ການ​ຂຸດ​ເຈາະ​ບໍ່ນ້ຳຈະ​ບໍ່​ສາມາດ​ເຮັດ​ໄດ້​ຕາມ​ໃຈ​ອີກ​ແລ້ວ

ການ​ຂຸດ​ເຈາະ​ບໍ່ນ້ຳຈະ​ບໍ່​ສາມາດ​ເຮັດ​ໄດ້​ຕາມ​ໃຈ​ອີກ​ແລ້ວ - advert banner 728 90 728x90 - ການ​ຂຸດ​ເຈາະ​ບໍ່ນ້ຳຈະ​ບໍ່​ສາມາດ​ເຮັດ​ໄດ້​ຕາມ​ໃຈ​ອີກ​ແລ້ວ

ການ​ຂຸດ​ເຈາະ​ບໍ່​ນ້ຳ​ເພື່ອ​ມາ​ຮັບ​ໃຊ້​ຊີວິດ​ການ​ເປັນ​ຢູ່ ຫລື ການ​ຜະລິດ​ຕ່າງໆ​ເຊັ່ນ: ຂຸດ​ນ້ຳສ້າງ, ​ເຈາະ​ນ້ຳບາ​ດານ ຫລື ຂຸດ​ໜອງ​ນ້ຳຕ່າງໆ ຈະ​ບໍ່​ສາມາດ​ເຮັດ​ໄດ້​ຕາມ​ລຳພັງ​ໃຈ​ຄື​ດັ່ງ​ຜ່ານ​ມາ​ອີກ​ແລ້ວ, ຫລັງ​ຈາກ​ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ໄດ້​ອອກ​ຂໍ້​ຕົກລົງ​ວ່າ​ດ້ວຍ​ການ​ຄຸ້ມ​ຄອງ​ນ້ຳ​ໃຕ້​ດິນ ​ເມື່ອ​ວັນ​ທີ 21 ມີນາ 2019 ນີ້.

ການ​ຂຸດ​ເຈາະ​ບໍ່ນ້ຳຈະ​ບໍ່​ສາມາດ​ເຮັດ​ໄດ້​ຕາມ​ໃຈ​ອີກ​ແລ້ວ - lattana 1 - ການ​ຂຸດ​ເຈາະ​ບໍ່ນ້ຳຈະ​ບໍ່​ສາມາດ​ເຮັດ​ໄດ້​ຕາມ​ໃຈ​ອີກ​ແລ້ວ
ການ​ຂຸດ​ເຈາະ​ບໍ່ນ້ຳຈະ​ບໍ່​ສາມາດ​ເຮັດ​ໄດ້​ຕາມ​ໃຈ​ອີກ​ແລ້ວ - 18738747 1721229031507519 1690941730626580979 o 1024x768 - ການ​ຂຸດ​ເຈາະ​ບໍ່ນ້ຳຈະ​ບໍ່​ສາມາດ​ເຮັດ​ໄດ້​ຕາມ​ໃຈ​ອີກ​ແລ້ວ

     ຂໍ້​ຕົກລົງ​ນີ້​ແນ​ໃສ່​ຮັບປະກັນ​ໃຫ້ການ​ນຳ​ໃຊ້​ນ້ຳ​ໃຕ້​ດິນ​ໃຫ້​ຖືກຕ້ອງ​ຕາມ​ຫລັກການ, ປະຢັດ, ມີ​ປະສິດທິ​ຜົນ ​ເພື່ອ​ຮັກສາ​ຄວາມ​ສົມ​ດູ​ນທາງ​ດ້ານ​ປະລິມານ ​ແລະ ຄຸນ​ນະພາ​ບຂອງນ້ຳ​ໃຕ້​ດິນ ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ, ພ້ອມ​ທັງ​ໄປ​ຄຽງ​ຄູ່ກັບ​ການ​ປົກ​ປັກ​ຮັກສາ​ສິ່ງ​ແວດ​ລ້ອມ​ຕາມ​ທິດ​ສີຂຽວ ​ແລະ ຍືນ​ຍົງ ​ເຊິ່ງມີ​ທັງ​ໝົດ 9 ໝວດ ​ແລະ 37 ມາດຕາ ​ໃນ​ນີ້​ຢູ່​ມາດຕາ 10 ​ໄດ້​ລະບຸ​ກ່ຽວ​ກັບ​ການ​ນຳ​ໃຊ້​ນ້ຳ​ໃຕ້​ດິນ​ຂະໜາດ​ນ້ອຍ ​ເພື່ອ​ບໍລິ​ໂພ​ກ-ອຸປະ​ໂພ​ກ, ການ​ປູກຝັງ-ລ້ຽງສັດ ​ແລະ ຫັດຖະກຳ​ທີ່​ຕິດ​ພັນ​ກັບ​ການ​ດຳລົງ​ຊີວິດ​ຂອງ​ປະຊາຊົນ ​ແລະ ນຳ​ໃຊ້​ນ້ຳຢູ່​ໃນ​ສຳນັກງານ, ອົງການ, ສະ​ຖາ​ບັນ​ການ​ສຶກສາ, ສະຖານ​ບໍລິການ​ສາທາລະນະ​ສຸກ, ສະຖານ​ທີ່​ທ່ອງ​ທ່ຽວ​ຕ່າງໆ ລວມ​ເຖິງ​ສວນສາທາລະນະ​ທີ່​ມີ​ປະລິມານ​ນຳ​ໃຊ້​ຕໍ່າ​ກວ່າ 20 ​ແມັດ​ກ້ອນ​ຕໍ່​ມື້ ​ແມ່ນ​ບໍ່​ຈຳ​ເປັນ​ຕ້ອງ​ຂໍອະນຸຍາດ ​ແຕ່​ຕ້ອງ​ແຈ້ງ​ຕໍ່​ອຳນາດ​ການ​ປົກຄອງ​ບ້ານ ​ແລະ ຫ້ອງການ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ເມືອງ ​ເພື່ອ​ຕິດຕາມ​ການ​ນຳ​ໃຊ້. ສ່ວນ​ມາດຕາ 11 ທີ່​ໄດ້​ກຳນົດ​ກ່ຽວ​ກັບ​ການ​ນຳ​ໃຊ້​ນ້ຳ​ໃຕ້​ດິນ​ຂະໜາດ​ກາງ ​ແລະ ​ໃຫຍ່​ຂອງ​ບຸກຄົນ, ນິຕິບຸກຄົນ ຫລື ການຈັດຕັ້ງທີ່​ມີ​ປະລິມານ​ໃຊ້​ນ້ຳ​ແຕ່ 20-50 ​ແມັດ​ກ້ອນຕໍ່​ມື້ ຕ້ອງ​ໄດ້​ຂໍອະນຸຍາດ​ຈາກ​ຫ້ອງການ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ເມືອງ ​ແລະ ປະລິມານ​ຄວາມ​ຕ້ອງການ​ໃຊ້​ນ້ຳຫລາຍ​ກວ່າ 50 ​ແມັດ​ກ້ອນຂຶ້ນ​ໄປ ​ແມ່ນ​ຕ້ອງ​ຂໍອະນຸຍາດ​ຈາກ​ພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ. ນອກ​ນີ້ ​ໃນ​ມາດຕາ 13 ກໍ​ໄດ້​ກຳນົດ​ວ່າ: ພາຍຫລັງ​ໄດ້​ຮັບ​ອະນຸຍາດ​ນຳ​ໃຊ້​ນ້ຳ​ໃຕ້​ດິນ​ຂະໜາດ​ກາງ ​ແລະ ​ໃຫຍ່​ແລ້ວ ກ່ອນ​ນຳ​ໃຊ້​ນ້ຳຕົວ​ຈິງ​ຕ້ອງ​ໄດ້​ເອົາ​ນ້ຳ​ໄປ​ກວດ​ຄຸນ​ນະພາ​ບ ​ແລະ ວິ​ໄຈ​ດ້ານ​ຄຸນ​ນະພາ​ບ ​ແລະ ຄວາມ​ສະອາດ​ຂອງ​ນ້ຳຕາມ​ມາດຕະຖານ​ສິ່ງ​ແວດ​ລ້ອມ​ແຫ່ງ​ຊາດ ​ເພື່ອ​ຮັບປະກັນ​ຄວາມ​ປອດ​ໄພ​ຕໍ່​ຊີວິດ, ສຸຂະພາບ​ຂອງ​ຄົນ, ສັດ ​ແລະ ສິ່ງ​ແວດ​ລ້ອມ​ອື່ນໆ ​ແລະ ​ໃນ​ມາດຕາ 16 ກໍ​ລະບຸ​ວ່າ: ຜູ້ນຳ​ໃຊ້​ນ້ຳ​ໃຕ້​ດິນ​ທຸກ​ຂະໜາດ​ທີ່​ມີ​ຈຸດປະສົງ​ຢຸດ​ເຊົາ​ນຳ​ໃຊ້​ດ້ວຍ​ເຫດຜົນ​ໃດ​ກໍ​ຕາມ ຕ້ອງ​ອັດ, ຖົມ​ຄືນ​ໃຫ້​ຢູ່​ໃນ​ສະພາບ​ດີ ​ແລະ ຮັບປະກັນ​ບໍ່​ໃຫ້​ມີ​ຜົນ​ກະທົບ​ດ້ານ​ລົບ​ຕໍ່​ສິ່ງ​ແວດ​ລ້ອມ ​ແລະ ສັງຄົມ, ພ້ອມ​ທັງ​ລາຍ​ງານ​ອົງການ​ປົກຄອງ ​ແລະ ໜ່ວຍ​ງານ​ກ່ຽວຂ້ອງ​ຮັບ​ຊາບ​ໂດຍ​ໄວ.

      ສ່ວນ​ຄ່າ​ທຳນຽມ​ໃນ​ການ​ນຳ​ໃຊ້​ນ້ຳ​ໃຕ້​ດິນ ​ແລະ ບໍລິການ​ອື່ນໆ ​ແມ່ນ​ໃຫ້​ປະຕິບັດ​ຕາມ​ລັດຖະບັນຍັດ​ຂອງ​ປະທານ​ປະ​ເທດ ວ່າ​ດ້ວຍ​ອັດຕາ​ຄ່າ​ຊັບພະຍາ ກອນ​ທຳ​ມະ​ຊາດ

ການ​ຂຸດ​ເຈາະ​ບໍ່ນ້ຳຈະ​ບໍ່​ສາມາດ​ເຮັດ​ໄດ້​ຕາມ​ໃຈ​ອີກ​ແລ້ວ - 1 1 - ການ​ຂຸດ​ເຈາະ​ບໍ່ນ້ຳຈະ​ບໍ່​ສາມາດ​ເຮັດ​ໄດ້​ຕາມ​ໃຈ​ອີກ​ແລ້ວ