ລັດຖະສະພາຍີ່ປຸ່ນຜ່ານຮ່າງກົດໝາຍຕ້ານກໍ່ການຮ້າຍແລ້ວ

- 1495531539732 960x0 - ລັດຖະສະພາຍີ່ປຸ່ນຜ່ານຮ່າງກົດໝາຍຕ້ານກໍ່ການຮ້າຍແລ້ວ
- Untitled design - ລັດຖະສະພາຍີ່ປຸ່ນຜ່ານຮ່າງກົດໝາຍຕ້ານກໍ່ການຮ້າຍແລ້ວ

- 1495531539732 960x0 - ລັດຖະສະພາຍີ່ປຸ່ນຜ່ານຮ່າງກົດໝາຍຕ້ານກໍ່ການຮ້າຍແລ້ວ

 

​ໂຕ​ກຽວ 23 ພຶດສະພາ: ສະພາ​ຜູ້​ແທນ​ລາຊະ​ດອນ​ຍີ່ປຸ່ນ​ມີ​ມະຕິ​ຜ່ານ​ຮ່າງ​ກົດໝາຍ​ຕໍ່ຕ້ານ​ການ​ກໍ່​ການ​ຮ້າຍ ທີ່​ຫລາຍ​ຝ່າຍ​ສະ​ແດງ​ຄວາມ​ກັງວົນ​ວ່າ​ຈະ​ເປັນ​ການ​ຕັດ​ຮອນ​ສິດ​ເສລີພາບ​ປະຊາຊົນ.

 

ກົດໝາຍ​ດັ່ງກ່າວ​ຈະ​ອະນຸຍາດ​ໃຫ້​ເຈົ້າໜ້າ​ທີ່​ສາມາດ​ດຳ​ເນີນ​ຄະດີ​ກັບ​ບຸກຄົນ ຫລື ອົງການ​ທີ່​ສົມຮູ​້ຮ່ວມ​ຄິດ​ວາງ​ແຜນ​ກໍ່​ການ​ຮ້າຍ ຫລື ອາດຊະຍາ​ກຳ​ຮຸ​ນ​ແຮງ​ໄດ້, ​ແຕ່​ບັນດາ​ກຸ່ມ​ປົກ​ປ້ອງ​ສິດທິ​ມະນຸດ, ສະມາຄົມ​ເນຕິ​ບັນດິດ​ສະພາ ​ແລະ ນັກວິຊາການ​ຈຳນວນ​ຫລາຍ ພັດ​ບໍ່​ເຫັນ​ພ້ອມ​ຕໍ່​ຮ່າງ​ກົດໝາຍ ​ເພາະ​ຢ້ານ​ວ່າ​ຈະ​ເກີດ​ການ​ໃຊ້​ອຳນາດ​ໃນ​ທາງ​ທີ່​ຜິດ ​ແລະ ກະທົບ​ປະຊາຊົນ​ຜູ້​ບໍລິສຸດ.

- Wave100S AD to Website 2020 0 - ລັດຖະສະພາຍີ່ປຸ່ນຜ່ານຮ່າງກົດໝາຍຕ້ານກໍ່ການຮ້າຍແລ້ວ

 

​ເຖິງ​ຢ່າງ​ໃດ​ກໍ​ດີ, ລັດຖະບານ​ຂອງ​ນາຍົກລັດຖະມົນຕີ ຊິນ​ໂຊ ອາ​ເບະ ຕອບ​ໂຕ້​ວ່າ: ກົດໝາຍ​ດັ່ງກ່າວ​​ເປັນ​ສິ່ງ​ຈຳ​ເປັນ​ທີ່​ຈະ​ໃຊ້​ໃນ​ການ​ປ້ອງ​ກັນ​ໄພ​ກໍ່​ການ​ຮ້າຍ ກ່ອນ​ການ​​ເປັນ​ເຈົ້າພາບ​ຈັດການ​ແຂ່ງຂັນ​ກິລາ​ໂອ​ລິ​ມປິກ​ໃນ​ປີ 2020, ຂະນະ​ທີ່​ເຈົ້າໜ້າ​ທີ່​ບາງ​ຄົນ​ກ່າວ​ວ່າ: ກົດໝາຍ​ຕໍ່ຕ້ານ​ການ​ກໍ່​ການ​ຮ້າຍ​ເປັນ​ໄປ​ຕາມ​ຂໍ້​ກຳນົດ​ອະນຸ​ສັນຍາ​ສະຫະ​ປະຊາ​ຊາດ​ວ່າ​ດ້ວຍ​ການ​ຕໍ່ຕ້ານ​ອາດຊະຍາ​ກຳ​ຂ້າມ​ຊາດ​ທີ່​ຈັດຕັ້ງ​ໃນ​ລັກສະນະ​ອົງການ ຫລື UNTOC ທີ່​ຍີ່ປຸ່ນ​ຮ່ວມ​ລົງ​ນາມ​ໃນ​ປີ 2000.

 

ທັງ​ນີ້, ພາຍຫລັງ​ສະພາ​ຕໍ່າ​ຜ່ານ​ກົດໝາຍ​ຮຽບຮ້ອຍ​ແລ້ວ ຈະ​ຖືກ​ສົ່ງ​ໄປ​ສະພາ​ສູງ ​ເພ່ືອ​ພິຈາລະນາ​ອະນຸມັດ​ຕໍ່​ໄປ.

- WhatsApp Image 2020 05 27 at 5 - ລັດຖະສະພາຍີ່ປຸ່ນຜ່ານຮ່າງກົດໝາຍຕ້ານກໍ່ການຮ້າຍແລ້ວ
- WhatsApp Image 2020 05 27 at 5 - ລັດຖະສະພາຍີ່ປຸ່ນຜ່ານຮ່າງກົດໝາຍຕ້ານກໍ່ການຮ້າຍແລ້ວ
error: Alert: ເນື້ອຫາຂ່າວມີລິຂະສິດ !!