ອາການເລືອດດັງໄຫລຕ້ອງມີວິທີປະຖົມພະຍາບານຢ່າງຖືກຕ້ອງ

ອາການເລືອດດັງໄຫລຕ້ອງມີວິທີປະຖົມພະຍາບານຢ່າງຖືກຕ້ອງ - advert banner 728 90 728x90 - ອາການເລືອດດັງໄຫລຕ້ອງມີວິທີປະຖົມພະຍາບານຢ່າງຖືກຕ້ອງ

   ເລືອດທີ່ໄຫລອອກມາຈາກຜົ້ງດັງ ບໍ່ວ່າຈະແມ່ນເບື້ອງດຽວ ຫລື ທັງສອງເບື້ອງ ເກີດຈາກເສັ້ນເລືອດພາຍໃນຜົ້ງດັງແຕກທີ່ອາດເປັນຍ້ອນເສັ້ນເລືອດໃນຜົ້ງດັງບາງ ແຕກງ່າຍດ້ວຍປັດໄຈຕ່າງໆ ເຊັ່ນ :  ອາກາດທີ່ປ່ຽນແປງ (ຮ້ອນເກີນໄປ, ໜາວເກີນໄປ, ແຫ້ງເກີນໄປ), ສັ່ງນຳ້ມູກແຮງເກີນໄປ, ຜົນຂ້າງຄຽງຈາກອາການພູມແພ້, ຄວາມດັນເລືອດສູງ ຫລື ເກີດຈາກການເຂ່ຍ, ແກະ ຫລື ເກົາໃນຜົ້ງດັງຢ່າງຮຸນແຮງ ຫລື ເກີດອຸປະຕິເຫດໃນບໍລິເວນທີ່ໃກ້ຄຽງກັບດັງ ເປັນຕົ້ນ.

ອາການເລືອດດັງໄຫລຕ້ອງມີວິທີປະຖົມພະຍາບານຢ່າງຖືກຕ້ອງ - lattana 1 - ອາການເລືອດດັງໄຫລຕ້ອງມີວິທີປະຖົມພະຍາບານຢ່າງຖືກຕ້ອງ
ອາການເລືອດດັງໄຫລຕ້ອງມີວິທີປະຖົມພະຍາບານຢ່າງຖືກຕ້ອງ - 010304 2019 - ອາການເລືອດດັງໄຫລຕ້ອງມີວິທີປະຖົມພະຍາບານຢ່າງຖືກຕ້ອງ

     ເລືອດດັງໄຫລແບ່ງອອກເປັນ 2 ຊະນິດ ຄື :

     1. ເລືອດທີ່ອອກຈາກຜົ້ງດັງທາງໜ້າ ມັກເກີດຂຶ້ນກັບຄົນທົ່ວໄປ ເກີດຈາກເສັ້ນເລືອດບໍລິເວນດັງໃນພາກສ່ວນທາງໜ້າແຕກ ບໍ່ກໍ່ໃຫ້ເກີດອັນຕະລາຍ ຄົນເປັນສາມາດເຮັດໃຫ້ເລືອດດັງເຊົາໄຫລໄດ້ເອງ.

     2. ເລືອດທີ່ອອກຈາກຜົ້ງດັງທາງຫລັງ ເກີດຈາກເສັ້ນເລືອດບໍລິເວນຜົ້ງດັງທາງຫລັງແຕກ ຫລື ພາກສ່ວນທີ່ຢູ່ເລິກເຂົ້າໄປໃນຜົ້ງດັງ ຈົນອາດເຮັດໃຫ້ມີເລືອດໄຫລລົງໄປໃນຮູຄໍນຳ ມັກເກີດກັບຜູ້ເຖົ້າ ຫລື ຄົນປ່ວຍທີ່ເປັນພະຍາດອັນຕະລາຍຮ້າຍແຮງບາງຢ່າງ  ເຊິ່ງຄວນໄປພົບແພດໂດຍໄວ.

      ເລືອດດັງແບບໃດອັນຕະລາຍ? ຫາກມີອາການດັ່ງຕໍ່ໄປນີ້ ຄວນຟ້າວໄປໂຮງໝໍ :

     – ເລືອດດັງໄຫລຈາກທາງຫລັງຜົ້ງດັງ ຈົນໄຫລເຂົ້າໄປໃນຮູຄໍ.    

      – ເລືອດດັງໄຫລບໍ່ເຊົາ ເຖິງຈະຜ່ານໄປດົນກ່ວາ 20 ນາທີ.

     – ເລືອດດັງໄຫລຊຳ້ອີກຫລາຍເທື່ອ.

     – ວິນຫົວ, ໜ້າມືດເປັນວິນ.

     – ສະໝັກເລືອດ ຫລື ຮາກເປັນເລືອດ.

ອາການເລືອດດັງໄຫລຕ້ອງມີວິທີປະຖົມພະຍາບານຢ່າງຖືກຕ້ອງ - Tiger Head 728x90 - ອາການເລືອດດັງໄຫລຕ້ອງມີວິທີປະຖົມພະຍາບານຢ່າງຖືກຕ້ອງ
ອາການເລືອດດັງໄຫລຕ້ອງມີວິທີປະຖົມພະຍາບານຢ່າງຖືກຕ້ອງ - 1 1 - ອາການເລືອດດັງໄຫລຕ້ອງມີວິທີປະຖົມພະຍາບານຢ່າງຖືກຕ້ອງ

     – ມີຕຸ່ມຜື່ນຂຶ້ນຕາມໂຕ.

     – ມີໄຂ້ສູງ (ຫລາຍກ່ວາ 5 ອົງສາເຊ).

     ວິທີຫ້າມເລືອດດັງໄຫລດ້ວຍຕົນເອງມີດັ່ງນີ້ :

     1. ນັ່ງນິ້ງໆເທິງຕັ່ງອີ້ ຫລື ພື້ນ, ກົ້ມໂຕໄປທາງໜ້າ ແລະ ອາດກົ້ມໜ້າພຽງໜ້ອຍດຽວ ບໍ່ຕ້ອງເງີຍໜ້າ, ໃຊ້ນິ້ວໂປ້ກັບນິ้ວຊີ້ບີບດັງ ແລ້ວຝຶກຫາຍໃຈທາງປາກ ປະມານ 10 ນາທີ ແລ້ວຈຶ່ງປ່ອຍນິ້ວມື ຫາກເລືອດດັງຍັງບໍ່ເຊົາໄຫລ ໃຫ້ເຮັດຕາມວິທີນີ້ອີກຮອບໜຶ່ງ.

     2. ບໍ່ນອນຫງາຍ ຫາກມີເລືອດໄຫລລົງຄໍໃຫ້ບ້ວນປາກເອົາເລືອດອອກມາ ບໍ່ກືນລົງໄປ ເພາະເລືອດດັງອາດໄຫລເຂົ້າໄປໃນກະເພາະອາຫານ ຈົນເຮັດໃຫ້ເກີດອາການອື່ນໆຕາມມາໄດ້ ເຊັ່ນ : ຮາກ ເປັນຕົ້ນ.

     3. ອາດໃຊ້ຜ້າຈຸ່ມນຳ້ເຢັນ ຫລື ນຳ້ກ້ອນວາງບໍລິເວນສັນດັງຂະນະບີບດັງໄປນຳກໍໄດ້.

     4. ຫາກເລືອດດັງຍັງບໍ່ເຊົາໄຫລ ໃຫ້ໄປໂຮງໝໍໍໍໂດຍໄວ.