ຜົນຮ້າຍຂອງຂ່າວປອມ

ຜົນຮ້າຍຂອງຂ່າວປອມ - advert banner 728 90 728x90 - ຜົນຮ້າຍຂອງຂ່າວປອມ

# ລູກ​ເມືອ​ງພວນ    

ຜົນຮ້າຍຂອງຂ່າວປອມ - lattana 1 - ຜົນຮ້າຍຂອງຂ່າວປອມ

ອີງ​ຕາມ​ຂ່າວ vnexpress ລົງ​ວັນ​ທີ 1/4/2019 ​ໃຫ້​ຮູ້​ວ່າ: ມີ​ຊາຍ​ໜຸ່ມ​ຄົນ​ໜຶ່ງ​ຊາວ​ອາ​ເມ​ລິ​ກາ ຊື່ Tyler Bariss ອາຍຸ 25 ປີ ຖືກ​ຈຳ​ຄຸກ 20 ປີ ຍ້ອນ​ການ​ອອກ​ຂ່າວ​ປອມ​ດ່ວນ ຈົນ​ນຳ​ໄປ​ເຖິງ​ການ​ຕາຍ​ຂອງ​ພົນລະ​ເມືອງ​ຊື່ Wichita ຢູ່​ລັດ Kansas ​ໂດຍ​ບໍ່​ມີ​ໂທດ​ກຳ​ຫຍັງ.

     ອີງ​ຕາມ​ການ​ສືບສວນ-ສອບ​ສວນ​ຂອງ​ເຈົ້າໜ້າ​ທີ່, ​ເຫດການ​ເກີດ​ຂຶ້ນມາ​ຈາກ Casey Viner ອາຍຸ 19 ປີ ​ແລະ Shane Gaskill ອາຍຸ 20 ປີ ​ໄດ້​ຜິດ​ຖຽງ​ກັນ ​ແລະ ຖິ້ມ​ໂທດ​ໃສ່​ກັນ ​ແລະ ກັນ ​ໃນ​ການ​ເສຍ​ການ​ພະນັນ​ເປັນ​ເງິນ 1,5 USD. ຫລັງ​ຈາກ​ນັ້ນ Casey Viner ​ໄດ້​ຈ້າງ​ໃຫ້ Tyler Bariss ​ໂທລະສັບ​ໄປ​ຫາ​ເຈົ້າໜ້າ​ທີ່​ຕຳຫລວດ ​ເພື່ອ​ເປັນ​ການ​ຫັກຫລັງ Shane Gaskill, ​ເມື່ອ Shane Gaskill ຮູ້​ເລື່ອງ​ລາວ​ກໍ​ໄດ້​ເອົາ​ທີ່ຢູ່​ຂອງ​ຕົນ​ໃຫ້ Tyler Bariss ​ເພື່ອ​ທ້າ​ທາຍ​ໃຫ້​ໄປ​ຫາ​ຢູ່​ເຮືອນ.

      ວັນ​ທີ 28/12/2017 Tyler Bariss ​ໄດ້​ເວົ້າກັບ​ເຈົ້າໜ້າ​ທີ່​ວ່າ: ທີ່ຢູ່​ຂອງ​ຂ້ອຍ​ແມ່ນ Shane Gaskill ​ໄດ້​ເອົາ​ໃຫ້​ເຈົ້າ​ແລ້ວ. ລາວ​ເວົ້າຕໍ່​ໄປ​ວ່າ: ຂ້ອຍ​ໄດ້​ຍິງ​ພໍ່​ຂອງ​ຂ້ອຍ​ຕາຍ​ແລ້ວ, ດຽວ​ນີ້​ກຳລັງ​ເອົາ​ປືນ​ຂົ່ມຂູ່​ແມ່ ​ແລະ ນ້ອງ​ຊາຍ ​ແລະ ກໍ​ກຳລັງ​ຈະ​ຈູດ​ເຮືອນ​ຖິ້ມ.

      ​ເຈົ້າໜ້າ​ທີ່​ໄດ້​ໄປ​ປິດ​ລ້ອມ​ທີ່​ເກີດ​ເຫດ, ​ເມື່ອ​ໄປ​ເຖິງ​ກໍ​ເຫັນ​ພໍ່​ເຖົ້າຄົນ​ໜຶ່ງ​ຍ່າງ​ອອກ​ມາ​ແຕ່​ໃນ​ເຮືອນ ​ແລະ ຍົກ​ມື​ຂຶ້ນຕາມ​ຄຳ​ສັ່ງ​ຂອງ​ເຈົ້າໜ້າ​ທີ່ ​ແຕ່​ວ່າ​ຍົກ​ຂຶ້ນ​ແລ້ວ​ກໍ​ເອົາ​ລົງ ​ເຮັດ​ແບບ​ນັ້ນຕັ້ງຫລາຍ​ເທື່ອ. ​ເມື່ອ​ເຫັນ​ສະພາບ​ເປັນ​ແນວ​ນັ້ນ ​ເຈົ້າໜ້າ​ທີ່​ຄິດ​ວ່າ​ເຂົາ​ຈະ​ພະຍາຍາມ​ຈັບ​ເອົາ​ປືນ​ມາ​ຍິງ​ເຈົ້າໜ້າ​ທີ່, ​ເຈົ້າໜ້າ​ທີ່​ຈຶ່ງ​ວິສາມັນ​ເຂົາ​ກ່ອນ.

     ຜູ້​ເຄາະ​ຮ້າຍ​ຊື່ວ່າ Andrew Finch ອາຍຸ 28 ປີ ​ເຂົາ​ບໍ່​ໄດ້​ມີ​ອາວຸດ ​ແລະ ກໍ​ບໍ່​ໄດ້​ມີ​ການ​ຕິດ​ຕໍ່​ພົວພັນ​ຫຍັງ​ກັບ​ກຸ່ມ​ຄົນ​ຂ້າງ​ເທິງ ​ແລະ ການ​ພະນັນ​ແຕ່​ຢ່າງ​ໃດ. ທີ່ຢູ່​ທີ່ Tyler Bariss ​ເອົາ​ໃຫ້​ນັ້ນມັນ​ແມ່ນ​ທີ່ຢູ່​ເກົ່າ​ຂອງ Shane Gaskill.

ຜົນຮ້າຍຂອງຂ່າວປອມ - Tiger Head 728x90 - ຜົນຮ້າຍຂອງຂ່າວປອມ
ຜົນຮ້າຍຂອງຂ່າວປອມ - 1 1 - ຜົນຮ້າຍຂອງຂ່າວປອມ

     ພາຍຫລັງ​ເຫດການ​ເກີດ​ຂຶ້ນ​ແລ້ວໆ ຈຶ່ງ​ຮູ້​ວ່າ​ທ້າວ Tyler Bariss ບໍ່​ມີ​ທີ່ຢູ່​ເປັນ​ຫລັກ​ເປັນ​ແຫ​ລ່ງ, ​ເຂົາ​ເຄີຍ​ຖືກ​ເຈົ້າໜ້າ​ທີ່​ຈຳ​ຄຸກ​ມາ​ແລ້ວ 16 ​ເດືອນ ຍ້ອນ​ເຂົາ​ອອກ​ຂ່າວ​ປອມ​ວ່າ: ຈະ​ມີ​ການວາງ​ລະ​ເບີດ​ຢູ່​ລັດ California. ນອກຈາກ​ນັ້ນ ​ເຂົາ​ຍັງ​ເຄີຍ​ອອກ​ຂ່າວ​ປອມ​ວ່າ: ຈະ​ມີ​ການວາງ​ລະ​ເບີດຢູ່​ຫລາຍ​ລັດ​ຂອງ​ສະຫະລັດ​ອາ​ເມ​ລິ​ກາ​ຕື່ມ​ອີກ​ໃນ​ຊຸມ​ປີ 2015-2017. ນອກຈາກ​ຈະ​ຖືກ​ຄຸກ​ແລ້ວ ​ເຂົາ​ຍັງ​ຖືກ​ປັບ​ໃໝ​ເປັນ​ຈຳ​ນວນ​ເງິນ 5.000 $ ​ເພື່ອ​ສົ່ງສະການ​ໃຫ້​ຄອບຄົວ Andrew Finch.

      ຫ້ອງການ​ໄອ​ຍະ​ການ​ລັດ Kansas ​ໃຫ້​ຮູ້​ວ່າ: ນີ້​ແມ່ນ​ຄະດີ​ໃຫຍ່​ທີ່​ບໍ່​ເຄີຍ​ມີ​ມາ​ກ່ອນ ການ​ໃສ່​ຮ້າຍ​ເພື່ອ​ຄາດ​ຕະກຳ​ກັນ. ຜູ້​ຕ້ອງ​ຫາ​ສອງ​ຄນົຄື Casey Viner ​ແລະ Shane Gaskill ກຳລັງ​ຢູ່​ໃນ​ໄລຍະ​ແຈ້ງ​ໂທດ​ເພີ່ມ​ຕື່ມ​ຫລາຍ​ຂໍ້​ຫາ​ຕື່ມ​ອີກ ນັບ​ທັງ​ຂໍ້​ຫາອອກ​ຂ່າວ​ປອມ ​ແລະ ຂັດຂວາງ​ຂະ​ບວນຍຸຕິ​ທຳ. ຖ້າ​ຫາກ​ປະກາດ​ໂທດ​ເພີ່ມ​ຕື່ມ ​​ແຕ່ລະຄົນ​ຈະ​ຖືກ​ຈຳ​ຄຸກ​ແຕ່ 60 ປີ​ຂຶ້ນ​ໄປ.