ສະຫະພັນນັກຂ່າວອາຊຽນຫາລືການຮ່ວມມືຕ້ານຂ່າວປອມ

ສະຫະພັນນັກຂ່າວອາຊຽນຫາລືການຮ່ວມມືຕ້ານຂ່າວປອມ - advert banner 728 90 728x90 - ສະຫະພັນນັກຂ່າວອາຊຽນຫາລືການຮ່ວມມືຕ້ານຂ່າວປອມ
ສະຫະພັນນັກຂ່າວອາຊຽນຫາລືການຮ່ວມມືຕ້ານຂ່າວປອມ - 54525620 1001372636733183 2522216125782032384 n - ສະຫະພັນນັກຂ່າວອາຊຽນຫາລືການຮ່ວມມືຕ້ານຂ່າວປອມ

   ສະຫະພັນນັກຂ່າວອາຊຽນ ໄດ້ເຫັນດີໃນທິດທາງການຮ່ວມມືຕ້ານ ແລະ ແກ້ໄຂບັນຫາຂ່າວປອມ ຫລື ຂ່າວຫລອກລວງ, ພາຍຫລັງເຫັນວ່າຂ່າວປະເພດດັ່ງກ່າວເປັນສິ່ງທ້າທາຍທີ່ມາກັບສື່ແບບໃໝ່.

ສະຫະພັນນັກຂ່າວອາຊຽນຫາລືການຮ່ວມມືຕ້ານຂ່າວປອມ - lattana 1 - ສະຫະພັນນັກຂ່າວອາຊຽນຫາລືການຮ່ວມມືຕ້ານຂ່າວປອມ

    ​ຊຶ່ງບັນຫາດັ່ງກ່າວ, ໄດ້ຍົກຂຶ້ນມາປຶກສາຫາລືໃນກອງປະຊຸມຄະນະບໍລິຫານງານສະຫະພັນນັກຂ່າວອາຊຽນໃນວັນທີ 28 ມີນານີ້ ຢູ່ສໍານັກງານຫນັງສືພິມພາ ສາຕ່າງປະເທດ ນະຄອນຫລວງວຽງຈັນ, ໂດຍການເປັນປະທານຂອງທ່ານ ສະ ຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ທັງເປັນປະທານສະມາຄົມນັກຂ່າວແຫ່ງ ສປປ ລາວ, ມີທ່ານ ເທບພະໄຊ ຢ໋ອງ  ປະທານສະຫະພັນນັກຂ່າວອາຊຽນ, ພ້ອມດ້ວຍຜູ້ ຕາງຫນ້າຈາກສະມາຄົມນັກຂ່າວລາວ, ມາເລເຊຍ, ຟີລິບປິນ, ຫວຽດນາມ,  ໄທ, ກໍາປູເຈຍ, ອິນໂດເນເຊຍ ແລະ ສະມາຄົມນັກຂ່າວມຽນມາໃນນາມຜູ້ສັງເກດການ​ເຂົ້າຮ່ວມ.

    ທ່ານ ສະຫວັນຄອນ ກ່າວວ່າ: ກອງປະຊຸມຄັ້ງນີ້ ແມ່ນເວທີຮັດແຫນ້ນການຮ່ວມມື, ແລກປ່ຽນບົດຮຽນ ແລະ ປະສົບການລະຫວ່າງນັກຂ່າວອາຊຽນດ້ວຍກັນ ແນໃສ່ສ້າງຄວາມຮັບຮູ້ເຂົ້າໃຈໃນດ້ານຂໍ້ມູນຂ່າວສານຂອງປະຊາຊົນໃນອາຊຽນ ດ້ວຍການຜະລິດເນື້ອຫາສາລະທີ່ຫນ້າສົນໃຈ ແລະ ສ້າງສັນ ໂດຍຜ່ານຊ່ອງທາງຕ່າງໆເຊັ່ນ: ຫນັງສືພີມ, ວິທະຍຸກະຈາຍສຽງ, ໂທລະພາບ ແລະ ສື່ແບບໃໝ່ ເພື່ອຕ້ານກັບການແຜ່ລາມຂອງຂ່າວປອມຂ່າວຫລອກລວງທີ່ພວມເກີດຂຶ້ນຫລາຍຢ່າງຫນ້າເປັນຫ່ວງໃນທຸກວັນນີ້.

    ທ່ານ ເທບພະໄຊ ຢ໋ອງ ກ່າວວ່າ: ບົດບາດຂອງສື່ນັບມື້ມີຄວາມສໍາຄັນໃນຍຸກໂລກາພິວັດ ກໍຄືຍຸກແຫ່ງໂລກທີ່ມີການປ່ຽນແປງໄວນີ້ ຊຶ່ງພວມປະເຊີນກັບຄວາມທ້າທາຍຕ່າງໆ. ດັ່ງນັ້ນ ການຮ່ວມມືກັນຢ່າງໃກ້ຊິດ ແລະ ການແລກ ປ່ຽນບົດຮຽນ, ປະສົບການນໍາກັນຢ່າງເປັນປົກກະຕິ ຈະສາມາດຮັບມືກັບຄວາມທ້າທາຍຕ່າງໆ ກໍຄືການສະກັດກັ້ນການແຜ່ລາມຂອງຂ່າວປອມໄດ້ເປັນຢ່າງດີ.

ສະຫະພັນນັກຂ່າວອາຊຽນຫາລືການຮ່ວມມືຕ້ານຂ່າວປອມ - 1 1 - ສະຫະພັນນັກຂ່າວອາຊຽນຫາລືການຮ່ວມມືຕ້ານຂ່າວປອມ