ສຳ​ປະທານ ພັດທະນາ ​ສວນ​ວັດທະນະທຳ​ລ້ານ​ຊ້າງ​ຫລັກທ16 ​ໃນ​ມູນ​ຄ່າ 80 ລ້ານ​ໂດ​ລາ​ສະຫະລັດ

ພິທີລົງນາມລົງທຶນພັດ ທະນາສວນວັດທະນະທຳ ລ້ານຊ້າງໄດ້ມີຂຶ້ນ.ໃນວັນທີ 27 ມີນານີ້, ທີ່ນະຄອນຫລວງ ວຽງຈັນ, ລະຫວ່າງທ່ານ ສຸ ພັນ ແກ້ວມີໄຊ ລັດຖະມົນຕີ ກະຊວງແຜນການ ແລະ ການລົງທຶນ ແລະ ທ່ານ ຄອນຄໍາ ອິນທະວົງ ປະທານບໍລິສັດ ພັດທະນາສວນວັດທະນະທໍາລ້າງຊ້າງ ຈໍາກັດ ເຊິ່ງມີໄລຍະການສໍາປະທານ 50 ປີ ໃນເນື້ອທີ່ 88 ເຮັກຕາ ຢູ່ບ້ານດົງສ້າງຫີນ ເມືອງ ໄຊທານີ ນະຄອນຫລວງວຽງຈັນ, ດ້ວຍມູນຄ່າການລົງທຶນ 80 ລ້ານໂດລາສະຫະລັດ.   ໂດຍການເຂົ້າຮ່ວມ ເປັນສັກຂີພິຍານ ທ່ານ ຮອງນາຍົກລັດຖະມົນຕີ ສອນໄຊ ສີພັນດອນ.

ທ່ານ ຄອນຄໍາ ອິນທະວົງ ກ່າວວ່າ: ການສໍາປະທານໂຄງການພັດທະນາ ດັ່ງກ່າວ, ກໍເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ ແລະ ພັດທະນາເຂດນີ້ ໃຫ້ກາຍເປັນສະຖານທີ່ທ່ອງທ່ຽວທາງດ້ານວັດທະນະທໍາ ແລະ ທໍາມະຊາດຂອງ ນະຄອນຫລວງວຽງຈັນ ໃຫ້ມີຄວາມງົດງາມ.

ໂຄງການດັ່ງກ່າວ, ໄດ້ ແບ່ງອອກເປັນ 3 ໄລຍະໂດຍ ຈະໃຊ້ເວລາການກໍ່ສ້າງທັງໝົດ 9 ປີ ໃຫ້ສໍາເລັດ, ເຊິ່ງປະກອບມີສວນສະນຸກ ແລະ ສວນວັດທະນະທໍາ; ສວນພຶກສາສາດ ແລະ ສວນສັດ; ເຂດສູນການຄ້າ ແລະ ໂຮງແຮມ; ບ້ານຈັດສັນ ແລະ ການກໍ່ສ້າງພື້ນຖານໂຄງລ່າງສິ່ງອໍານວຍຄວາມສະດວກ  ອື່ນໆ ອີກ. ເຊິ່ງເບື້ອງຕົ້ນທາງ ບໍລິສັດຈະລົງມືກໍ່ສ້າງເຂດສ່ວນສະນຸກ ແລະ ສວນນໍ້າກໍານົດ 2 ປີໃຫ້ສໍາເລັດ./.

error: Alert: Content is protected !!