ລາວຍາດໄດ້ 2 ຫຼຽນຄໍາ ໃນງານກິລາສະເປໂຊໂອແລມປິກສາກົນ ທີ່ສະຫະລັດ ອາຣັບເອມິເຣດ

ລາວຍາດໄດ້ 2 ຫຼຽນຄໍາ ໃນງານກິລາສະເປໂຊໂອແລມປິກສາກົນ ທີ່ສະຫະລັດ ອາຣັບເອມິເຣດ - advert banner 728 90 728x90 - ລາວຍາດໄດ້ 2 ຫຼຽນຄໍາ ໃນງານກິລາສະເປໂຊໂອແລມປິກສາກົນ ທີ່ສະຫະລັດ ອາຣັບເອມິເຣດ

       ເພື່ອເປັນການຕ້ອນຮັບ ແລະ ຍ້ອງຍໍຊົມເຊີຍຄະນະນັກກິລາທີ່ໄປສ້າງຊື່ສຽງໃຫ້ປະເທດລາວຈາກຜົນງານຍາດມາໄດ້ 2 ຫຼຽນຄຳ 1 ຫຼຽນເງິນ 1 ຫຼຽນທອງ ໃນການເຂົ້າຮ່ວມແຂ່ງຂັນກິລາສະເປໂຊໂອແລມປິກສາກົນ (ຄົນພິການທາງສະໝອງ) ທີ່ນະຄອນຫຼວງອາບູດາບີ ປະເທດສະຫະລັດ ອາຣັບເອມິເຣດ ໃນລະຫວ່າງວັນທີ 4-23 ມີນາຜ່ານ​ມາ​ນີ້, ກະຊວງແຮງງານ ແລະ ສະຫວັດດີການສັງຄົມ ຈຶ່ງໄດ້ຈັດພິທີຕ້ອນຮັບ ແລະ ມອບໃຍຍ້ອງຍໍຊົມເຊີຍແກ່ຄະນະທີມນັກກິລາດັ່ງກ່າວຂຶ້ນ ໃນວັນທີ 2 ມີນານີ້ ທີ່ຫ້ອງການກອງທຶນປະກັນສັງຄົມແຫ່ງຊາດ ໂດຍການ​ເຂົ້າຮ່ວມຂອງທ່ານ ຄຳແພງ ໄຊສົມແພງ ລັດ ຖະມົນຕີກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ (ຮສສ), ມີຫົວໜ້າຫ້ອງການ, ອົງການ ແລະ ຜູ້ປົກຄອງນັກກິລາດັ່ງກ່າວເຂົ້າຮ່ວມນໍາ​ດ້ວຍ.

       ໃນພິທີ ທ່ານ ສີສະຫວາດ ກົມພັນ ຫົວໜ້າຄະນະສະເປໂຊໂອແລມປິກລາວ ໄດ້ຂຶ້ນລາຍງານຜົນສຳເລັດໃນການເຂົ້າຮ່ວມການແຂ່ງຂັນດັ່ງກ່າວວ່າ: ການແຂ່ງຂັນສະເປໂຊໂອແລມປິກ ທີ່ປະເທດສະຫະ ລັດ ອາຣັບເອມິເຣດ ໄດ້ໄຂຂຶ້ນໃນວັນທີ 4 ມີນາຜ່ານ​ມາ ມີນັກກິລາເຂົ້າຮ່ວມທັງໝົດ 7.500 ຄົນ ແລະ ອາສາສະຫມັກຊ່ວຍໃນການແຂ່ງຂັນ 20.000 ຄົນ, ມີ 24 ປະເພດກິລາ ໂດຍ ສປປ ລາວ ໄດ້ສົ່ງນັກກິລາເຂົ້າຮ່ວມ 2 ລາຍການຄື: ກິ ລາແລ່ນ-ລານ ແລະ ກິລາບັອດຊີ ​ເຊິ່ງນັກກິລາຈາກລາວ​ເຮົາສາມາດຍາດໄດ້ 2 ຫຼຽນຄຳ ໃນລາຍການແລ່ນ 100 ແມັດ ຍິງ-ຊາຍ ໂດຍນາງ ພຸດແພງ ຫຼວງລິດ ແລະ ທ້າວ ຕູບ ນາສັກດີ, 1 ຫຼຽນເງິນ ໂດຍທ້າວ ອານຸສອນ ເພັດພົງສາ ກິລາບັອດຊີຊາຍດ່ຽວ, 1 ຫຼຽນທອງ ແລ່ນ 200 ແມັດ ແລະ 4 ຫຼຽນຊົມເຊີຍ. ພ້ອມ​ນັ້ນ ກໍ​ໄດ້​ຍົກ​ໃຫ້​ເຫັນຂໍ້ສະດວກ ແລະ ຂໍ້ຫຍຸ້ງຍາກທີ່ຈະຕ້ອງໄດ້ຖອດຖອນບົດຮຽນເພື່ອເປັນການກະກຽມສົ່ງນັກກິລາເຂົ້າຮ່ວມການແຂ່ງຂັນສະເປໂຊໂອແລມປິກລະດູໜາວ ປີ 2022 ທີ່ປະເທດໂປແລນເປັນເຈົ້າພາບ ແລະ ການແຂ່ງຂັນລະດູຮ້ອນ ທີ່ປະເທດເຢຍລະມັນ ໃນປີ 2023 ໃຫ້ມີຜົນສຳເລັດຍິ່ງຂຶ້ນ.

ລາວຍາດໄດ້ 2 ຫຼຽນຄໍາ ໃນງານກິລາສະເປໂຊໂອແລມປິກສາກົນ ທີ່ສະຫະລັດ ອາຣັບເອມິເຣດ - Tiger Head 728x90 - ລາວຍາດໄດ້ 2 ຫຼຽນຄໍາ ໃນງານກິລາສະເປໂຊໂອແລມປິກສາກົນ ທີ່ສະຫະລັດ ອາຣັບເອມິເຣດ
ລາວຍາດໄດ້ 2 ຫຼຽນຄໍາ ໃນງານກິລາສະເປໂຊໂອແລມປິກສາກົນ ທີ່ສະຫະລັດ ອາຣັບເອມິເຣດ - 1 1 - ລາວຍາດໄດ້ 2 ຫຼຽນຄໍາ ໃນງານກິລາສະເປໂຊໂອແລມປິກສາກົນ ທີ່ສະຫະລັດ ອາຣັບເອມິເຣດ

     ໃນໂອກາດດັ່ງກ່າວ, ຄຳແພງ ໄຊສົມແພງ ກໍໄດ້ໃຫ້ກຽດຂຶ້ນມອບໃບຍ້ອງຍໍຊົມເຊີຍ ພ້ອມດ້ວຍເງິນສະໜັບສະໜູນຈຳນວນໜຶ່ງໃຫ້ແກ່ນັກກິລາເພື່ອເປັນຂວັນ ແລະ ກຳລັງໃຈ ໂດຍການປະກອບສ່ວນຂອງບັນດາພາກສ່ວນຕ່າງໆໃນສັງຄົມ.

error: Content is protected !!