ອຸຕຸນິຍົມ ​ເຕືອນ​ໃຫ້​ສັງຄົມ​ມີ​ສະຕິ ​ເນື່ອງ​ຈາກ​ຈະ​ມີ​ສະພາບ​ພະຍຸ​ເຂດ​ຮ້ອນ​ເກີດ​ຂຶ້ນ

ອຸຕຸນິຍົມ ​ເຕືອນ​ໃຫ້​ສັງຄົມ​ມີ​ສະຕິ ​ເນື່ອງ​ຈາກ​ຈະ​ມີ​ສະພາບ​ພະຍຸ​ເຂດ​ຮ້ອນ​ເກີດ​ຂຶ້ນ - advert banner 728 90 728x90 - ອຸຕຸນິຍົມ ​ເຕືອນ​ໃຫ້​ສັງຄົມ​ມີ​ສະຕິ ​ເນື່ອງ​ຈາກ​ຈະ​ມີ​ສະພາບ​ພະຍຸ​ເຂດ​ຮ້ອນ​ເກີດ​ຂຶ້ນ

ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ຄວາມກົດດັນຕໍ່າຂອງອາກາດຮ້ອນໄດ້ ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນຫາປານກາງ, ສົມທົບກັບລົມຕາ ເວັນຕົກພັດປົກຄຸມພາກ ເໜືອ ແລະ ກະແສລົມຕາເວັນຕົກສ່ຽງໃຕ້ພັດປົກຄຸມພາກກາງ ແລະ ພາກໃຕ້, ຊຶ່ງລັກສະນະເຊັ່ນນີ້ຈະເຮັດໃຫ້ ອາກາດຍັງສືບຕໍ່ຮ້ອນຢູ່ຕື່ມອີກ ແລະ ຍັງຈະມີຝົນຕົກຟ້າຮ້ອງຟ້າເຫຼື້ອມ ພ້ອມມີລົມພັດແຮງຢູ່ບາງທ້ອງຖິ່ນຢູ່ແຂວງພາກເໜືອ ແລະ ພາກກາງ.  ສະ​ນັ້ນ ​ເພື່ອ​ກຽມພ້ອມ​ຮັບ​ມື​ກັບ​ສະພາບ​ອາກາດ ​ແລະ ລົມ​ພັດ​ແຮງ ຊຶ່ງ​ຄາດ​ວ່າ ຈະ​ມີ​ພະຍຸ​ລະດູ​ຮ້ອນ ​ເກີດ​ຂຶ້ນ ຈຶ່ງ​ໃຫ້​ສັງຄົມ​ເອົາ​ໃຈ​ໃສ່​ໃນ​ການ​ກວດກາ​ອາຄານ ທີ່ຢູ່​ອາ​ໃສ​ໃຫ້​ຮັບປະກັນ​ຄວາມ​ແຫນ້ນໜາ ​ແລະ ປອດ​ໄພ ​ເນື່ອງ​ຈາກ​ເຫັນ​ວ່າ: ​ໃນ​ວັນ​ທີ 27 ມີນາ ຜ່ານ​ມາ ນີ້ ​ໄດ້​ເກີດ​ພະຍຸ​ລະດູ​ຮ້ອນ ​ເຮັດ​ໃຫ້​ຫລາ​ຍ​ເຂດ​ໄດ້​ຮັບ​ຄວາມ​ເສຍ​ຫາຍ ​ໂດຍ​ສະ​ເພາະ​ຢູ່ ນະຄອນຫລວງ​ວຽງຈັນ ມີ​ຄວາມ​ເສຍ​ຫາຍ​ຄື: ສູນ​ການ​ຄ້າ ທາດຫລວງພລາຊາ ​​ແລະ ທາດຫລວງ​ສະ​ແຄວ໌ ໄດ້​ຮັບ​ຄວາມ​ເສຍ​ຫາຍ ​ແກ້ວ​ແວ່ນໜ້າອາຄານ​ແຕກ​ຍ້ອນ​ລົມ​ພັດ​ແຮງ ​ແລະ ຫລັງຄາ​ອາຄານ​ລົມພັດ​ຕົກລົງ​ມາ ​ແຕ່​ໂຊກ​ດີ​ເຫດການ​ດັ່ງກ່າວ​ບໍ່ມີ​ໃຜ​ໄດ້​ຮັບ​ບາດ​ເຈັບຮ້າຍ​ແຮງ.

ອຸຕຸນິຍົມ ​ເຕືອນ​ໃຫ້​ສັງຄົມ​ມີ​ສະຕິ ​ເນື່ອງ​ຈາກ​ຈະ​ມີ​ສະພາບ​ພະຍຸ​ເຂດ​ຮ້ອນ​ເກີດ​ຂຶ້ນ - lattana 1 - ອຸຕຸນິຍົມ ​ເຕືອນ​ໃຫ້​ສັງຄົມ​ມີ​ສະຕິ ​ເນື່ອງ​ຈາກ​ຈະ​ມີ​ສະພາບ​ພະຍຸ​ເຂດ​ຮ້ອນ​ເກີດ​ຂຶ້ນ

     ຕໍ່ກັບ​ເຫດການ​ສະພາບ​ພະຍຸ​ລະດູ​ຮ້ອນ​ທີ່​​ເກີດ​ຂຶ້ນ​ໃນ​ວັນ​ທີ 27 ມີນາ ນີ້, ນັກ​ຂ່າວໜັງສື​ພິມ​ລາວ​ພັດທະນາ ​ໄດ້​ລົງ​ຕິດຕາມ ​ແລະ ສຳພາດ ສູນ​ການ​ຄ້າ​ທັງ​ສອງ​ແຫ່ງ ຢູ່ ບ້ານ ທາດຫລວງ ​ໂດຍໄດ້​ຮູ້​ວ່າ: ສູນ​ການ​ຄ້າ​ດັ່ງກ່າວ​ໄດ້​ສ້າງ​ຂຶ້ນ​​ເມື່ອ​ປີ 2005, ຊຶ່ງ ສາ​ເຫດ​ທີ່​ເຮັດ​ໃຫ້​ເກີດ​ແກ້ວ​ແວ່ນ​ທາງໜ້າ​ແຕກ ​ແລະ ຫລັງຄາ​ຕົກລົງ​ມາ​ຍ້ອນ​ມີລົມ​ພັດ​ແຮງ ​ບວກ​ກັບ​ອາຄານ​ສ້າງ​ມາ​ຫລາຍ​ປີ, ​ແຕ່ພາຍຫລັງ​ເຫດການ​ດັ່ງກ່າວ​ເກີດ​ຂຶ້ນ ກໍ​ໄດ້​ເລັ່ງສ້ອມ​ແປງ​ໃຫ້​ມີ​ສະພາບ​ປົກກະຕິ ພ້ອມ​ທັງ​ກວດກາ ອາຄານ​ຄືນ​ໃໝ່ ​ເພື່ອ​ໃຫ້​ຮັບປະກັນ​ຄວາມ​ປອດ​ໄພ​ດີ​ຂຶ້ນ.

     ຫ້ອງການ​ປົກຄອງ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ເຫດການ​ພະຍຸ​ເຂດ​ຮ້ອນ​ພັດ​ເຂົ້າ​ມາ ​ໄດ້​ເຮັດ​ໃຫ້​ຫລາຍ​ແຫ່ງ​ຢູ່ ນະຄອນຫລວງ​ວຽງຈັນ ​ໄດ້​ຮັບ​ຄວາມ​ເສຍ​ຫາຍຄື: ມີ​ໂຮງຮຽນປະຖົມ 2 ​ແຫ່ງ, ຕົ້ນ​ໄມ້​ຫັກ​ທັບ​ເສັ້ນທາງ ຈຳນວນໜຶ່ງ, ​ເສົາ​ໄຟຟ້າ​ເປ່​ເພ​ຫລາຍ​ແຫ່ງ ​ແລະ ມີ​ອາຄານ​ ຢູ່ ເຂດອຸດສາຫະກຳ ວຽງຈັນ – ໂນນທອງ ​ໄດ້​ຮັບ​ຄວາມ​ເສຍ​ຫາຍຈຳນວນ​ຫນຶ່ງ.

ອຸຕຸນິຍົມ ​ເຕືອນ​ໃຫ້​ສັງຄົມ​ມີ​ສະຕິ ​ເນື່ອງ​ຈາກ​ຈະ​ມີ​ສະພາບ​ພະຍຸ​ເຂດ​ຮ້ອນ​ເກີດ​ຂຶ້ນ - 1 1 - ອຸຕຸນິຍົມ ​ເຕືອນ​ໃຫ້​ສັງຄົມ​ມີ​ສະຕິ ​ເນື່ອງ​ຈາກ​ຈະ​ມີ​ສະພາບ​ພະຍຸ​ເຂດ​ຮ້ອນ​ເກີດ​ຂຶ້ນ