ຕ້ານ ແລະ ສະກັດກັນຂ່າວປອມ ຈາກເຄືອຂ່າຍທາງສັງຄົມ Facebook

ຕ້ານ ແລະ ສະກັດກັນຂ່າວປອມ ຈາກເຄືອຂ່າຍທາງສັງຄົມ facebook - advert banner 728 90 728x90 - ຕ້ານ ແລະ ສະກັດກັນຂ່າວປອມ ຈາກເຄືອຂ່າຍທາງສັງຄົມ Facebook

ແປໂດຍ: ລູກເມືອງພວນ

ເຟສບຸກໃນສູ່ມື້ນີ້ໄດ້ກາຍເປັນເຄືອຂ່າຍທາງສັງຄົມທີ່ແຜ່ຫລາຍທົ່ວໄປ, ນໍາມາເຊິ່ງຄຸນຄ່າ ທີ່ຕັ້ງໜ້າທາງສັງຄົມ, ພ້ອມດຽວກັນນັ້ນ ບັນດາຂໍ້ມູນຂ່າວສານທີ່ບິດເບືອນບໍ່ມີຄວາມຈິງ (fake news) ກໍໄດ້ລະເບີດຂຶ້ນເຊັ່ນດຽວກັນ. ຖ້າຫາກບໍ່ມີການຄຸ້ມຄອງ, ຕິດຕາມຢ່າງເຄັງຄັດກໍຈະເຮັດໃຫ້ຄຸນສົມບັດ, ແບບແຜນດໍາລົງຊີວິດ, ຄວາມສະຫງົບ ແລະ ການເມືອງຈະຖືກເສື່ອມຖອຍລົງ. ດັ່ງນັ້ນ, ຈໍາເປັນຈະຕ້ອງໄດ້ມີການຊີ້ແຈງຜົນກະທົບ, ຜົນເສຍຫາຍຂອງຂໍ້ມູນຂ່າວສານທີ່ບິດເບືອນບໍ່ມີຄວາມຈິງຢູ່ໃນ ເຟສບຸກນັ້ນໃຫ້ສັງຄົມຮັບຮູ້, ບົນພື້ນຖານ ດັ່ງກ່າວ, ກໍຕ້ອງເປີດໜ້າກາກເລ່ລ່ຽມກົນອຸບາຍຂອງພວກນໍາເອົາຂໍ້ມູນຂ່າວສານທີ່ບໍ່ມີຄວາມຈິງມາລົງໃນເຟສບຸກ ເພື່ອວາງມາດຕະການສະກັດກັນ, ຕ້ານຂໍ້ມູນຂ່າວສານດັ່ງກ່າວ, ປະກອບສ່ວນເຂົ້າໃນການຕໍ່ສູ້ກັບກົນອຸບາຍ ຫັນປ່ຽນໂດຍສັນຕິວິທີ, ສ້າງຂະບວນການລຸກຮື້ຂຶ້ນ ແລະ ໂຄ່ນລົ້ມ ຂະບວນການເກີດຂຶ້ນເອງ ແລະ ຫັນປ່ຽນເອງ ຂອງພວກອິດທິກໍາລັງປໍລະປັກຕໍ່ການປະຕິວັດ​ເຮົາ.

1. ລັກສະນະມີດສອງຄົມຂອງ ເຟສບຸກ.

Facebook ແມ່ນເວບໄຊບໍລິການເຄືອຂ່າຍທາງສັງຄົມຂອງບໍລິສັດ Facebook, Inc ​ເຊິ່ງສາມາດໃຫ້ຜູ້ຄົນລົງບັນຊີ, ຮູບພາບ, ເອກະສານບຸກຄົນ, ຂໍເປັນເພື່ອນ, ສົ່ງຂໍ້ມູນ ຂ່າວສານ, ຕິດຕໍ່ພົວພັນກັນ, ແບ່ງປັນອາລົມ, ຄວາມຮູ້ສຶກ, ສົ່ງຂໍ້ຄວາມ, ຮູບພາບ, ວິດີໂອ, ຄໍາວິພາກວິຈານໂຄສະນາ….ໄດ້, ອີງຕາມການຄົ້ນຄ້ວາຂອງບໍລິສັດ Statista, Facebook ໃຫ້ຮູ້ວ່າ ເຄືອຂ່າຍທາງສັງຄົມກໍາລັງຄອບງຳພາຫະນະສື່ມວນຊົນທັງໝົດ. ປັດຈຸບັນມີປະມານ 2 ຕື້ຄົນນໍາໃຊ້ Facebook, ຖັດຈາກນັ້ນກໍແມ່ນ whatsApp ມີ 1,3 ຕື້ຄົນ, Messenger ມີ 1,2 ຕື້ຄົນ ແລະ ສຸດທ້າຍກໍແມ່ນ Instagram ມີ 700 ລ້ານຄົນ ທັງໝົດ ນັ້ນລ້ວນແຕ່ຂຶ້ນກັບບໍລິສັດແມ່ Facebook.

ຕ້ານ ແລະ ສະກັດກັນຂ່າວປອມ ຈາກເຄືອຂ່າຍທາງສັງຄົມ facebook - lattana 1 - ຕ້ານ ແລະ ສະກັດກັນຂ່າວປອມ ຈາກເຄືອຂ່າຍທາງສັງຄົມ Facebook
ຕ້ານ ແລະ ສະກັດກັນຂ່າວປອມ ຈາກເຄືອຂ່າຍທາງສັງຄົມ facebook - 1 1 - ຕ້ານ ແລະ ສະກັດກັນຂ່າວປອມ ຈາກເຄືອຂ່າຍທາງສັງຄົມ Facebook

​ເຟສບຸກ ໄດ້ກາຍເປັນສິ່ງທີ່ນິຍົມແຜ່ຫລາຍທົ່ວໄປໃນສັງຄົມ ເຊິ່ງມີດ້ານຕັ້ງໜ້າຫລາຍ ຢ່າງ: ສາມາດໃຫ້ຜູ້ນໍາໃຊ້ສະ​ເໜີຕົນເອງ, ຂໍເປັນເພື່ອນຢ່າງບໍ່ມີພົມແດນ, ເປັນບ່ອນໃຫ້ຄົນ​ເຮົາໄດ້ພົບປະກັນ, ສົ່ງຂ່າວ, ພົວພັນໂອ້ລົມກັນ, ສ້າງກຸ່ມ, ໂຄສະນາໃຫ້ສະໂມສອນ, ຫ້ອງຮຽນ, ບໍລິສັດ, ຊອກຫາວຽກເຮັດງານທໍາ, ໂຄສະນາ, ເຮັດທຸລະກິດ ແລະ ບັນເທີງ, ການມີເຄືອຂ່າຍທາງສັງຄົມເຟສບຸກນັ້ນ ໄດ້ສ້າງຄຸນຄາ​ໃໝ່ຂຶ້ນມາມັນໄດ້ນໍາເອົາຜົນສໍາເລັດທາງດ້ານເສດ ຖະກິດ, ຊຸກຍູ້ໃຫ້ການສຶກສາມີການຫັນປ່ຽນໃໝ່ ແລະ ຂົງເຂດອື່ນໆໃນຊີວິດສັງຄົມ.

ເປັນອັນແນ່ນອນແລ້ວວ່າ Facebook ກໍມີດ້ານຫຍໍ້ທໍ້ເຊັ່ນດຽວກັນ ເຕັມໄປດ້ວຍຄວາມອັນຕະລາຍທີ່ບໍ່ສາມາດຈະຮູ້ໄດ້ລ່ວງໜ້າຕໍ່ກັບຜູ້ນໍາໃຊ້. ຖ້າຫາກບໍ່ມີສະຕິຄວບຄຸມ, ຂາດຄວາມເປັນເຈົ້າການ. ຊີວິດຂອງຜູ້ນໍາໃຊ້ອາດຈະຖືກຄຸກຄາມ ໃນເມື່ອຫາກມີການສົ່ງຂໍ້ຄວາມທາງອີເມວ, ໂທລະສັບ, ວັນເດືອນປີເກີດ, ບ່ອນຢູ່, ບ່ອນເຮັດວຽກ, ໂອ້ລົມກັນ, ສົ່ງຈົດໝາຍ, ຮູບພາບ ຫຼື ເອກະສານຕ່າງໆໄປໃຫ້ເພື່ອນ. ມີຄວາມສ່ຽງຖືກຫລອກລວງທາງດ້ານເສດຖະກິດ, ຈະບໍ່ມີຄວາມປອດໄພຕໍ່ຕົນເອງ ແລະ ຄອບຄົວ. ຈະຖືກພວກກຸ່ມຄົນບໍ່ດີສວຍໃຊ້ຊັກຈູງໃຫ້ ໄປໃນທາງທີ່ບໍ່ດີເຊັ່ນ: ຂີ້ລັກງັດແງະ, ປັ້ນເຈົ້າເອົາຂອງ, ຈັບເປັນຕົວປະກັນເພື່ອໄຖ່ເອົາເງິນ. ການໃຊ້ Facebook ນັ້ນ ຖ້າຫາກຜູ້ນໍາໃຊ້ບໍ່ເປັນເຈົ້າການກໍຈະເສຍສະຕິ ແລະ ຫລົງທາງ, ຈະຖືກເຂົາລັກເອົາບັນຊີ ແລ້ວ ສ້າງຊື່ປອມຂຶ້ນມາແລ້ວ ກໍຈະກາຍເປັນວ່າບໍ່ມີບຸກຄົນເປັນຕົວ ຕົນ ຫຼື ອາດຈະເປັນການສົ່ງຂໍ້ມູນຂ່າວສານຫລອກລວງບໍ່ມີຄວາມຈິງອອກໄປ, ເປັນພິດເປັນໄພ ເຮັດໃຫ້ເສຍຄວາມລັບຂອງຊາດ, ຂອງສໍານັກງານອົງການ ຮ້າຍແຮງໄປກ່ວານັ້ນກໍຈະກາຍ ເປັນຜູ້ທີ່ໃຫ້ການຮ່ວມໄມ້ຮ່ວມມືໃຫ້ກຸ່ມຄົນບໍ່ດີເພື່ອຕ້ານພັກ, ລັດຖະບານ​ເຮົາ​ກໍ​ເປັນ​ໄດ້.

error: Content is protected !!