ອິນເດຍປະສົບຜົນສຳເລັດທົດລອງ ຍິງລູກສອນໄຟທຳລາຍດາວທຽມ

ອິນເດຍປະສົບຜົນສຳເລັດທົດລອງ ຍິງລູກສອນໄຟທຳລາຍດາວທຽມ - advert banner 728 90 728x90 - ອິນເດຍປະສົບຜົນສຳເລັດທົດລອງ ຍິງລູກສອນໄຟທຳລາຍດາວທຽມ

      ອິນ​ເດຍປະສົບ​ຜົນສຳ​ເລັດ​ໃນ​ການ​ທົດ​ລອງ​ຍິງ​ລູກ​ສອນ​ໄຟ​ທຳລາຍ​ດາວ​ທຽມ, ຂະນະ​ທີ່​ປາ​ກິດ​ສະຖານ​ຮຽກຮ້ອງ​ໃຫ້​ທຸກ​ປະ​ເທດ​ຫລີກ​ເວັ້ນການ​ກະທຳ​ທີ່​ຈະ​ນຳ​ໄປ​ສູ່​ການ​ເກີດ​ສົງຄາມ.

ອິນເດຍປະສົບຜົນສຳເລັດທົດລອງ ຍິງລູກສອນໄຟທຳລາຍດາວທຽມ - lattana 1 - ອິນເດຍປະສົບຜົນສຳເລັດທົດລອງ ຍິງລູກສອນໄຟທຳລາຍດາວທຽມ

      ນາຍົກລັດຖະມົນຕີ ນາ​ເຣນທາ ​ໂມ​ດີ ກ່າວ​ວ່າ: ອິນ​ເດຍປະສົບ​ຜົນສຳ​ເລັດ​ໃນ​ການ​ທົດ​ລອງ​ຍິງ​ລູກ​ສອນ​ໄຟ​ທຳລາຍ​ດາວ​ທຽມ​ເປັນຄັ້ງທຳ​ອິດ ​ແລະ ຖື​ເປັນ​ປະ​ເທດ​ທີ 4 ຂອງ​ໂລກ​ທີ່​ປະສົບ​ຜົນສຳ​ເລັດ​ໃນ​ການ​ຍິງ​ລູກ​ສອນ​ໄຟ​ທຳລາຍ​ດາວ​ທຽມ​ຕໍ່​ຈາກ​ອາ​ເມ​ລິ​ກາ, ສະຫະພາບ​ໂຊ​ວຽດ ​ແລະ ຈີນ. ຖື​ເປັນ​ບາດກ້າວ​ສຳຄັນ​ທີ່​ເຮັດ​ໃຫ້​ອິນ​ເດຍກ້າວ​ຂຶ້ນ​ເປັນ​ໜຶ່ງ​ໃນ​ປະ​ເທດ​ມະຫາ​ອຳນາດ​ດ້ານ​ອະວະກາດ​ຂອງ​ໂລກ.

        ທ່ານ ​ໂມ​ດີ ກ່າວ​ວ່າ: ທີ​ມນັກວິທະຍາສາດ​ໄດ້​ຍິງ​ລູກ​ສອນ​ໄຟ​ທຳລາຍ​ດາວ​ທຽມ​ຂອງ​ອິນ​ເດຍທີ່​ໂຄຈອນ​ຢູ່​ໃນ​ລະດັບ​ຕໍ່າ​ຫ່າງ​ຈາກ​ພື້ນ​ໂລກ 300 ກິ​ໂລ​ແມັດ, ອາວຸດ​ທຳລາຍ​ດາວ​ທຽມ​ນີ້​ມີ​ຂີດ​ຄວາມ​ສາມາດ​ໃນ​ການ​ໂຈມ​ຕີ​ດາວ​ທຽມ​ຂອງ​ສັດຕູ, ຂັດ​ຂວາງ​ການ​ສົ່ງ​ສັນຍານ​ໂທລະ​ຄົມມະນາຄົມ ທັງ​ຍັງ​ເປັນ​ຖານ​ດ້ານ​ເຕັກ​ໂນ​ໂລ​ຊີ​ໃນ​ການ​ຍິງ​ສະກັດ​ລູກ​ສອນ​ໄຟ​ຂ້າມ​ທະວີບ, ປະ​ສິດທິ​ພາບ​ເຫລົ່າ​ນີ້​ສ້າງ​ຄວາມ​ກັງວົນ​ວ່າ​ຈະ​ເຮັດ​ໃຫ້​ເກີດ​ການ​ແຂ່ງຂັນ​ກັບປະ​ເທດ​ຄູ່​ແຂ່ງ.

       ສ່ວນ​ກະຊວງ​ການ​ຕ່າງປະ​ເທດ​ຈີນ ​ສະ​ແດງ​ຄວາມ​ຄາດ​ຫວັງ​ວ່າ: ທຸກ​ປະ​ເທດ​ຈະ​ຊ່ວຍ​ກັນ​ຢ່າງ​ຈິງ​ຈັງ​ໃນ​ການ​ຮັກສາ​ສັນຕິພາບ ​ແລະ ຄວາມ​ສະຫງົບ​ດ້ານ​ອະວະກາດ​ໃຫ້​ຍືນ​ຍາວ.

ອິນເດຍປະສົບຜົນສຳເລັດທົດລອງ ຍິງລູກສອນໄຟທຳລາຍດາວທຽມ - 1 1 - ອິນເດຍປະສົບຜົນສຳເລັດທົດລອງ ຍິງລູກສອນໄຟທຳລາຍດາວທຽມ

      ຂະນະ​ທີ່​ປະ​ເທດ​ໃກ້​ຄຽງ​ຄື​ປາ​ກິດ​ສະຖານ ​ເຊິ່ງມີ​ບັນຫາ​ຂັດ​ແຍ່ງ​ເລື່ອງ​ດິນ​ແດນ ​ແລະ ຄວາມ​ໝັ້ນຄົງ​ລະບຸ​ວ່າ: ຫ້ວງ​ອະວະກາດ​ເປັນສົມ​ບັດ​ສ່ວນ​ລວມຂອງ​ມວນ​ມະນຸດ ​ແລະ ທຸກ​ປະ​ເທດ​ຈະ​ຕ້ອງ​ຮ່ວມ​ກັນ​ຮັບຜິດຊອບ​ໃນ​ການ​ຫລີກ​ເວັ້ນການ​ກະທຳ​ໃດໆ​ທີ່​ຈະ​ນຳ​ໄປ​ສູ່​ການ​ເກີດສົງຄາມ​ໃນ​ຫ້ວງ​ອະວະກາດ.