ຕອບ 7 ຄຳຖາມຊີວິດນີ້ໃຫ້ໄດ້ກ່ອນທ່ານຈະອາຍຸ 30 ປີ

ຕອບ 7 ຄຳຖາມຊີວິດນີ້ໃຫ້ໄດ້ກ່ອນທ່ານຈະອາຍຸ 30 ປີ - advert banner 728 90 728x90 - ຕອບ 7 ຄຳຖາມຊີວິດນີ້ໃຫ້ໄດ້ກ່ອນທ່ານຈະອາຍຸ 30 ປີ

     ຊ່ວງອາຍຸ 20 – 30 ປີ ເປັນຊ່ວງທີ່ເຕັມໄປດ້ວຍຄຳຖາມຊວນໃຫ້ເຈັບຫົວ ເຊັ່ນ : ຈະແຕ່ງດອງເມື່ອໃດ ? ຫາບ່ອນຢູ່ແຖວໃດ ? ເຮັດວຽກຫຍັງດີ ? ແຕ່ຫາກທ່ານຍັງຫາຄຳຕອບໃຫ້ຄຳຖາມເຫລົ່ານີ້ບໍ່ໄດ້ ບາງເທື່ອທ່ານອາດຈະລອງຖາມຄຳຖາມອື່ນທີ່ຈິງຈັງກ່ວານີ້ເບິ່ງ,  ໂດຍ 7 ຄຳຖາມໃນການດຳລົງຊີວິດທີ່ຖືກຄັດເລືອກມາແລ້ວຈາກເວັບໄຊ Quoraເຊິ່ງຄົນບ່າວສາວໄວນີ້ຄວນຫາຄຳຕອບໃຫ້ພົບເພື່ອໃຫ້ເຫັນພາບຂອງສິ່ງທີ່ທ່ານຕ້ອງການ ແລະ ສິ່ງທີ່ຈຳເປັນໃນຊີວິດຫວັງວ່າມັນຄົງຊ່ວຍເຮັດໃຫ້ທ່ານຕັດສິນໃຈທັງໝົດໃນເລື່ອງວຽກງານ ແລະ ຄວາມສຳພັນໄດ້ງ່າຍຍິ່ງຂຶ້ນ. ແຕ່ຢ່າລືມວ່າບໍ່ມີຄຳຕອບໃດທີ່ຈະຖືກຕ້ອງສະເໝີໄປ ແລະ ຄຳຕອບທີ່ທ່ານມີກໍມັກຈະປ່ຽນໄປຕາມການເວລາ, ແຕ່ປະເດັນທີ່ແທ້ຈິງຈະຢູ່ບ່ອນຈຸດເລີ່ມຕົ້ນທີ່ທ່ານຄິດກ່ຽວກັບສິ່ງທີ່ທ່ານຕ້ອງການຈະປະສົບຄວາມສຳເລັດໃນຊີວິດຂ້າງໜ້າ ລວມເຖິງວິທີທີ່ຈະເຮັດໃຫ້ມັນສຳເລັດຕ່າງຫາກ.

ຕອບ 7 ຄຳຖາມຊີວິດນີ້ໃຫ້ໄດ້ກ່ອນທ່ານຈະອາຍຸ 30 ປີ - lattana 1 - ຕອບ 7 ຄຳຖາມຊີວິດນີ້ໃຫ້ໄດ້ກ່ອນທ່ານຈະອາຍຸ 30 ປີ
ຕອບ 7 ຄຳຖາມຊີວິດນີ້ໃຫ້ໄດ້ກ່ອນທ່ານຈະອາຍຸ 30 ປີ - 040304 2019 1024x1024 - ຕອບ 7 ຄຳຖາມຊີວິດນີ້ໃຫ້ໄດ້ກ່ອນທ່ານຈະອາຍຸ 30 ປີ

     1. ຖ້າມື້ອື່ນທ່ານຕ້ອງຕາຍໄປ ທ່ານພໍໃຈກັບສິ່ງທີ່ເປັນຢູ່ແລ້ວຫລືຍັງ

     ຕອນນີ້ທ່ານອາດຈະຄິດວ່າຊີວິດທ່ານຍັງເຫລືອເວລາໃຫ້ໃຊ້ຊີວິດອີກຫລາຍປີ, ແຕ່ເຖິງແນວນັ້ນກໍຕາມ ມັນບໍ່ມີເຫດຜົນເລີຍທີ່ຈະມີແຕ່ຖືເບົາບໍ່ເຮັດຕາມຄວາມຝັນຈັກເທື່ອ ຈົ່ງຟ້າວເຮັດຕັ້ງແຕ່ມື້ນີ້ ແລະ ຕອນນີ້ເລີຍຈະດີກ່ວາບໍ່ ? ຖ້າທ່ານບໍ່ມັກຊີວິດທີ່ເປັນຢູ່ຕອນນີ້ ການໃຊ້ເວລາເພື່ອຄິດທົບທວນເພື່ອຫັນມາຈັດການກັບເວລາຂອງທ່ານເປັນເລື່ອງສຳຄັນ ຊີວິດບໍ່ໄດ້ໝັ້ນຄົງສະເໝີໄປດອກ ມື້ອື່ນອາດຈະບໍ່ມາເຖິງກໍເປັນໄດ້ ສະນັ້ນ ເຖິງວ່າການວາງແຜນອະນາຄົດເປັນເລື່ອງທີ່ສຳຄັນ ແຕ່ທ່ານເອງກໍຕ້ອງບໍ່ລືມທີ່ຈະເຕັມອີ່ມກັບຊີວິດທີ່ກຳລັງດຳເນີນໄປໃນປະຈຸບັນນຳ.

     2. ອັນໃດແມ່ນຄຸນຄ່າທີ່ເປັນເອກະລັກສະເພາະໂຕຂອງທ່ານ?

     ຄວາມຈິງແລ້ວມັນກໍແປງ່າຍໆວ່າ ອັນໃດແດ່ທີ່ມີແຕ່ໂຕເຮົາເທົ່ານັ້ນທີ່ເຮັດໄດ້ ? ຫລື ມີສິ່ງໃດທີ່ຂ້ອຍເຮັດໄດ້ຢ່າງງ່າຍດາຍ ໃນຂະນະທີ່ຄົນອື່ນຄິດວ່າຍາກແດ່ ? ເຊິ່ງຖ້າຫາກລອງມາເບິ່ງໃນໂລກທຸລະກິດ ເຮົາກໍມັກຈະເວົ້າເຖິງສິ່ງທີ່ຄ້າຍຄືກັນ ທີ່ເອີ້ນວ່າ ການສ້າງຄຸນຄ່າ (value proposition)   ວ່າທ່ານມີຫຍັງທີ່ໂດດເດັ່ນມານຳສະເໜີແດ່ ? ຈຸດຂາຍຂອງທ່ານແມ່ນຫຍັງ ? ແລ້ວມັນມີຄ່າຫລາຍປານໃດ ?

     ເມື່ອທ່ານຄົ້ນພົບຄຸນຄ່າ ຫລື ຄວາມສາມາດໃນໂຕເອງ ທ່ານຈະພັດທະນາຕົນເອງໃຫ້ຊຳນານໃນດ້ານນັ້ນໆໄດ້ ຄືກັບທ່ານ A. J. Agrawalຜູ້ບໍລິຫານບໍລິສັດ Alumnifyແນະນຳວ່າ : ຈະຫາຊ່ອງທາງຕິດຕາມຂ່າວທີ່ເໝາະສົມກັບທ່ານໄວ້ປະມານ 3 – 4 ແຫ່ລງ ແລະ ຢ່າລືມຕິດຕາມອ່ານຂ່າວເຫລົ່ານີ້ທຸກມື້ ເລີ່ມຕົ້ນງ່າຍໆຈາກການແບ່ງປັນບົດຄວາມທີ່ທ່ານສົນໃຈລົງໃນໂລກອອນລາຍກໍໄດ້ ແລ້ວລອງພັດທະນາໄປເປັນການຂຽນບົດຄວາມທີ່ໜ້າສົນໃຈດ້ວຍຕົນເອງເບິ່ງ ຜູ້ຄົນຈະຄ່ອຍໆຮັບຮູ້ວ່າທ່ານຊ່ຽວຊານໃນເລື່ອງນັ້ນແທ້ໆ.

     3. ໃຜທີ່ເປັນແຮງບັນດານໃຈໃຫ້ກັບທ່ານຫລາຍທີ່ສຸດ ?

     ໃຜທີ່ທ່ານເບິ່ງເປັນແບບຢ່າງຫລາຍທີ່ສຸດ ? ແລ້ວແມ່ນຫຍັງທີ່ເຮັດໃຫ້ທ່ານຢາກເປັນແບບພວກເຂົາ ? ລອງຂຽນຄຳຕອບທີ່ເກີດຂຶ້ນມາໃນຄວາມຄິດເອົາໄວ້ ຄົນທີ່ທ່ານຢາກຖືເປັນແບບຢ່າງນັ້ນຈະຕອບທ່ານໄດ້ວ່າທ່ານຄາດຫວັງຈະເປັນແນວໃດໃນອະນາຄົດ.

     4. ໃນທຸໆມື້ທ່ານຕື່ນຂຶ້ນມາເພື່ອຫຍັງ ?

     ຄຳຖາມນີ້ເປັນອີກໜຶ່ງວິທີໃນການຖາມວ່າ ເປົ້າໝາຍຂອງທ່ານແມ່ນຫຍັງ ? ເຊິ່ງການຕອບຄຳຖາມນີ້ບໍ່ແມ່ນເລື່ອງງ່າຍ, ແຕ່ຖ້າຕອບໄດ້ທ່ານຈະຈະແຈ້ງໃນເປົ້າໝາຍຂອງໂຕເອງຂຶ້ນອີກຫລາຍ ແລະ ຍິ່ງທ່ານຫາມັນພົບໄວເທົ່າໃດ ທ່ານກໍເລີ່ມທຸ້ມເທກຳລັງໃຫ້ກັບມັນໄດ້ໄວຫລາຍຂຶ້ນເທົ່ານັ້ນ.

ຕອບ 7 ຄຳຖາມຊີວິດນີ້ໃຫ້ໄດ້ກ່ອນທ່ານຈະອາຍຸ 30 ປີ - Tiger Head 728x90 - ຕອບ 7 ຄຳຖາມຊີວິດນີ້ໃຫ້ໄດ້ກ່ອນທ່ານຈະອາຍຸ 30 ປີ
ຕອບ 7 ຄຳຖາມຊີວິດນີ້ໃຫ້ໄດ້ກ່ອນທ່ານຈະອາຍຸ 30 ປີ - 1 1 - ຕອບ 7 ຄຳຖາມຊີວິດນີ້ໃຫ້ໄດ້ກ່ອນທ່ານຈະອາຍຸ 30 ປີ

  5. ມື້ນີ້ທ່ານໄດ້ຮຽນຮູ້ຫຍັງໄປຫລາຍປານໃດ ?

     ເມື່ອທ່ານຢູ່ໃນຊ່ວງອາຍຸຫລັກ  2 ເສັ້ນແຕ້ມໃນການຮຽນຮູ້ຂອງທ່ານຄວນຈະສູງຂຶ້ນຫລາຍ ດັ່ງນັ້ນຈຶ່ງຮຽນຮູ້ໃຫ້ຫລາຍໄວ້ໃນແຕ່ລະມື້ ແລະ ຢ່າລືມຈົດບັນທຶກສິ່ງທີ່ທ່ານໄດ້ຮຽນຮູ້ໃນແຕ່ລະມື້ໄວ້ນຳ. ການເຮັດສິ່ງເຫລົ່ານີ້ເປັນປະຈຳຖືວ່າເປັນສິ່ງທີ່ດີ ແລະ ຄວນຈະເຮັດເຖິງວ່າອາຍຸຈະເຂົ້າຫລັກ 3 ຫລື ຫລາຍກ່ວານັ້ນແລ້ວກໍຕາມ  ເພາະເປົ້າໝາຍຂອງທ່ານຄວນຈະເປັນການທີ່ທ່ານໄດ້ຮຽນຮູ້ສິ່ງໃໝ່ໆໃນທຸກມື້ ເພື່ອພັດທະນາວິທີຄິດ ແລະ ທັດສະນະຄະຕິການດຳລົງຢູ່ຕໍ່ໂລກທີ່ຜັນປ່ຽນໄປ.

     6. ໃຜແມ່ນຄົນທີ່ທ່ານຮັກທີ່ສຸດ ແລ້ວທ່ານໄດ້ບອກ ຫລື ສະແດງອອກໄປແລ້ວຫລືຍັງ ?

     Adam Rifkin ຜູ້ຮ່ວມກໍ່ຕັ້ງເວັບໄຊ PandaWhaleກ່າວວ່າ ຢ່ານຶກເອົາເອງວ່າໝູ່ ແລະ ຄອບຄົວຂອງທ່ານຈະເຂົ້າໃຈຄວາມຮູ້ສຶກຂອງທ່ານໄດ້, ແຕ່ຈົ່ງເຮັດໃຫ້ພວກເຂົາຮູ້ວ່າທ່ານເອົາໃຈໃສ່ນຳພວກເຂົາຫລາຍປານໃດ ເຊິ່ງຈາກການສຶກສາຂອງຮາເວີດກໍຍັງພົບວ່າຄວາມສຳພັນອັນໃກ້ຊິດ ນີ້ແມ່ນກຸນແຈທີ່ນຳໄປສູ່ຄວາມສຸກ ແລະ ຊີວິດທີ່ຍືນຍາວນຳ.

     7. ຄວາມສຳເລັດສຳລັບທ່ານໝາຍເຖິງຫຍັງ ?

     ນີ້ແມ່ນຄຳຖາມທີ່ພັດທະນາຊີວິດຄົນເຮົາຫລາຍ ເຮົາທຸກຄົນລ້ວນແຕ່ມີອຸປະທານ ຫລື ສິ່ງທີ່ຕ້ອງການຕໍ່ຄວາມສຳເລັດ ເຊັ່ນ : ອຳນາດ, ຊື່ສຽງ ຫລື ເງິນຄຳ, ແຕ່ຄວາມສຳເລັດແທ້ຈິງແລ້ວບໍ່ໄດ້ຖືກກຳຈັດຢູ່ນຳແຕ່ສິ່ງທີ່ກ່າວມາ ບາງເທື່ອຄວາມສຳເລັດນັ້ນກໍອາດໝາຍເຖິງການໄດ້ຄົ້ນພົບຄວາມສະຫງົບໃນຈິດໃຈກໍເປັນໄດ້ ຫລື ການໄດ້ຢູ່ໃນສິ່ງແວດລ້ອມທີ່ສົ່ງເສີມຄວາມສາມາດຂອງທ່ານກໍຍ່ອມໄດ້. ດັ່ງນັ້ນ ທ່ານຕ້ອງຕອບໂຕເອງໃຫ້ໄດ້ວ່າ ຄວາມສຳເລັດສຳລັບທ່ານນັ້ນໝາຍເຖິງຫຍັງ ?  ເພື່ອເປັນແນວທາງໃນການຕັດສິນໃຈເລື່ອງຕ່າງໆໃນຊີວິດຕອນນີ້ ແລະ ອະນາຄົດຂ້າງໜ້າ.