ບໍລິສັດ ລ້ານຊ້າງ ມິເນໂຣນສ໌ ມອບພາສີຊັບພະຍາກອນແຮ່ທາດ ປະຈໍາໄຕມາດທີ 4 ຂອງປີ 2018 ກວ່າ 5 ລ້ານ ໂດລາສະຫະລັດ
March 28, 2019 - 9:20 PM
ໃນ ວັນທີ 26 ມີນານີ້ ທ່ານ ສະໝານ ອະເນກາ ຜູ້ອຳນວຍການ ແລະ ຈັດການດ້ານການພົວພັນຂອງບໍລິສັດລ້ານຊ້າງມີເນໂຣນສ໌, ບໍ່ຄຳທອງເຊໂປນ ໄດ້ມອບພາສີຊັບພະຍາກອນແຮ່ທາດ ຈຳນວນ 5.551.247 ໂດລາ ສະຫະລັດ ທີ່ໄດ້ຈາກການຜະລິດທອງ ປະຈຳໄຕມາດທີ 4 ຂອງສົກປີ 2018 ໃຫ້ແກ່ກະຊວງການເງິນ ສປປ ລາວ.
ນັບແຕ່ເລີ່ມມີການຂຸດຄົ້ນ-ປຸງແຕ່ງ ແລະ ຜະລິດຄຳ-ທອງ ມາແຕ່ປີ 2003 ເຖິງປະຈຸບັນ, ທາງບໍລິສັດລ້ານຊ້າງ ມີເນໂຣນສ໌ ໄດ້ປະຕິບັດພັນທະຂອງຕົນ ໂດຍການຈ່າຍພາສີ-ອາກອນຕ່າງໆ ເປັນລາຍຮັບໂດຍກົງໃຫ້ແກ່ລັດຖະບານລາວແລ້ວ ລວມເປັນເງິນທັງໝົດ 1,4 ຕື້ໂດລາສະຫະລັດ, ໃນນັ້ນ ລວມທັງຄ່າພາສີຊັບພະຍາກອນແຮ່ທາດ ທີ່ມີຈຳນວນທັງໝົດຫລາຍກວ່າ 139 ລ້ານ ໂດລາສະຫະລັດ.
