ຍີ່ປຸ່ນຊ່ວຍເຫຼືອໂຄງການກໍ່ສ້າງໂຮງໝໍນ້ອຍ ແລະ ລະບົບນໍ້າລິນ ຢູ່ 6 ແຂວງຂອງລາວ

ຍີ່ປຸ່ນຊ່ວຍເຫຼືອໂຄງການກໍ່ສ້າງໂຮງໝໍນ້ອຍ ແລະ ລະບົບນໍ້າລິນ ຢູ່ 6 ແຂວງຂອງລາວ - advert banner 728 90 728x90 - ຍີ່ປຸ່ນຊ່ວຍເຫຼືອໂຄງການກໍ່ສ້າງໂຮງໝໍນ້ອຍ ແລະ ລະບົບນໍ້າລິນ ຢູ່ 6 ແຂວງຂອງລາວ

ລັດຖະບານຍີ່ປຸ່ນ ໄດ້ໃຫ້ການຊ່ວຍເຫຼືອລ້າມູນຄ່າ 414,128 ໂດລາສະຫະລັດ ເພື່ອກໍ່ສ້າງໂຮງໝໍນ້ອຍ 3 ໂຄງການ ແລະ ກໍ່ສ້າງລະບົບນໍ້າລິນ 4 ໂຄງການ, ພາຍໃຕໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGPs). ຊຶ່ງພິທີລົງນາມໂຄງການຊ່ວຍເຫຼືອດັ່ງກ່າວ, ໄດ້ມີຂຶ້ນໃນວັນທີ 27 ມີນານີ້, ທີ່ສະຖານທູດຍີ່ປຸ່ນ ປະຈໍາລາວ ລະຫວ່າງທ່ານ ຄຸໂນະ ຄາຊຶຮິໂຣະ ອຸປະທູດຍີ່ປຸນ ປະຈໍາລາວ ແລະ ຜູ້ຕາງໜ້າຈາກພະແນກສາທາລະນະສຸກ 6 ແຂວງຂອງລາວ.

ຍີ່ປຸ່ນຊ່ວຍເຫຼືອໂຄງການກໍ່ສ້າງໂຮງໝໍນ້ອຍ ແລະ ລະບົບນໍ້າລິນ ຢູ່ 6 ແຂວງຂອງລາວ - new3 - ຍີ່ປຸ່ນຊ່ວຍເຫຼືອໂຄງການກໍ່ສ້າງໂຮງໝໍນ້ອຍ ແລະ ລະບົບນໍ້າລິນ ຢູ່ 6 ແຂວງຂອງລາວ

    ສໍາລັບ 3 ໂຄງການ ກໍ່ສ້າງໂຮງໝໍນ້ອຍດັ່ງກ່າວມີຢູ່ເມືອງແບ່ງ ແຂວງອຸດົມໄຊ, ເມືອງ ແລະ ແຂວງສາລະວັນ ແລະ ເມືອງ ໂພນທອງ ແຂວງຈໍາປາສັກ, ການຊ່ວຍເຫຼືອກໍ່ສ້າງໂຮງໝໍນ້ອຍ 5-7 ຫ້ອງດັ່ງກ່າວ ແລະ ຕອບສະໜອງອຸປະກອນການແພດ, ຊຶ່ງຈະມີປະຊາຊົນຈາກ 20 ບ້ານຈະໄດ້ຮັບຜົນປະໂຫຍດຈາກບັນດາໂຄງການດັ່ງກ່າວ.

    ສ່ວນໂຄງການກໍ່ສ້າງລະບົບນໍ້າລິນ ຈໍານວນ 4 ໂຄງການ ແມ່ນຈະໄດ້ຈັດຕັ້ງຢູ່ເມືອງໄຊ ແຂວງອຸດົມໄຊ, ເມືອງ ແລະ ແຂວໄຊຍະບູລີ, ເມືອງຊໍາເໜືອ ແຂວງຫົວພັນ ແລະ ເມືອງຄໍາ ແຂວງຊຽງຂວາງ. ເຖິງແມ່ນວ່າຈະມີລະບົບນໍ້າລິນຢູ່ແລ້ວ ແຕ່ການເຂົ້າເຖິງນໍ້າສະອາດນັ້ນແມ່ນຍັງບໍ່ທົ່ວເຖິງ ເນື່ອງຈາກຂະໜາດທີ່ຈໍາກັດ, ບາງບ້ານລະບົບນໍ້າລິນຖືກທໍາລາຍຈາກນໍ້າຖ້ວມກະທັນຫັນ ແລະ ດິນເຈື່ອນໃນປີຜ່ານມາ ເຮັດໃຫ້ປະຊາຊົນໃນເຂດດັ່ງກ່າວຈໍາຕ້ອງໄດ້ໃຊ້ນໍ້າຈາກບ້ານໃກ້ຄຽງເຂົ້າໃນຊີວິດປະຈໍາວັນ ແລະ ການກິນດື່ມ.

ຍີ່ປຸ່ນຊ່ວຍເຫຼືອໂຄງການກໍ່ສ້າງໂຮງໝໍນ້ອຍ ແລະ ລະບົບນໍ້າລິນ ຢູ່ 6 ແຂວງຂອງລາວ - lattana 1 - ຍີ່ປຸ່ນຊ່ວຍເຫຼືອໂຄງການກໍ່ສ້າງໂຮງໝໍນ້ອຍ ແລະ ລະບົບນໍ້າລິນ ຢູ່ 6 ແຂວງຂອງລາວ

    ໃນໂອກາດດັ່ງກ່າວ, ທ່ານ ຄຸໂນະ ໄດ້ກ່າວວ່າ: ຜົນປະໂຫຍດຂອງບັນດາໂຄງການເຫຼົ່ານີ້ ຈະສາມາດສ້າງຄວາມສຸກໃຫ້ແກ່ປະຊາຊົນໃນຊຸມຊົນຂັ້ນຮາກຖານ ເຊິ່ງເປັນເອກະລັກພິເສດຂອງໂຄງການ GGPs. ທີ່ປະເທດຍີ່ປຸ່ນໄດ້ໃຫ້ການສະໜັບສະໜູນຕໍ່ຄວາມພະຍາຍາມ ໃນການພັດທະນາລະບົບສາທາລະນະສຸກ ແລະ ລະບົບນໍ້າສະອາດເປັນເວລາຫຼາຍປີມາແລ້ວ ຊຶ່ງຜ່ານມາ ຍີ່ປຸ່ນໄດ້ໃຫ້ທຶນຊ່ວຍເຫຼືອໂຄງການກ່ຽວກັບຂະແໜງສາທາລະນະສຸກຂອງລາວມາແລ້ວ 150 ໂຄງການ.

error: Content is protected !!