ທ່ານ ຮຸນເຊນ ອອກມາດຕະການຮັບມື EU ຖອດສິດພິເສດການຄ້າ

ທ່ານ ຮຸນເຊນ ອອກມາດຕະການຮັບມື eu ຖອດສິດພິເສດການຄ້າ - advert banner 728 90 728x90 - ທ່ານ ຮຸນເຊນ ອອກມາດຕະການຮັບມື EU ຖອດສິດພິເສດການຄ້າ

      ທ່ານ ຮຸນ​ເຊ​ນ ນາຍົກລັດຖະມົນຕີກຳປູ​ເຈຍ ປະກາດ​ມາດ​ຕະການ​ຕ່າງໆ​ເພື່ອ​ສົ່ງ​ເສີມ​ຄວາມ​ເຂັ້ມ​ແຂງ​ທາງ​ເສດຖະກິດ ​ແລະ ສະໜັບສະໜູນ​ຜູ້​ສົ່ງ​ອອກ​ທ້ອງ​ຖິ່ນ ​ເນື່ອງ​ຈາກ​ມີ​ຄວາມ​ເປັນ​ໄປ​ໄດ້​ທີ່​ສະຫະພາບ​ເອີຣົບ (EU) ຈະ​ຍົກ​ເລີກ​ສິດ​ພິ​ເສດ​ທາງ​ການ​ຄ້າ.

      ສຳນັກ​ຂ່າວ​ຊິນ​ຮົວລາຍ​ງານ​ວ່າ: EU ​ເລີ່​ມຂະ​ບວນການ​ພິຈາລະນາ​ຍົກ​ເລີກ​ສິດ​ພິ​ເສດ​ທາງ​ການ​ຄ້າ​ຕໍ່​ກຳປູ​ເຈຍ​ໃນ​ເດືອນ​ກຸມພາ​ຜ່ານ​ມາ ​ແລະ ການ​ຍົກ​ເລີກ​ດັ່ງກ່າວ​ຈະ​ແກ່ຍາວ​ເວລາ 18 ​ເດືອນ ​ເຊິ່ງຈະ​ສິ້ນສຸດ​ໃນ​ເດືອນ​ສິງຫາ 2020 ​ແລະ ອາດ​ນຳ​ໄປ​ສູ່​ການ​ໂຈະ​ສິດ​ພິ​ເສດ​ທີ່​ກຳປູ​ເຈຍ​ສາມາດ​ສົ່ງ​ອອກ​ສິນຄ້າ​ໄປ EU ​ໄດ້​ທຸກ​ຢ່າງ​ໂດຍ​ບໍ່​ຖືກ​ຮຽກ​ເກັບ​ພາສີ​ນຳ​ເຂົ້າ, ຍົກ​ເວັ້ນອາວຸດ ​ເນື່ອງ​ຈາກ​ຄວາມ​ບໍ່ພໍ​ໃຈ​ໃນ​ບັນຫາ​ປະຫວັດດ້ານ​ສິດທິ​ມະນຸດ, ສິດທິ​ຂອງ​ແຮງ​ງານ ​ແລະ ການ​ດຳ​ເນີນ​ງານ​ດ້ານ​ປະຊາທິປະ​ໄຕ.

       ທ່ານ ຮຸນ​ເຊ​ນ ກ່າວ​ເຖິງ​ມາດ​ຕະການ​ຕ່າງໆ​ໃນ​ລະຫວ່າງ​ກອງ​ປະຊຸມ​ລັດຖະບານ-​ເອກະ​ຊົນ ຄັ້ງທີ 18 ​ເຊິ່ງລວມທັງ​ການ​ຍົກ​ເລີກ​ຄ່າ​ທຳນຽມ​ໃບຮັບ​ຮອງ​ແຫ​ລ່ງກຳ​ເນີ​ດສິນຄ້າ, ຍົກ​ເລີກ​ເຈົ້າໜ້າ​ທີ່​ກົມ​ກວດ​ສອບ​ການ​ນຳ​ເຂົ້າ-ສົ່ງ​ອອກ ​ແລະ ຄວບ​ຄຸມ​ການ​ສໍ້​ໂກງ​ຂອງ​ກຳ​ປູ​ເຈຍຢູ່​ຈຸດ​ຜ່ານ​ແດນ​ຖາວອນ​ທຸກ​ຈຸດ ​ແລະ ຍົກ​ເລີກ​ຕົວ​ແທນ​ກຳ​ປັ່ນ​ສຳລັບ​ສິນຄ້າ​ຂົນ​ສົ່ງ​ທາງ​ທະ​ເລ ​ເຊິ່ງມີ​ລັດຖະບານ​ເປັນ​ເຈົ້າຂອງ​ຈາກ​ທ່າ​ກຳ​ປັ່ນ​ທຸກ​ແຫ່ງ.

ທ່ານ ຮຸນເຊນ ອອກມາດຕະການຮັບມື eu ຖອດສິດພິເສດການຄ້າ - 1 1 - ທ່ານ ຮຸນເຊນ ອອກມາດຕະການຮັບມື EU ຖອດສິດພິເສດການຄ້າ
ທ່ານ ຮຸນເຊນ ອອກມາດຕະການຮັບມື eu ຖອດສິດພິເສດການຄ້າ - lattana 1 - ທ່ານ ຮຸນເຊນ ອອກມາດຕະການຮັບມື EU ຖອດສິດພິເສດການຄ້າ

       ນອກຈາກ​ນີ້ ຍັງ​ຫລຸດ​ຄ່າ​ທຳນຽມ​ໂລ​ຈິ​ສຕິກ, ຫລຸດ​ຄ່າ​ທຳ​ນຽມ​ການກວດ​ສອບ​ຕູ້​ສິນຄ້າ​ດ້ວຍ​ເຄື່ອງ​ສະ​ແກນ ​ແລະ ຫລຸດ​ຄ່າ​ທຳນຽມ​ການຈ້ຳກາ​ເອກະສານ​ພາສີ-ອາກອນ.

error: Content is protected !!