ຍ້ອນ​ຫຍັງ​ຄົນ​ລາວ​ຈຳນວນ​ໜຶ່ງ ຈຶ່ງ​ນິຍົມ​ໄປ​ປິ່ນປົວ​ສຸຂະພາບ​ຢູ່​ຕ່າງປະ​ເທດ

ຍ້ອນ​ຫຍັງ​ຄົນ​ລາວ​ຈຳນວນ​ໜຶ່ງ ຈຶ່ງ​ນິຍົມ​ໄປ​ປິ່ນປົວ​ສຸຂະພາບ​ຢູ່​ຕ່າງປະ​ເທດ - advert banner 728 90 728x90 - ຍ້ອນ​ຫຍັງ​ຄົນ​ລາວ​ຈຳນວນ​ໜຶ່ງ ຈຶ່ງ​ນິຍົມ​ໄປ​ປິ່ນປົວ​ສຸຂະພາບ​ຢູ່​ຕ່າງປະ​ເທດ

ໂດຍ: ລູກ​ເມືອງ​ພວນ

ຍ້ອນ​ຫຍັງ​ຄົນ​ລາວ​ຈຳນວນ​ໜຶ່ງ ຈຶ່ງ​ນິຍົມ​ໄປ​ປິ່ນປົວ​ສຸຂະພາບ​ຢູ່​ຕ່າງປະ​ເທດ - lattana 1 - ຍ້ອນ​ຫຍັງ​ຄົນ​ລາວ​ຈຳນວນ​ໜຶ່ງ ຈຶ່ງ​ນິຍົມ​ໄປ​ປິ່ນປົວ​ສຸຂະພາບ​ຢູ່​ຕ່າງປະ​ເທດ

ສະບາຍດີ, ເພື່ອນຜູ້ອ່ານທີ່ຮັກແພງ, ໃຜໆກໍອາດຈະຖືສຸຂະພາບເປັນບັນຫາສຳ ຄັນ, ສຳລັບຊີວິດຂອງຕົນຖ້າ ມີສຸຂະພາບແຂງແຮງດີພະລັງຈິດກໍຈະເຂັ້ມແຂງເຊັ່ນກັນ ແລະ ທັງແມ່ນ ຄວາມປາດຖະໜາຂອງທຸກໆ ຄົນກໍດັ່ງຄຳຄົມ ທີ່ວ່າ: “ມີເງິນແສນເງິນລ້ານກໍບໍ່ມີຄວາມໝາຍຖ້າຮ່າງກາຍບໍ່ ແຂງແຮງ”.

ອັນນີ້ແມ່ນຄວາມຈິງແທ້ໆ, ດັ່ງນັ້ນ, ການຮັກສາສຸຂະພາບຈິ່ງກາຍເປັນເລື່ອງໃຫຍ່ຂອງທຸກຄົນ. ໃຜໆກໍຊອກຫາແຕ່ໝໍທີ່ເກັ່ງ, ທີ່ດີມີຈັນຍາບັນ, ມີຈັນຍາທຳ, ມີຢຸກຢາທານັງທີ່ມີຄຸນນະພາບ.

ດັ່ງນັ້ນຈິ່ງກໍ່ໃຫ້ເກີດມີແນວຄິດນິຍົມກັນໄປປິ່ນປົວ ຢູ່ຕ່າງປະເທດແຕ່ໃນຄວາມ ເປັນຈິງແລ້ວ, ຢູ່ລາວກໍມີ ທ່ານໝໍດີ, ທ່ານໝໍເກັ່ງ, ມີຢຸກຢາທານັງທີ່ມີສັບພະຄຸນຢ່າງຫລວງຫລາຍບໍ່ຫລຸດລື່ນກັບຕ່າງຊາດປານໃດ,  ຖ້າເພິ່ນລື່ນເຮົາກໍອາດຈະເປັນດ້ານເທັກໂນໂລຢີທີ່ທັນສະໄໝ  ແລະ ລ້ຳໜ້າເທົ່ານັ້ນ.

ແຕ່ປັດໄຈສຳຄັນທີ່ສຸດ ແມ່ນດ້ານຈິດໃຈເມື່ອສອບຖາມເບິ່ງຫລາຍຄົນ, ກໍໄດ້ ຄຳຕອບໄປໃນທິດທາງດຽວກັນວ່າ: ໄປປົວຢູ່ຕ່າງປະເທດຖ້າ ເວົ້າທາງດ້ານວິຊາການແມ່ນ ມີຄວາມແນ່ນອນກວ່າ, ບົ່ງມະຕິພະຍາດຖືກຕ້ອງຈະແຈ້ງກວ່າ, ການໃຫ້ການບໍລິ ການ ແລະ ຄວາມສະດວກ ຕ່າງໆ ກໍດີກວ່າ, ວ່ອງໄວກວ່າ ແລະ ມີຄວາມປະທັບໃຈ ກວ່າພວກເຮົາ.

ຮັບໃຊ້ ແລະ ການບໍລິການຂອງເພິ່ນແມ່ນດີຫລາຍ, ວ່ອງໄວທັນໃຈ, ບໍ່ມີການຈຳແນກຊົນຊັ້ນວັນນະ, ຜູ້ທຸກ,  ຜູ້ຮັ່ງ, ຜູ້ໃຫຍ່, ຜູ້ນ້ອຍ, ຜູ້ຕ່ຳຜູ້ສູງ.

ຂໍພຽງມີຄວາມອາດສາມາດທາງດາ້ນການເງິນເພື່ອ ໃຊ້ການບໍລິການຂອງເຂົາ ເຈົ້າ. ເວົ້າແບບນີ້ຈະຫາວ່າ ດູຖູກໝິ່ນປະໝາດຊາດຕົນເອງດອກ ແລະ ຜູ້ຂຽນບໍ່ ໄດ້ມີເຈດຕະນາແບບນັນຂຶ້ນ ມາກໍເພື່ອຢາກໃຫ້ເຫັນເພິ່ນ ເຫັນເຮົາເພື່ອຖອດຖອນສິ່ງ ທີ່ດີຂອງ ເພິ່ນແລ້ວຮ່ຳຮຽນ ເອົາ, ປັບປຸງທັດສະນະຄະຕິ, ຈິດໃຈຮັບໃຊ້ປະຊາຊົນ, ໃຫ້ ການບໍລິການປະຊາຊົນ, ທ່າທີກິລິຍາມາລະຍາດ, ການ ປາກເວົ້ານິ້ມນວນອ່ອນ ຫວານຂອງແພດໝໍຂອງ ພວກເຮົາ.

ຍ້ອນ​ຫຍັງ​ຄົນ​ລາວ​ຈຳນວນ​ໜຶ່ງ ຈຶ່ງ​ນິຍົມ​ໄປ​ປິ່ນປົວ​ສຸຂະພາບ​ຢູ່​ຕ່າງປະ​ເທດ - 1 1 - ຍ້ອນ​ຫຍັງ​ຄົນ​ລາວ​ຈຳນວນ​ໜຶ່ງ ຈຶ່ງ​ນິຍົມ​ໄປ​ປິ່ນປົວ​ສຸຂະພາບ​ຢູ່​ຕ່າງປະ​ເທດ
ຍ້ອນ​ຫຍັງ​ຄົນ​ລາວ​ຈຳນວນ​ໜຶ່ງ ຈຶ່ງ​ນິຍົມ​ໄປ​ປິ່ນປົວ​ສຸຂະພາບ​ຢູ່​ຕ່າງປະ​ເທດ - Tiger Head 728x90 - ຍ້ອນ​ຫຍັງ​ຄົນ​ລາວ​ຈຳນວນ​ໜຶ່ງ ຈຶ່ງ​ນິຍົມ​ໄປ​ປິ່ນປົວ​ສຸຂະພາບ​ຢູ່​ຕ່າງປະ​ເທດ

ຂ້າພະເຈົ້າຄິດວ່າ: ບັນດາປັດໄຈ  ດັ່ງກ່າວນັ້ນແຫລະອາດຈະເປັນສາຍເຫດ ໃຫ້ຄົນລາວຈຳນວນ ໜຶ່ງທີ່ມີຄວາມພ້ອມເຫີ່ກັນໄປປິ່ນປົວສຸຂະພາບຢູ່ໂຮງໝໍຂອງ ປະເທດເພື່ອນບ້ານນັບມື້ນັບຫລາຍຂຶ້ນ, ອັນເປັນການສູນເສຍເງິນຕາຢ່າງຫລວງຫລາຍໃຫ້ຕ່າງປະເທດ.

ເຊິ່ງເຖິງເວລາແລ້ວທີ່ ພວກເຮົາຄວນຈະຖອດຖອນ ບົດຮຽນ ແລະ ປັບປຸງຕົນ ເອງໃຫ້ດີຂຶ້ນເທື່ອລະກ້າວ. ເຊິ່ງກ່ອນອື່ນໝົດຕ້ອງປັບທັດສະນະຄະຕິ, ຄຸນສົມບັດສິນທຳປະຕິວັດຂອງແພດໝໍ ເຮົາໃຫ້ດີຂຶ້ນໂດຍສະເພາະແມ່ນກິລິຍາມາລະຍາດ ແລະ ການປາກເວົ້າ, ກ້າວໄປເຖິງແບບແຜນວິທີເຮັດວຽກໃຫ້ ວ່ອງໄວທັນໃຈ, ຮູ້ໃຫ້ກຳລັງໃຈແກ່ຄົນເຈັບ, ໃຫ້ຄວາມຮັກຄວາມແພງຊ່ວຍເຫລືອ ເຊິ່ງກັນ ແລະ ກັນອັນນີ້ແມ່ນ ທັດສະນະຂອງພັກເຮົາ,  ພ້ອມນັ້ນເບື້ອງມະຫາພາກ ກໍຕ້ອງໄດ້ເບິ່ງຄືນກົນໄກບໍລິຫານຂອງຕົນມາສອດຄ່ອງ ແລ້ວບໍ່? ຖ້າຍັງເຫັນບໍ່ຄັກແນກະຕ້ອງໄດ້ປັບປຸງແກ້ໄຂ ຕື່ມເພື່ອໃຫ້ສາທາລະນາສຸກເຮົາເປັນທີ່ເພິ່ງ ແລະ ບ່ອນໄວ້ ເນື້ອເຊື່ອໃຈຂອງປະຊາຊົນຢ່າງແທ້ຈິງ./.

ຍ້ອນ​ຫຍັງ​ຄົນ​ລາວ​ຈຳນວນ​ໜຶ່ງ ຈຶ່ງ​ນິຍົມ​ໄປ​ປິ່ນປົວ​ສຸຂະພາບ​ຢູ່​ຕ່າງປະ​ເທດ - 5567747 - ຍ້ອນ​ຫຍັງ​ຄົນ​ລາວ​ຈຳນວນ​ໜຶ່ງ ຈຶ່ງ​ນິຍົມ​ໄປ​ປິ່ນປົວ​ສຸຂະພາບ​ຢູ່​ຕ່າງປະ​ເທດ
(ພາບປະກອບ)
error: Content is protected !!