ໂມຊຳບິກພົບຜູ້ເສຍຊີວິດຄົນທຳອິດ ຈາກອະຫິວານັບແຕ່ພາຍຸພັດຖະຫລົ່ມ

ໂມຊຳບິກພົບຜູ້ເສຍຊີວິດຄົນທຳອິດ ຈາກອະຫິວານັບແຕ່ພາຍຸພັດຖະຫລົ່ມ - advert banner 728 90 728x90 - ໂມຊຳບິກພົບຜູ້ເສຍຊີວິດຄົນທຳອິດ ຈາກອະຫິວານັບແຕ່ພາຍຸພັດຖະຫລົ່ມ

      ລັດຖະບານ​ໂມ​ຊຳ​ບິ​ກລາຍ​ງານ​ການ​ພົບ​ຜູ້​ເສຍ​ຊີວິດ​ຄົນ​ທຳ​ອິດ​ຢ່າງ​ເປັນ​ທາງ​ການ​ຈາກ​ພະຍາດ​ອະຫິວາທີ່​ເປັນ​ຜົນ​ມາ​ຈາກ​ພາຍຸ​ໄຊ​ໂຄນ​ໄອ​ດາຍ ​ເຊິ່ງພັດ​ຖະຫລົ່ມ​ໃນ​ກາງ​ເດືອນ​ຜ່ານ​ມາ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ຈຳນວນ​ຫລາຍ ​ແລະ ​ເກີດ​ພະຍາດ​ລະບາດ​ຕາມ​ມາ.

ໂມຊຳບິກພົບຜູ້ເສຍຊີວິດຄົນທຳອິດ ຈາກອະຫິວານັບແຕ່ພາຍຸພັດຖະຫລົ່ມ - new3 - ໂມຊຳບິກພົບຜູ້ເສຍຊີວິດຄົນທຳອິດ ຈາກອະຫິວານັບແຕ່ພາຍຸພັດຖະຫລົ່ມ

       ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກະຊວງ​ສາທາລະນະ​ສຸກ​ຂອງ​ໂມ​ຊຳ​ບິ​ກລາຍ​ງານ​ໃນ​ວັນ​ທີ 31 ມີນາ​ຜ່ານ​ມາ ​ເລື່ອງ​ການ​ພົບ​ຜູ້​ເສຍ​ຊີວິດ​ຄົນ​ທຳ​ອິດ​ຈາກ​ພະຍາດ​ອະຫິວາ ຢູ່​ເມືອງ​ເບຣາ ທາງ​ຕອນ​ກາງຂອງ​ປະ​ເທດ ​ເຊິ່ງ​ເປັນ​ພື້ນທີ່​ໄດ້​ຮັບ​ຄວາມ​ເສຍ​ຫາຍ​ຫລາຍ​ທີ່​ສຸດ​ຈາກ​ອິດ​ທິພົນ​ຂອງ​ພາຍຸ​ໄຊ​ໂຄນ​ໄອ​ດາຍ (Idai) ​ເຊິ່ງສ້າງ​ຄວາມ​ເສຍ​ຫາຍ​ຢ່າງ​ໜັ​ກ​ໃຫ້​ແກ່​ໂມ​ຊຳ​ບິ​ກ ​ແລະ ປະ​ເທດ​​ໃກ້​ຄຽງ ຄື​ຊິ​ມບຳ​ເວ​ ​ແລະ ມາລາ​ວີ ​ໃນ​ກາງ​ເດືອນ​ມີນາ​ຜ່ານ​ມາ ​ໂດຍ​ຈຳນວນ​ຜູ້​ເສຍ​ຊີວິດ​ລວມທັງ​ສາມ​ປະ​ເທດ​ມີ​ທ່າ​ອ່ຽງ​ເຖິງ 1.000 ຄົນ ຫລື ອາດ​ຫລາຍ​ກວ່າ​ນັ້ນ.

     ທັງ​ນີ້ ລາຍ​ງານ​ລະບຸ​ວ່າ: ຈຳນວນ​ຜູ້​ປ່ວຍ​ຈາກ​ພະຍາດ​ອະຫິວາ ​ໂດຍ​ສະ​ເພາະ​ຢູ່​ຊິ​ມບຳ​ເວ​ເພີ່ມ​ຂຶ້ນຫລາຍ​ກວ່າ 2 ​ເທົ່າ ຈາກ 217 ຄົນ​ໃນ​ວັນ​ທີ 30 ມີນາ​ຜ່ານ​ມາ ​ເປັນ​ຢ່າງ​ໜ້ອຍ 517 ຄົນ​ໃນ​ວັນ​ທີ 31 ມີນາ​ຜ່ານ​ມາ ​ແລະ ທຸກ​ຝ່າຍ​ທີ່​ກ່ຽວຂ້ອງ​ເຊື່ອ​ວ່າ​ຈຳນວນ​ຜູ້​ຕິດ​ເຊື້ອຈະ​ເພີ່ມ​ຂຶ້ນອີກ.

ໂມຊຳບິກພົບຜູ້ເສຍຊີວິດຄົນທຳອິດ ຈາກອະຫິວານັບແຕ່ພາຍຸພັດຖະຫລົ່ມ - lattana 1 - ໂມຊຳບິກພົບຜູ້ເສຍຊີວິດຄົນທຳອິດ ຈາກອະຫິວານັບແຕ່ພາຍຸພັດຖະຫລົ່ມ

      ອົງການ​ອະນາ​ໄມ​ໂລກ (WHO) ຢືນຢັນ​ວ່າ: ວັກ​ແຊັງ​ປ້ອງ​ກັນ​ພະຍາດ​ອະຫິວາ​ຊຸດ​ທຳ​ອິດ​ຈຳນວນ 900.000 ​ໂດ​ສ ຈະ​ເດີນທາງ​ເຖິງ​ໂມ​ຊຳ​ບິ​ກ​ໃນຕົ້ນອາທິດ​ນີ້ ​ແລະ ​ເຈົ້າໜ້າ​ທີ່​ຈະ​ລົງພື້ນທີ່​ແຈກ​ຢາຍ​ທັນທີ, ສ່ວນ​ອົງການ​ແພດ​ໄຮ້​ພົມ​ແດນ (MSF) ​ເລັ່ງສົ່ງ​ວັກ​ແຊັງ ພ້ອມ​ເຈົ້າໜ້າ​ທີ່​ມາ​ສົມທົບ. ນອກຈາກ​ນີ້ ຍັງ​ຮ່ວມ​ມື​ໃນ​ການ​ສ້າງ​ສູນ​ຊົ່ວ​ຄາວ​ຮ່ວມ​ກັບ​ສະຫະ​ປະຊາ​ຊາດ (UN) ນຳ​ອີກ.

error: Content is protected !!