ຫລັກການບໍລິໂພກນຳ້ຕານເພື່ອບໍ່ໃຫ້ເປັນໂທດຕໍ່ສຸຂະພາບ

ຫລັກການບໍລິໂພກນຳ້ຕານເພື່ອບໍ່ໃຫ້ເປັນໂທດຕໍ່ສຸຂະພາບ - advert banner 728 90 728x90 - ຫລັກການບໍລິໂພກນຳ້ຕານເພື່ອບໍ່ໃຫ້ເປັນໂທດຕໍ່ສຸຂະພາບ

     ນຳ້ຕານ ເປັນສ່ວນປະກອບສຳຄັນຂອງທັງອາຫານ ແລະ ເຄື່ອງດື່ມຕ່າງໆ ເຊິ່ງຫາກບໍລິໂພກໃນປະລິມານທີ່ເໝາະສົມກໍຈະເປັນອີກໜຶ່ງແຫລ່ງພະລັງງານທີ່ຮ່າງກາຍນຳໄປໃຊ້ໃນຊີວິດປະຈຳວັນ, ແຕ່ຫາກກິນໃນປະລິມານຫລາຍເກີນໄປຈະສະສົມເປັນໄຂມັນໃນຮ່າງກາຍໄດ້.

ຫລັກການບໍລິໂພກນຳ້ຕານເພື່ອບໍ່ໃຫ້ເປັນໂທດຕໍ່ສຸຂະພາບ - lattana 1 - ຫລັກການບໍລິໂພກນຳ້ຕານເພື່ອບໍ່ໃຫ້ເປັນໂທດຕໍ່ສຸຂະພາບ
ຫລັກການບໍລິໂພກນຳ້ຕານເພື່ອບໍ່ໃຫ້ເປັນໂທດຕໍ່ສຸຂະພາບ - 050104 2019 1024x596 - ຫລັກການບໍລິໂພກນຳ້ຕານເພື່ອບໍ່ໃຫ້ເປັນໂທດຕໍ່ສຸຂະພາບ

     ຫລາຍຄົນຄິດວ່າການກິນອາຫານຫວານນັ້ນບໍ່ດີຕໍ່ສຸຂະພາບ, ແຕ່ຄວາມຈິງແລ້ວສາມາດກິນໄດ້ໃນປະລິມານທີ່ເໝາະສົມ ເພາະຮ່າງ ກາຍຍັງຄົງຕ້ອງໃຊ້ນຳ້ຕານເພື່ອໃຊ້ເປັນພະລັງງານໃນການເຮັດກິດຈະກຳຕ່າງໆໃນຊີວິດປະຈຳວັນ ໂດຍອົງການອະນາໄມໂລກແນະນຳປະລິມານທີ່ຕື່ມໃນອາຫານວ່າບໍ່ຄວນເກີນ 10%ຂອງພະລັງງານທີ່ໄດ້ຮັບຕໍ່ມື້.

     ນອກຈາກນຳ້ຕານທີ່ນິຍົມໃສ່ໃນອາຫານ ແລະ ເຄື່ອງດື່ມແລ້ວ ນຳ້ຕານທີ່ມີຢູ່ຕາມທຳມະຊາດຖືເປັນອີກທາງເລືອກໜຶ່ງທີ່ມີປະໂຫຍດຫລາຍກ່ວານຳ້ຕານທີ່ເຕີ່ມເຂົ້າໄປ ເຊັ່ນ : ນຳ້ຕານແລັກໂຕສ ແລະ ມອສໂຕສທີ່ໄດ້ຈາກຜະລິດຕະພັນນົມທີ່ເດັກນ້ອຍດື່ມເປັນປະຈຳທຸກມື້ ເມື່ອເດັກນ້ອຍດື່ມນົມຈະໄດ້ຮັບນຳ້ຕານແລັກໂຕສເຂົ້າສູ່ຮ່າງກາຍ.

     ນອກຈາກນົມທີ່ມີນຳ້ຕານແລັກໂຕສແລ້ວຍັງມີເຄື່ອງດື່ມອີກໜຶ່ງປະເພດຄື ເຄື່ອງດື່ມຊັອກໂກແລັດມັອນ ເຊິ່ງມີນຳ້ຕານມັອນໂຕສທີ່ໄດ້ຈາກມັອລ ເຊິ່ງເກີດຂຶ້ນລະຫ່ວາງການປົ່ງຂອງທັນຍາພືດ ເຊັ່ນ : ເຂົ້າເບລ ເຊິ່ງເປັນນຳ້ຕານທີ່ມີລົດຊາດທີ່ ຫວານໜ້ອຍກ່ວາ ເຮັດໃຫ້ຊ່ວຍຫລຸດພຶດຕິກຳການຕິດລົດຊາດຫວານລົງ ແລະ ເຮັດໃຫ້ໄດ້ຮັບສານອາຫານອື່ນໆທີ່ມາຈາກມັອລນຳ.

ຫລັກການບໍລິໂພກນຳ້ຕານເພື່ອບໍ່ໃຫ້ເປັນໂທດຕໍ່ສຸຂະພາບ - 1 1 - ຫລັກການບໍລິໂພກນຳ້ຕານເພື່ອບໍ່ໃຫ້ເປັນໂທດຕໍ່ສຸຂະພາບ

     ພຽງແຕ່ອ່ານສະຫລາກໂພຊະນາການກ່ອນເລືອກຊື້ຜະລິດຕະພັນກໍຈະຊ່ວຍໃຫ້ເຮົາຮູ້ເຖິງພະລັງງານ ແລະ ສານອາຫານທີ່ມີຢູ່ໃນຜະລິດຕະພັນເຫລົ່ານັ້ນ ລວມເຖິງສ່ວນປະກອບອື່ນໆທີ່ມີຢູ່ໃນຜະລິດຕະພັນນຳ ທັງຍັງຊ່ວຍໃຫ້ຜູ້ທີ່ຢາກຈຳກັດສານອາຫານບາງປະເພດສາມາດເລືອກຜະລິດຕະພັນໄດ້ຢ່າງເໝາະສົມ ເຊັ່ນ ເລືອກຜະລິດຕະພັນທີ່ມີປະລິມານນຳ້ຕານເໝາະສົມ ບໍ່ຫລາຍຈົນເກີນໄປ. ສ່ວນຄວາມໝາຍຂອງຂໍ້ມູນກ່ຽວກັບນຳ້ຕານໃນສະຫລາກນັ້ນ ຖ້າບອກວ່ານຳ້ຕານໜ້ອຍກ່ວາ Less ຫລື Low Sugar ໝາຍເຖິງມີການຫລຸດນຳ້ຕານລົງຢ່າງໜ້ອຍ 25% ຈາກສູດປົກກະຕິ. ສ່ວນບໍ່ມີນຳ້ຕານທີ່ຕື່ມ ຫລື ບໍ່ມີນຳ້ຕານ No Added Sugar / Without Added Sugars or No Sucrose ໝາຍເຖິງບໍ່ມີການ ຕື່ມນຳ້ຕານຂາວລົງໄປໃນອາຫານ ແລະ ເຄື່ອງດື່ມໃນການຜະລິດ, ແຕ່ອາດມີຄວາມຫວານທີ່ເກີດຈາກທຳມະຊາດຂອງອາຫານເຫລົ່ານັ້ນ.