ສິນໄຊໂຮງຮຽນຕົວແບບສອນດີ-ຮຽນເກັ່ງ

- Sinxay - ສິນໄຊໂຮງຮຽນຕົວແບບສອນດີ-ຮຽນເກັ່ງ
- Untitled design - ສິນໄຊໂຮງຮຽນຕົວແບບສອນດີ-ຮຽນເກັ່ງ

- Sinxay 1024x682 - ສິນໄຊໂຮງຮຽນຕົວແບບສອນດີ-ຮຽນເກັ່ງໂຮງຮຽນປະຖົມ-ມັດທະຍົມຕອນຕົ້ນ ສິນໄຊ ຕັ້ງຢູ່ແຄມຖະໜົນໄກສອນພົມວິຫານ, ບ້ານສີບຸນ ເຮືອງ, ເມືອງຈັນທະບູລີ, ນະຄອນຫຼວງວຽງຈັນ, ສ້າງຕັ້ງຂຶ້ນໃນສົກຮຽນ 1991-1992, ໂດຍການ ລົງທຶນເບື້ອງຕົ້ນຂອງທ່ານ ບົງ ແລະ ທ່ານ ນາງ ບົວໄຫລ ສຸວັນນະວົງ, ຊຶ່ງເຄີຍເປັນຄູສອນ ແລະ ກໍເປັນໜຶ່ງໃນຜູ້ເຂົ້າຮ່ວມຂະບວນການຕໍ່ສູ້ ເພື່ອປົກປັກຮັກສາພາສາລາວໃຫ້ຄົງຢູ່ ຫຼື ລອດພົ້ນຈາກ ສະໄໝລ່າເມືອງຂຶ້ນຝຣັ່ງ, ໃນໄລຍະ 25 ປີຜ່ານມາ, ໂຮງຮຽນແຫ່ງນີ້, ໄດ້ປະກອບສ່ວນເຂົ້າໃນການ ສ້າງສາພັດທະນາປະເທດຊາດ, ໂດຍການຍົກລະດັບຄວາມຮູ້ຄວາມສາມາດຂອງຄູ-ອາຈານ ແລະ ນ້ອງນັກຮຽນຫລາຍພັນຄົນ ໃຫ້ກາຍເປັນຊັບພະຍາກອນມະນຸດທີ່ດີ ແລະ ມີຄຸນນະພາບຮັບໃຊ້ສັງຄົມ.

ທ່ານນາງ ອາລີ ພົນເສນາ ອຳນວຍການໂຮງຮຽນປະຖົມ-ມັດທະຍົມຕອນຕົ້ນ ສິນໄຊ ໄດ້ໃຫ້ສຳພາດຕໍ່ນັກຂ່າວໜັງສືພິມລາວພັດທະນາ, ເມື່ອອາທິດຜ່ານມາວ່າ: ຕະຫລອດ 25 ປີຜ່ານມາ, ໄດ້ຮັບນັກຮຽນເຂົ້າຮຽນຫລາຍກວ່າ 25 ພັນຄົນ, ຍິງ 12 ພັນກວ່າຄົນ ແລະ ໄດ້ເຂົ້າຮ່ວມແຂ່ງຂັນນັກຮຽນເກັ່ງໃນລະດັບຊັ້ນປະຖົມ ປ5 ແລະ ມັດທະຍົມຕອນຕົ້ນ ຂັ້ນ ມ3-ມ4, ສາມາດຄວ້າໄດ້ອັນດັບ 1 ແລະ ອັນດັບຊົມເຊີຍເຖິງ 222 ຄົນ, ໃນນັ້ນເປັນນັກຮຽນຍິງ 140 ກວ່າຄົນ ແລະ ໄດ້ສົ່ງນັກຮຽນເຂົ້າຮ່ວມແຂ່ງຂັນສອບເສັງນັກຮຽນເກັ່ງລະດັບຊັ້ນປະຖົມ ປ5 ແລະ ມັດທະຍົມຕົ້ນຂັ້ນ ມ3-ມ4 ສາມາດຍາດໄດ້ອັນດັບ 1 ແລະ ອັນດັບຊົມ ເຊີຍເປັນຈຳນວນຫລວງຫລາຍ. ພິເສດ ໃນສົກປີ 2016-2017 ນີ້, ມີນັກຮຽນເກັ່ງໄດ້ອັນດັບ1 ຂັ້ນນະຄອນຫຼວງ ແລະ ຂັ້ນທົ່ວປະເທດ 3 ນ້ອງຄື: ນາງ ສຸພອນສິລິ ຄຳມະນີ ວິຊາຄະນິດສາດ ຊັ້ນ ປ5, ນາງ ທັດສະພອນ ເຂັມຄຳ ວິຊາພາສາລາວ ຊັ້ນ ມ4 ແລະ ທ້າວ ອານັດສະຢາ ພົງສະຫວັດ ວິຊາຄະນິດສາດ ຊັ້ນ ມ4.

- Wave100S AD to Website 2020 0 - ສິນໄຊໂຮງຮຽນຕົວແບບສອນດີ-ຮຽນເກັ່ງ

ທ່ານອຳນວຍການ ກ່າວວ່າ: ໂຮງຮຽນພວກເຮົາ ຍັງເອົາໃຈໃສ່ໃນຄວາມເປັນລະບຽບ, ໂດຍສະເພາະຫ້າມນັກຮຽນ ນຳໂທລະສັບ ມືຖືມາໂຮງຮຽນໂດຍເດັດຂາດ, ທັງນີ້ ກໍເພື່ອເປັນການຕ້ານການຟຸມເຟືອຍ ແລະ ຍັງເປັນການລົບກວນສະມາທິການຮຽນ-ການສອນຂອງຄູ-ອາຈານ ແລະ ໝູ່ເພື່ອນຮ່ວມຫ້ອງນຳອີກ, ແຕ່ກໍລະນີຈຳເປັນກໍອະນຸຍາດໃຫ້ໃຊ້ໂທລະສັບຕັ້ງໂຕະພາຍໃນໂຮງຮຽນໄດ້, ນອກຈາກນີ້ຍັງຫ້າມ ບໍ່ໃຫ້ນັກຮຽນຂົບຂີ່ລົດສ່ວນຕົວມາໂຮງຮຽນ ເພື່ອຫຼີກເວັ້ນການສວຍໂອກາດອອກເຄື່ອນໄຫວນອກໂຮງ ຮຽນແບບຜິດລະບຽບ ແລະ ເພື່ອຄວາມເປັນລະບຽບຮຽບຮ້ອຍຂອງນັກຮຽນເອງ. ຄຽງຄູ່ກັນນີ້ ໃນແຕ່ລະສົກຮຽນ ນ້ອງໆນັກຮຽນກໍໄດ້ເຂົ້າຮ່ວມການແຂ່ງຂັນສີລະປະກິລາ ແລະ ຮ່ວມສ້າງກິດຈະກຳຕ່າງໆທີ່ຈັດຂຶ້ນຢູ່ທົ່ວປະເທດອີກດ້ວຍ.

- WhatsApp Image 2020 05 27 at 5 - ສິນໄຊໂຮງຮຽນຕົວແບບສອນດີ-ຮຽນເກັ່ງ
- WhatsApp Image 2020 05 27 at 5 - ສິນໄຊໂຮງຮຽນຕົວແບບສອນດີ-ຮຽນເກັ່ງ
error: Alert: ເນື້ອຫາຂ່າວມີລິຂະສິດ !!