ກອງ​ປະຊຸມວຽກງານໂຍທາ​ທິການ ​ແລະ ຂົນ​ສົ່ງ ທົ່ວ​ປະ​ເທດ ​ໄຂ​ຂຶ້ນ​ທີ່​ນະຄອນຫລວງ​ວຽງຈັນ

ກອງ​ປະຊຸມວຽກງານໂຍທາ​ທິການ ​ແລະ ຂົນ​ສົ່ງ ທົ່ວ​ປະ​ເທດ ​ໄຂ​ຂຶ້ນ​ທີ່​ນະຄອນຫລວງ​ວຽງຈັນ - advert banner 728 90 728x90 - ກອງ​ປະຊຸມວຽກງານໂຍທາ​ທິການ ​ແລະ ຂົນ​ສົ່ງ ທົ່ວ​ປະ​ເທດ ​ໄຂ​ຂຶ້ນ​ທີ່​ນະຄອນຫລວງ​ວຽງຈັນ

ກອງ​ປະຊຸມວຽກງານໂຍທາ​ທິການ ​ແລະ ຂົນ​ສົ່ງ (ຍທຂ) ທົ່ວ​ປະ​ເທດ ປະ​ຈໍາປີ 2018 ໄດ້ໄຂຂຶ້ນໃນວັນທີ 28 ມີນານີ້ ທີ່ນະຄອນຫລວງວຽງຈັນ, ພາຍໃຕ້ການເປັນປະທານຂອງ ທ່ານ ບຸນຈັນ ສິນທະວົງ ລັດຖະມົນຕີ ກະຊວງ ດັ່ງກ່າວ ໂດຍມີບັນດາລັດຖະມົນຕີ​, ຮອງລັດຖະມົນຕີ, ຮອງ​ເຈົ້າ​ແຂວງ, ຮອງເຈົ້າຄອງນະຄອນຫລວງວຽງຈັນ ​ແລະ ບັນດາຫົວໜ້າພະແນກ ຍທຂ ທົ່ວ​ປະ​ເທດເຂົ້າຮ່ວມ​ເປັນ​ຈໍານວນ​ຫລາຍ.

ກອງ​ປະຊຸມວຽກງານໂຍທາ​ທິການ ​ແລະ ຂົນ​ສົ່ງ ທົ່ວ​ປະ​ເທດ ​ໄຂ​ຂຶ້ນ​ທີ່​ນະຄອນຫລວງ​ວຽງຈັນ - new3 - ກອງ​ປະຊຸມວຽກງານໂຍທາ​ທິການ ​ແລະ ຂົນ​ສົ່ງ ທົ່ວ​ປະ​ເທດ ​ໄຂ​ຂຶ້ນ​ທີ່​ນະຄອນຫລວງ​ວຽງຈັນ

ທ່ານ ບຸນຈັນ ສິນທະວົງ ກ່າວ​ເປີດ​ກອງ​ປະຊຸ​ມສໍາຄັນ​ນີ້​ວ່າ: ກອງປະຊຸມສະຫລຸບຕີລາຄາປະເມີນຜົນການຈັດຕັ້ງປະຕິບັດວຽກງານຂະແໜງ ຍທຂ ຂອງ​ຕົນ ແລະ ສະຫລຸບສັງລວມຄວາມຄືບໜ້າ ການຈັດຕັ້ງປະຕິບັດການແກ້ໄຂບັນຫາຄົງຄ້າງພົ້ນເດັ່ນຕ່າງໆ. ພ້ອມ​ນີ້, ກອງປະຊຸມຍັງຈະໄດ້ພ້ອມກັນຄົ້ນຄວ້າ ແລະ ປຶກສາຫາລື ປະກອບຄຳຄິດຄຳເຫັນໃສ່ບົດດັ່ງກ່າວ​ເພື່ອຍົກໃຫ້ເຫັນຜົນສຳເລັດອັນພົ້ນເດັ່ນທີ່​ຈະ​ຕ້ອງ​ໄດ້​ສົ່ງ​ເສີມ ​ແລະ ບັນດາ​ຈຸດ​ອ່ອນຄົງຄ້າງ​ຂອງຂະແໜງການ​ທີ່​ຈະ​ຕ້ອງ​ໄດ້​ເພີ່ມ​ທະວີ​ປັບປຸງ​ແກ້​ໄຂ ​ໂດຍ​ສະ​ເພາະການຈັດຕັ້ງປະຕິບັດ​ວຽກ​ງານ 3 ສ້າງ ​ໃນ​ຂົງ​ເຂດ​ວຽກງານ ຍທຂ ພ້ອມທັງປັບ ປຸງຂໍ້ຕົກລົງ ການແບ່ງຄວາມຮັບຜິດຊອບລະຫວ່າງກະຊວງ, ແຂວງ ແລະ ຫ້ອງການ ຍທຂ ເມືອງຄືນໃໝ່ ແລະ ປັບປຸງລະບຽບ ແລະ ກົນໄກການປະສານງານ ໃນການດຳເນີນທຸລະກິດຂອງຂະແໜງ ຍທຂ ຕາມຄຳສັ່ງຂອງທ່ານນາຍົກລັດຖະມົນຕີ ສະບັບເລກທີ 02/ນຍລົງວັນທີ 1/2/2018. ໃນ 2 ປີທີ່ຜ່ານມາ ໃນຖານະທີ່ເປັນຂະແໜງການປາຍແຫລມ ຂອງເສດຖະກິດແຫ່ງຊາດ ​ແລະ ກໍ ໄດ້ປະກອບສ່ວນຢ່າງ​ຕັ້ງໜ້າເຂົ້າໃນການພັດທະນາ ເສດຖະກິດ-ສັງຄົມ ຂອງຊາດ ແນໃສ່ແກ້ໄຂຄວາມທຸກຍາກຂອງປະຊາຊົນບັນດາເຜົ່າ, ​ແຕ່ຄຽງຄູ່ກັບຜົນສຳເລັດດັ່ງກ່າວ, ຂະ​ແໜງ​ໂຍທາ​ທິການ ​ແລ​ະ ຂົນ​ສົ່ງກໍບໍ່ປາສະຈາກໄດ້ຈຸດອ່ອນ ແລະ ຂໍ້ຄົງຄ້າງຕ່າງໆ ທີ່ຈະຕ້ອງສືບຕໍ່ປັບປຸງແກ້ໄຂໃຫ້ໝົດໄປດັ່ງກອງປະຊຸມວິຊາການຂອງຂະແໜງການ ຍທຂ ທີ່​ຈັດ​ຂື້ນ​ໃນ​ສອງ​ວັນ​ຜ່ານ​ມາ​ນີ້​ໄດ້​ສັງ​ເກດ​ເຫັນ​ວ່າສະພາບການປະຕິບັດວິໄນແຜນການ ​ແລະ ການເງິນ, ວຽກງານເຊື່ອມກັບພາກພື້ນ ແລະ ສາກົນ ຕາມທິດຫັນເປັນປະເທດບໍລິການທາງຜ່ານ, ການແບ່ງວຽກລະຫວ່າງສູນກາງ ແລະ ທ້ອງຖິ່ນຕາມທິດ 3 ສ້າງ, ການກໍ່ສ້າງ-ສ້ອມແປງຂົວທາງ ແລະ ວຽກງານການຄຸ້ມຄອງການຂົນສົ່ງທາງບົກ ແລະ ຄວາມຈໍາເປັນພາວະວິໃສ ກ່ຽວກັບການສ້າງຕັ້ງເຈົ້າໜ້າທີ່ຂົນສົ່ງທາງບົກ, ເຈົ້າໜ້າທີ່ກວດກາ ຍທຂ.

ທ່ານ ບຸນຈັນ ສິນທະວົງ ໄດ້ຮຽກຮ້ອງມາຍັງບັນດາຜູ້ແທນກອງປະຊຸມ ຈົ່ງພ້ອມກັນສຸມເຫື່ອແຮງ ແລະ ສະຕິປັນຍາ ປະກອບຄໍາຄິດຄໍາເຫັນໃຫ້ເລິກເຊິ່ງ ມີເຫດມີຜົນ ເພື່ອເຮັດໃຫ້ກອງປະຊຸມຄັ້ງນີ້,  ມີຜົນສຳເລັດຢ່າງຈົບງາມ ເປັນພື້ນຖານອັນໜັກແໜ້ນໃຫ້ແກ່ຂະແໜງການ ຍທຂ ເພື່ອສາມາດນຳໄປຈັດຕັ້ງປະຕິບັດ​ໃຫ້ສອດຄ່ອງກັບສະພາບຕົວຈິງ ແລະ ບັນລຸຕາມຄາດໝາຍທີ່ວາງໄວ້.

ກອງ​ປະຊຸມວຽກງານໂຍທາ​ທິການ ​ແລະ ຂົນ​ສົ່ງ ທົ່ວ​ປະ​ເທດ ​ໄຂ​ຂຶ້ນ​ທີ່​ນະຄອນຫລວງ​ວຽງຈັນ - lattana 1 - ກອງ​ປະຊຸມວຽກງານໂຍທາ​ທິການ ​ແລະ ຂົນ​ສົ່ງ ທົ່ວ​ປະ​ເທດ ​ໄຂ​ຂຶ້ນ​ທີ່​ນະຄອນຫລວງ​ວຽງຈັນ
error: Content is protected !!