ແມນຢູ ປະກາດຕັ້ງ ໂຊລຊາ ເປັນຜູ້ຈັດການທີມຖາວອນແລ້ວ

ແມນຢູ ປະກາດຕັ້ງ ໂຊລຊາ ເປັນຜູ້ຈັດການທີມຖາວອນແລ້ວ - advert banner 728 90 728x90 - ແມນຢູ ປະກາດຕັ້ງ ໂຊລຊາ ເປັນຜູ້ຈັດການທີມຖາວອນແລ້ວ

       ​ແຟນບານ ​ແມນ​ເຊັສ​ເຕີ ຢູ​ໄນ​ເຕັດ ​ໄດ້​ຮັບ​ຂ່າວ​ດີ​ກ່ອນ​ເກ​ມພົບ ວັດ​ຟອດ ​ໃນ​ວັນ​ທີ 30 ມີນາ​ນີ້ ຫລັງ​ສະ​ໂມ​ສອນ​ປະກາດ​ຕັ້ງ ​ໂອ​ເລ່ ກຸນ​ນາ ​ໂຊ​ລຊາ ​ເປັນ​ຜູ້​ຈັດການ​ທີ​ມຖາວອນ​ແລ້ວ ດ້ວຍ​ສັນຍາ 3 ປີ.

ແມນຢູ ປະກາດຕັ້ງ ໂຊລຊາ ເປັນຜູ້ຈັດການທີມຖາວອນແລ້ວ - lattana 1 - ແມນຢູ ປະກາດຕັ້ງ ໂຊລຊາ ເປັນຜູ້ຈັດການທີມຖາວອນແລ້ວ

       ​ແມນ​ເຊັສ​ເຕີ ຢູ​ໄນ​ເຕັດ ສະ​ໂມ​ສອນ​ຍັກ​ໃຫຍ່​ແຫ່ງ ພຣີ​ເມຍ​ລີກ ອັງກິດ ປະກາດ​ແຕ່ງຕັ້ງ​ໃຫ້ ​ໂອ​ເລ່ ກຸນ​ນາ ​ໂຊ​ລຊາ ​ເຮັດ​ໜ້າ​ທີ່​ເປັນ​ຜູ້​ຈັດການ​ທີ​ມຖາວອນ​ຮຽບຮ້ອຍ​ແລ້ວ ​ໃນ​ວັນ​ທີ 28 ມີນາ​ນີ້ ຫລັງ​ຈາກ​ສ້າງ​ຜົນງານ​ໂດດ​ເດັ່ນ​ນັບ​ແຕ່​ມາ​ຄຸມ​ທັບ​ຊົ່ວຄາວ​ຕໍ່​ຈາກ ​ໂຊ​ເຊ ມູຣິນ​ໂຢ ​ໃນ​ທ້າຍ​ປີຜ່ານມາ.

       ​ເຖິງ​ວ່າ​ຈະ​ຫາ​ກໍ​ພາ​ທີ​ມ​ເສຍ 2 ນັດ​ຕິດ​ຕໍ່​ກັນ ​ແຕ່​ຜົນງານ​ໂດຍ​ລວມຂອງ ​ໂຊ​ລຊາ ຍັງ​ຖື​ວ່າ​ໂດດ​ເດັ່ນ​ເໜືອ​ຄວາມ​ຄາດໝາຍ ຫລັງ​ພາ​ທີ​ມຊະນະ​ເຖິງ 14 ​ເກ​ມຈາກ​ທັງ​ໝົດ 19 ນັດ​ໃນ​ທຸກ​ລາຍການ ລວມທັງ​ພາ​ທີ​ມມີ​ລຸ້ນພື້ນທີ່ 5 ອັນ​ດັບ ​ແລະ ​ເຂົ້າ​ເຖິງ​ຮອບ​ກ່ອນ​ຮອງ​ຊະນະ​ເລີດ​ຂອງ ຢູຟາ ​ແຊມ​ປ້ຽນລີກ ​ໄດ້ນຳ​ອີກ.

       ​ເລື່ອງ​ດັ່ງກ່າວ​​ເຮັດ​ໃຫ້​ແຟນບານ ​ແມນ​ເຊັສ​ເຕີ ຢູ​ໄນ​ເຕັດ ຈຳນວນ​ຫລາຍ​ຮຽກຮ້ອງ​ໃຫ້ ​ໂຊ​ລຊາ ​ໄດ້​ຮັບ​ວຽກ​ແບບ​ເຕັມຕົວ​ໄດ້​ແລ້ວ ຈົນ​ຫລ້າ​ສຸດ ​ແມນ​ເຊັສ​ເຕີ ຢູ​ໄນ​ເຕັດ ຕັດສິນ​ໃຈ​ມອບ​ສັນຍາ​ຖາວອນ​ໃຫ້​ເປັນ​ເວລາ 3 ປີ ກ່ອນ​ໜ້າ​ເກ​ມຈະ​ເປີດ​ສະໜາມ ​ໂອລ ​ແທຣັບຟອດ ຕ້ອນຮັບ​ການ​ມາ​ຢາມ​ຂອງ ວັດ​ຟອດ ​ໃນ​ວັນ​ທີ 30 ມີນາ​ນີ້.

ແມນຢູ ປະກາດຕັ້ງ ໂຊລຊາ ເປັນຜູ້ຈັດການທີມຖາວອນແລ້ວ - 1 1 - ແມນຢູ ປະກາດຕັ້ງ ໂຊລຊາ ເປັນຜູ້ຈັດການທີມຖາວອນແລ້ວ
ແມນຢູ ປະກາດຕັ້ງ ໂຊລຊາ ເປັນຜູ້ຈັດການທີມຖາວອນແລ້ວ - Tiger Head 728x90 - ແມນຢູ ປະກາດຕັ້ງ ໂຊລຊາ ເປັນຜູ້ຈັດການທີມຖາວອນແລ້ວ