6 ເລື່ອງຕ້ອງລະວັງສຳລັບທ່ານໃດທີ່ມັກເຊືອບຫລັບ
– ເຊືອບຫລັບດົນເກີນໄປ : ການເຊືອບຫລັກປະມານ 1 ຊົ່ວໂມງນັ້ນ ຫລາຍຄົນອາດຄິດວ່າດີ, ແຕ່ຄວາມຈິງແລ້ວການເຊືອບຫລັບທີ່ດີທີ່ສຸດ ແມ່ນ 30 ນາທີເທົ່ານັ້ນ ຖ້າເກີນນີ້ຈະເຂົ້າໄປສູ່ການຫລັບເລິກ ແລະ ຕື່ນມາງ່ວງຊຶງແທນທີ່ຈະສົດຊື່ນ.
– ເຊືອບຜິດເວລາ :ຊ່ວງເວລາທີ່ເໝາະສົມແກ່ການເຊືອບຫລັບແມ່ນຊ່ວງແລງ ຫລື ຊ່ວງບ່າຍ 2 – 3 ໂມງແລງ ເຊິ່ງການເຊືອບຫລັບທີ່ຖືກຕ້ອງຈະຊ່ວຍບໍ່ໃຫ້ທ່ານເກີດອາການນອນບໍ່ຫລັບໃນຕອນກາງຄືນ ເຊິ່ງຖ້າເປັນແນວນັ້ນ ແນ່ນອນວ່າຕອນເຊົ້າທ່ານຈະຕື່ນສວາຍ ແລະ ຊ່ວງເວລາຂອງການນອນໃນແຕ່ລະມື້ຂອງທ່ານຈະປ່ຽນແປງ ເຄີຍຕື່ນສວາຍແນວໃດ ກໍຈະຕື່ນສວາຍ ແນວນັ້ນຕະຫລອດ.
– ເຊືອບຫລັບຕະຫລອດເວລາທີ່ຕ້ອງການ : ຄວາມຈິງແລ້ວການນອນຄວນຈະເຮັດໃຫ້ເປັນເວລາ ເພາະວ່າສະໝອງຂອງເຮົາຈະຈື່ວ່າເຮົານອນຊ່ວງເວລາໃດ ນັ້ນແມ່ນເຫດຜົນທີ່ວ່າ ເມື່ອເຖິງເວລານອນແລ້ວເຮົາຈະເຫງົານອນ ເປັນຍ້ອນເຮົາຈື່ຊ່ວງເວລາທີ່ເຮົາເຮັດຢູ່ເປັນປະຈຳ, ແຕ່ຖ້າເຮົານອນບໍ່ເປັນເວລາ ຢາກນອນຕອນໃດກໍນອນແບບນີ້ ສະໝອງກໍຈະສັບສົນ ແລະ ເກີດອາການນອນບໍ່ຫລັບຂຶ້ນໃນໄລຍະຍາວ ເຊິ່ງບໍ່ດີຕໍ່ສຸຂະພາບແນ່ນອນ.
– ເຊືອບຫລັບຢູ່ບ່ອນທີ່ມີສຽງດັງ ສະພາບແວດລ້ອມອ້ອມຂ້າງມີຜົນກັບການເຊືອບຫລັບ ທ່ານຄວນຈະເລືອກສະຖານທີ່ໃນການເຊືອບຫລັບ, ລົມເຢັນສະບາຍ ທີ່ເໝາະສົມກັບການແອນໂຕເຊືອບຫລັບໃນເວລານັ້ນໄດ້ ພ້ອມກັບຜ້າຫົ່ມຜືນຮັກ ຖ້າມີກິ່ນລາເວັນເດີຫອມໆມາຊ່ວຍກ່ອມຈະຍິ່ງດີຫລາຍ.
ດັ່ງທີ່ກ່າວມາແລ້ວວ່າ ການເຊືອບຫລັບທີ່ດີແມ່ນ 30 ນາທີກໍພໍ ຖ້າເກີນກ່ວານັ້ນອາດຈະບໍ່ດີແລ້ວ ເມື່ອຄົບກຳນົດເວລາແທນການເລື່ອນໂມງປຸກເພື່ອນອນຕໍ່ ຄວນຈະລຸກຂຶ້ນໄປຍ່າງບິດຄີງໄປມາເພື່ອເອີ້ນຄວາມສົດຊື່ນ ຫລື ອອກໄປຮັບແສງແດດແດ່ຈັກໜ້ອຍ ແລ້ວຈຶ່ງກັບມາເຮັດພາລະກິດອື່ນຕໍ່ ແບບນີ້ຈະຊ່ວຍໃຫ້ສົດຊື່ນຂຶ້ນໄດ້.
– ພະຍາຍາມກ່ອມໃຫ້ໂຕເອງຫລັບ : ບາງເທື່ອເຮົາກະວ່າຈະເຊືອບຫລັບຈັກໜ້ອຍ ແຕ່ກໍບໍ່ຫລັບ ຫລາຍຄົນຈຶ່ງຢາກຈະເຮັດໃຫ້ໂຕເອງຫລັບໂດຍການຫາເພງກ່ອມປະສາດ ຫລື ອັນໃດກໍຕາມ ເຊິ່ງບໍ່ຄວນເຮັດ ຖ້າຢາກເຊືອບຫລັບແຕ່ບໍ່ຫລັບ ທ່ານພຽງແຕ່ນອນຫລັບຕາ ແລະເຮັດໂຕເອງໃຫ້ຮູ້ສຶກຜ່ອນຄາຍຫລາຍທີ່ສຸດໃນເວລານັ້ນກໍພຽງພໍ.
