮງງານຜິດກົດໝາຍ.

- Wave100S AD to Website 2020 0 - ໄຊຍະບູລີ-ອຸດຕະຣະດິດເພີ່ມທະວີການຮ່ວມມືວຽກງານຊາຍແດນ
- WhatsApp Image 2020 05 27 at 5 - ໄຊຍະບູລີ-ອຸດຕະຣະດິດເພີ່ມທະວີການຮ່ວມມືວຽກງານຊາຍແດນ
- WhatsApp Image 2020 05 27 at 5 - ໄຊຍະບູລີ-ອຸດຕະຣະດິດເພີ່ມທະວີການຮ່ວມມືວຽກງານຊາຍແດນ
error: Alert: ເນື້ອຫາຂ່າວມີລິຂະສິດ !!