ລົດກະບະແຫກໂຄ້ງປະທະລົດຈັກເສຍຊີວິດຄາທີ່
ໃນຕອນບ່າຍ ວັນທີ 26 ມີນານີ້, ໄດ້ເກີດອຸປະຕິເຫດຮ້າຍແຮງ ເມື່ອລົດລົດກະບະວີໂກ້ແຫກໂຄ້ງໄປປະທະກັບລົດຈັກທີ່ຂີ່ສວນທາງມາເສຍຊີວິດຄາທີ່ 2 ຄົນ, ຢູ່ທີ່ບ້ານປາກບາ ເມືອງໂພນໄຊ ແຂວງຫລວງພະບາງ.
ຮອງຫົວໜ້າກອງຄະດີອຸບັດຕິເຫດ ປກສ ແຂວງຫລວງພະບາງໃຫ້ຮູ້ວ່າ: ລົດກະບະດັ່ງກ່າວ ໝາຍເລກທະບຽນ ກກ 6218 ຫລວງພະບາງ, ຂັບຂີ່ໂດຍທ້າວ ວົງໄຊເລົ່າ ອາຍຸ 29 ປີ, ຢູ່ບ້ານຜາປົ່ນ ເມືອງປາກອູ ແຂວງຫລວງພະບາງ, ຂັບຂີ່ມາແຕ່ເມືອງໂພນໄຊ ເພື່ອມຸ່ງໜ້າກັບເມືອງປາກອູ. ພໍມາຮອດເຂດບ້ານປາກບາເປັນທາງໂຄ້ງ ແລະ ລົງຄ້ອຍບວກກັບຄວາມໄວສູງຈຶ່ງບໍ່ສາມາດຄວບຄຸມລົດໄດ້ ແລະ ເສຍຫລັກແຫກໂຄ້ງເຈືອດໄປຕໍາລົດຈັກ ໝາຍເລກທະບຽນ ຈນ 2513 ຫລວງພະບາງ, ເສຍຊີວິດຄາທີ່. ສໍາລັບສາເຫດແມ່ນເກີດຈາກການຂັບຂີ່ລົດໄວເກີນຂອບເຂດໃນຂະນະທີ່ກຳລັງຢູ່ເຂດທາງໂຄ້ງ ແລະ ຄ້ອຍຊັນ ເຊິ່ງປັດຈຸບັນເຈົ້າໜ້າທີ່ກໍາລັງດໍາເນີນຄະດີຕາມລະບຽບກົດ ໝາຍ.
