ປະທານສູນກາງແນວລາວສ້າງຊາດແນະນໍາໃຫ້ສະພາທະນາຍຄວາມເອົາໃຈໃສ່ຫລາຍບັນຫາ

ປະທານສູນກາງແນວລາວສ້າງຊາດແນະນໍາໃຫ້ສະພາທະນາຍຄວາມເອົາໃຈໃສ່ຫລາຍບັນຫາ - advert banner 728 90 728x90 - ປະທານສູນກາງແນວລາວສ້າງຊາດແນະນໍາໃຫ້ສະພາທະນາຍຄວາມເອົາໃຈໃສ່ຫລາຍບັນຫາ

ກອງປະຊຸມສະຫຼຸບວຽກງານປະຈໍາປີ 2018 ຂອງສະພາທະນາຍຄວາມ ທີ່ໄດ້ຈັດຂຶ້ນໃນວັນທີ 29 ມີນານີ້, ຢູ່ຫໍປະຊຸມແຫ່ງຊາດ, ໂດຍການເປັນປະທານຂອງທ່ານ ຄໍາໃສ ສຸລິນທອນ ປະທານຄະນະບໍລິຫານງານສະພາທະນາຍຄວາມລາວ ແລະ ໃຫ້ກຽດເຂົ້າຮ່ວມຂອງທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ.

ປະທານສູນກາງແນວລາວສ້າງຊາດແນະນໍາໃຫ້ສະພາທະນາຍຄວາມເອົາໃຈໃສ່ຫລາຍບັນຫາ - new3 - ປະທານສູນກາງແນວລາວສ້າງຊາດແນະນໍາໃຫ້ສະພາທະນາຍຄວາມເອົາໃຈໃສ່ຫລາຍບັນຫາ

ໃນໂອກາດດັ່ງກ່າວ, ທ່ານ ໄຊສົມພອນ ພົມວິຫານ ໄດ້ສະໜີໃຫ້ສະພາທະນາຍຄວາມເອົາໃຈໃສ່ຫລາຍບັນຫາ ເປັນຕົ້ນແມ່ນຕ້ອງກໍາແຫນ້ນວ່າ: ປີ 2019 ແມ່ນປີທີ 4 ຂອງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ VIII ແລະ ຂະແໜງຍຸຕິທໍາ ກໍແມ່ນການຫັນເຂົ້າສູ່ການຈັດຕັ້ງປະຕິບັດວິໄສທັດຮອດປີ 2030, ຍຸດທະສາດ ຮອດປີ 2025 ແລະ ແຜນພັດທະນາວຽກງານຍຸຕິທໍາ 5 ປີຂອງຕົນໃຫ້ປະສົບຜົນສໍາເລັດ, ດັ່ງນັ້ນຕ້ອງກໍາແຫນ້ນວ່າ: ການວາງວິໄສທັດ ແລະ ແນວຄວາມຄິດ ເພື່ອຈະກໍານົດທິດທາງ ຄາດໝາຍສູ້ຊົນຕ່າງໆໃຫ້ລະອຽດແຕ່ລະດ້ານ ຕາມທິດທາງລວມ ແລະ ເປົ້າໝາຍສູ້ຊົນ, ອັນນີ້ແມ່ນມີຄວາມສໍາຄັນຫລາຍ ແລະ ກໍແມ່ນຄວາມຮຽກຮ້ອງຕ້ອງການຂອງການພັດທະນາປະເທດຊາດເພື່ອຈະບືນຕົວໃຫ້ຫຼຸດພົ້ນອອກຈາກຄວາມທຸກຍາກຫຼ້າຫຼັງ ແລະ ຄວາມດ້ອຍພັດທະນາໃນທຸກດ້ານ, ນັບທັງຄວາມທຸກຍາກດ້ານກົດຫມາຍ ແລະ ວຽກງານຍຸຕິທໍາ. ພ້ອມທັງຍົກສູງຄຸນນະພາບຂອງການຈັດຕັ້ງ ແລະ ການເຄື່ອນໄຫວຂອງສະພາທະນາຍຄວາມໃຫ້ສູງຂຶ້ນ, ຊຶ່ງກ່ອນອື່ນໝົດແມ່ນຈະຕ້ອງເລີ່ມຈາກຄຸນນະພາບຂອງການນໍາພາຂອງໜ່ວຍພັກ ແລະ ຄວາມເປັນແບບຢ່າງໃນທຸກດ້ານຂອງສະມາຊິກພັກ, ຄຸນນະພາບ ແລະ ຄວາມເປັນເຈົ້າການຂອງຄະນະປະຈໍາ, ຄະນະບໍລິຫານງານ ແລະ ສະມາຊິກສະພາທະນາຍຄວາມທຸກໆຄົນ ໃຫ້ສູງຂຶ້ນທຽບທັນກັບຄວາມຮຽກຮ້ອງຕ້ອງການຂອງໄລຍະໃຫມ່. ເອົາໃຈໃສ່ເພີ່ມຄວາມມີສະຕິຕໍ່ການຈັດຕັ້ງ ແລະ ການປະຕິບັດກົດໝາຍ, ລະບຽບການພາຍໃນໃຫ້ເຂັ້ມງວດ ແລະ ມີຈັນຍາບັນທີ່ດີ ເພື່ອຮັບໃຊ້ສັງຄົມ, ປະຊາຊົນບັນດາເຜົ່າ ເພື່ອເຮັດໃຫ້ປະກົດການຫຍໍ້ທໍ້ໃນສັງຄົມຫຼຸດຫນ້ອຍຖອຍລົງ; ເບິ່ງຄືນ ແລະ ຊອກຫາວິທີການແກ້ໄຂ ການເຮັດວຽກງານການເມືອງ-ແນວຄິດ, ໃນປັດຈຸບັນຖັນແຖວທະນາຍຄວາມເພີ່ມຂຶ້ນທາງດ້ານຈໍານວນ ຊຶ່ງສ່ວນໃຫຍ່ກໍແມ່ນນັກກົດຫມາຍທີ່ໜຸ່ມນ້ອຍ, ຍັງບໍ່ທັນໄດ້ຜ່ານພຶດຕິກໍາໃນການເຮັດວຽກງານຕົວຈິງຫລາຍພໍປານໃດ, ລະດັບການກໍາແໜ້ນທິດສະດີປະຕິວັດ ແລະ ແນວທາງການເມືອງຂອງພັກຍັງບໍ່ທັນແໜ້ນ ແລະ ເລິກເຊິ່ງ. ຊຶ່ງແມ່ນກົກຂອງບັນຫາທີ່ເປັນສາເຫດພາໃຫ້ຄຸນນະພາບໃນການເຄື່ອນໄຫວຂອງສະພາທະນາຍຄວາມ ແລະ ຂອງທະນາຍຄວາມເຮົາບໍ່ທັນສູງເທົ່າທີ່ຄວນ; ຜ່ານມາທະນາຍຄວາມຈໍານວນຫນຶ່ງມີລະດັບວິຊາສະເພາະດ້ານກົດໝາຍສູງ ມີຫລາຍຄົນຮຽນຈົບມາຈາກຕ່າງປະເທດ, ແຕ່ລະດັບການເມືອງ, ລະດັບທິດສະດີຊໍ້າພັດຍັງຈໍາກັດ, ບໍ່ທັນໄດ້ຮັບການຝຶກຝົນຫລໍ່ຫລອມໃນຂະບວນການຫລາຍພໍປານໃດ. ສະນັ້ນ, ເວລາຫັນໄປສູ່ການເຄື່ອນໄຫວຕົວຈິງມັກເກີດປາກົດການເຮັດວຽກແບບອັດຕະວິໄສໃນຕົວ, ນໍາໃຊ້ກົດໝາຍແບບຕາຍໂຕແຂງກະດ້າງ ດັ່ງນັ້ນການ ເອົາໃຈໃສ່ວຽກງານສຶກສາອົບຮົມການເມືອງແນວຄິດໃຫ້ແຂງແຮງ, ເລິກເຊິ່ງກວ່າເກົ່າ ແລະ ໃຫ້ຕິດພັນກັບຂະບວນການຕົວຈິງຂອງມະຫາຊົນ ເພື່ອບໍ່ໃຫ້ເກີດມີປາກົດຫຍໍ້ທໍ້ເກີດຂຶ້ນຢູ່ໃນສະພາທະນາຍຄວາມພວກເຮົາ.

ປະທານສູນກາງແນວລາວສ້າງຊາດແນະນໍາໃຫ້ສະພາທະນາຍຄວາມເອົາໃຈໃສ່ຫລາຍບັນຫາ - lattana 1 - ປະທານສູນກາງແນວລາວສ້າງຊາດແນະນໍາໃຫ້ສະພາທະນາຍຄວາມເອົາໃຈໃສ່ຫລາຍບັນຫາ
error: Content is protected !!