ບໍລິໂພກຂ່າວສື່ອອນລາຍຕ້ອງຮູ້ໄຈ້ແຍກຮິ່ນຕອງ

ບໍລິໂພກຂ່າວສື່ອອນລາຍຕ້ອງຮູ້ໄຈ້ແຍກຮິ່ນຕອງ - advert banner 728 90 728x90 - ບໍລິໂພກຂ່າວສື່ອອນລາຍຕ້ອງຮູ້ໄຈ້ແຍກຮິ່ນຕອງ

  ໂດຍ: ທິດກ່ຳ

ບໍລິໂພກຂ່າວສື່ອອນລາຍຕ້ອງຮູ້ໄຈ້ແຍກຮິ່ນຕອງ - lattana 1 - ບໍລິໂພກຂ່າວສື່ອອນລາຍຕ້ອງຮູ້ໄຈ້ແຍກຮິ່ນຕອງ

ເທົ່າ​ທີ່​ທິດ​ກ່ຳ​ໄດ້​ຕິດຕາມ​, ນັບ​ແຕ່​ປີ 2018 ມາ​ຮອດ​ປັດຈຸບັນ​ເຫັນ​ວ່າ​ກະ​ແສ​ຂ່າວ​ຄາວ​ຈາກ​ສື່​ອອນ​ລາຍ​ລາຍ​ນັບ​ມື້ມີ​ລັກສະນະ​ສັບສົນ​ອົນລະ​ເວ​ງ ​ແລະ ​ແຜ່​ລາມ​ໂດດ​ເດັ່ນກວ້າງຂວາງ​ຂຶ້ນນັບ​ມື້, ຕົ້ນຕໍ​ແມ່ນ​ຢູ່​ໃນ​ເຟສບຸກ, ຢູທູບ, ວອດ​ແອບ ​ແລະ ອື່ນໆ.

​  ໃນ​ແຫ​ລ່ງຂ່າວ​ຄາວ​ທີ່​ວ່າ​ນີ້ ​ມັນ​ມີ​ຂໍ້​​ເທດຈິງ, ຄວາມ​ດີ​ໜ້ອຍ ​ແຕ່​ກົງກັນຂ້າມ​ມັນ​ພັດ​ມີ​ຄວາມ​ເລິະ​ເທິະ​ເຮິະຮ້າຍ​ເປີະ​ເປື້ອນ, ​ເປັນ​ຂ່າວ​ປອມ​ທີ່​ເສກ​ສັນ​ປັ້ນ​ແຕ່ງ ຫລື ​ໂຄສະນາ​ປຸກ​ປັ່ນ​ໃສ່​ຮ້າຍ​ປ້າຍ​ສີ​ຊອກ​ເລື່ອງ​ແນວ​ບໍ່​ມີ​ຫາ​ໃສ່, ຊອກ​ເອົາ​ປາກົດ​ການອັນ​ນ້ອຍໆມາ​ເປັນ​ເລື່ອງ​ໃຫຍ່, ອັນ​ຫລັກໆ​ແມ່ນ​ໂຈມ​ຕີ​ໃສ່​ຮ້າຍ​ປ້າຍ​ສີກາ​ນນຳ​ຂອງ​ພວກ​ເຮົາ​ຢ່າງ​ອຸດ​ຕະຫລຸດ ​ແລະ ​ເຮັດ​ສາລະພັດ​ຢ່າງ.

  ຕາມ​ທິດ​ກ່ຳ​ວ່າ, ຈາກ​ແຫ​ລ່ງຂ່າວ​ຄາວ​ຕ່າງໆທີ່​ວ່າ​ມາ​ນີ້ ​ມັນ​ເກີດ​ມາ​ຈາກ​ສາມ ​ແຫ​ລ່ງຕົ້ນຕໍ​ຄື: ຈາກ​ຄົນ​ລາວ​ນອກ​ທີ່​ຍັງ​ມີ​ອະຄະຕິ​ປໍ​ລະ​ປັກ​ກັບ ສປປ ລາວ ບໍ່​ເລີກ​ບໍ່​ແລ້ວ, ພວກດັ່ງກ່າວ​ນີ້​ໄດ້​ຫອບ​ສັງຂານ​ພາກັນ​ໂຕນ​ໜີ​ໄປ​ຢູ່​ຕ່າງປະ​ເທດ​ແລ້ວ​ຫັນ​ມາ​ກ່າວ​ໂຈມ​ຕີ​ພວກເຮົາ, ພວກ​ດັ່ງກ່າວ​ສ່ວນ​ຫລາຍ​ເຄີຍເປັນທະຫານ​ໄດ້​ສູ້​ຮົບ​ຕົບ​ຕີ​ກັນ​ມາ​ຫລາຍ​ຕໍ່​ຫລາຍສຸດທ້າຍ​ກໍ​ມີ​ຜູ້​ແພ້​ຜູ້​ຊະນະເລີຍ​ໂຕນ​ນີ້​ໄປ​ຢູ່​ຕ່າງປະ​ເທດ.

  ສ່ວນ​ແຫ​ລ່ງທີ່​ມາ​ອີກ​ບ່ອນ​ໜຶ່ງ​ກໍ​ແມ່ນ​ຈາກ​ຄົນ​ລາວ​ທີ່​ໄປ​ອາ​ໃສ ​ແລະ ​ໄປ​ອອກ​ແຮງ​ງານຫາ​ເງິນ​ຢູ່​ປະ​ເທດ​ເພື່ອນ​ບ້ານ ​ໄດ້​ຖືກ​ຊື້ຈ້າງ​ຈາກ​ປະຕິ​ການ​ລາວ​ນອກ​ໃຫ້​ເປັນ​ຜູ້​ໂຄສະນາ​ຕ້ານ ສປປ ລາວ ​ໂດຍ​ບໍ່​ຮູ້​ອີ່​ໂນ່ອີ່​ເນ.

  ອີກ​ສ່ວນ​ໜຶ່ງ​ກໍ​ແມ່ນ​ຢູ່​ພາຍ​ໃນ​ປະ​ເທດ​ເຮົາ​ເອງ​ທີ່​ໄດ້​ຄາ​ໃຈ, ບໍ່ພໍ​ໃຈ​ເລື່ອງ​ໃດ​ເລື່ອງ​ໜຶ່ງ​ຕໍ່​ການຈັດຕັ້ງພັກ ​ແລະ ລັດຖະບານ​ຖືກ​ສັດຕູ​ພາຍ​ນອກ​ຍູ​ແຍ່​ປຸກ​ປັ່ນຊື້ຈ້າງ​ໃຫ້​ກໍ່​ຄວາມ​ບໍ່ສະຫງົບ​ຢູ່​ພາຍ​ໃນ​ເພື່ອ​ເຮັດ​ໃຫ້​ສັງຄົມ​ບ້ານ​ເຮົາ​ສັບສົນ​ອົນລະ​ເວ​ງ.

​  ເວົ້າ​ເລື່ອງ​ຄົນ​ລາວ​ທີ່​ໂຕນ​ໜີ​ໄປ​ດຳລົງ​ຊີວິດ​ຢູ່​ຕ່າງປະ​ເ​ທດສາມາດ​ແຍກ​ແຍະ​ອອກ​ເປັນສາມ​ປະ​ເພດ​ດ້ວຍ​ກັນ​ຄື: ​ເກືອບ 70% ​​ແມ່ນ​ເຂົາ​ເຈົ້າ​ເປັນ​ຄົນ​ດີ, ຍັງ​ຮັກຫອມ​ປະ​ເທດ​ຊາດ, ຮັກຫອມ​ຍາດ​ຕິ​ພີ່ນ້ອງ​ທີ່ຢູ່​ພາຍ​ໃນ​ປະ​ເທ​ດຢ່າງ​ດູດ​ດື່ມ, ​ແຕ່ລະ​ປີ ຫລື ດົນໆ​ເຂົາ​ເຈົ້າກໍ​ມາ​ຢ້ຽມຢາມ​ຍາດຕິ​ພີ່ນ້ອງ, ບ້ານ​ເກີດ​ເມືອງ​ນອນ ​ແລະ ປະ​ເທດ​ຊາດ​ບ້ານ​ເມືອງຂອງ​ຕົນ​ດ້ວຍ​ຄວາມ​ຈິງ​ໃຈ​ຮັກ​ໄຄ່. ອີກ 20% ​ແມ່ນ​ເຂົາ​ບໍ່​ສົນ​ໃຈ​ນຳ​ໃຜ, ​ເຂົາ​ບໍ່​ວຸ້ນວາຍ​ສົນ​ໃຈ​ນຳ​ວຽກບ້ານ​ການ​ເມືອງ​ມີແຕ່​ເຮັດ​ວຽກ​ງານ​ຫາ​ລ້ຽງ​ຊີບ​ດ້ວຍ​ຄວາມ​ບໍລິສຸດ​ສັດ​ຊື່​ບໍ່​ເຂົ້າຂ້າງ​ອອກ​ຂາ ​ແລະ ບໍ່​ສະໜັບສະໜູນ​ກຸ່ມ​ໃດ​ກຳລັງ​ໃດ​ທັງ​ສິ້ນ. ສ່ວນ​ອີກ 10 ກວ່າ​ເປີ​ເຊັນ​ແມ່ນ​ຍັງ​ມີ​ແນວ​ຄິດ​ອະຄະຕິ​ປໍ​ລະ​ປັກ​ກັບ ສປປ ລາວ ຄື​ດັ່ງ​ທິດ​ກ່ຳ​ໄດ້​ຍົກ​ມາ​ຂ້າງ​ເທິງ, ພວກ​ດັ່ງກ່າວ​ນີ້​ເຂົາ​ຈັດຕັ້ງ​ເປັນ​ກຸ່ມ​ເປັນ​ກ້ອນ​ມີ​ຊື່​ສຽງ​ຮຽງ​ນາມຄັກ​ແນ່​ແຕ່​ລະ​ວັນ​ຊອກ​ເອົາ​ແຕ່​ປາກົດການ​ຫຍໍ້​ທໍ້​ຢູ່​ບ້ານ​ເຮົາ​ໄປ​ຕັ້ງ​ເປັນ​ຫົວ​ຂໍ້​ແລ້ວ​ກໍ​ວິພາກ​ວິຈານ​ການ​ນຳ​ພັກ-​ລັດ​ ວ່າ​ປົກຄອງ​ບ້ານ​ເມືອງບໍ່​ດີບໍ່​ເກັ່ງ​ຄື​ເພິ່ນ, ​ເປັນ​ອຳນາດ​ພະ​ເດັດ​ການ, ​ເປັນ​ກອມ​ມູນິດ, ບໍ່​ມີ​ປະຊາທິປະ​ໄຕ ຄື​ບ່ອນ​ເພິ່ນ​ໄປ​ອາ​​ໄສ​ຢູ່, ຢາກ​ກັບ​ຄືນ​ມາ​ປົກຄອງ​ບ້ານ​ເມືອງ, ຕ້ອງການ​ເອົາລະ​ບອບ​ການ​ປົກຄອງ​ແບບ​ລາຊາທິປະ​ໄຕຄືນ​ມາ, ຕ້ອງການ​ເອົາ​ທຸງ​ກາ​ຊ້າງ​ສາມ​ຫົວ​ທີ່​ເປັນ​ນາມ​ສັດ​ຝືນ​ກົດ​ເກນ, ຝືນ​ທຳ​ມະ​ຊາດ​ຄືນມາ​ສັກກາລະ​ບູຊາ​ນົບ​ໄຫວ້ ​ແລະ ຍັງ​ມີ​ອີກ​ກຸ່ມ​ໜຶ່ງ​ພັດ​ມີ​ແນວ​ຄິດ​ຢາກ​ແບ່ງ​ແຍກດິນ​ແດນ​ປະ​ເທດ​ລາວ​ໄປ​ເຄິ່ງໜຶ່ງ​ໃຫ້​ເປັນ​ປະ​ເທດ​ຂອງ​ຊົນ​ເຜົ່າ​ຕົນ​ປົກຄອງ​ກັນ​ເອງ​ ຈາກ​ນັ້ນຈຶ່ງ​ກໍ່​ໃຫ້​ເກີດ​ມີ​ເຈົ້າຟ້າ.

  ຈາກ​ອຸດົມ​ການ ​ແລະ ​ແນວ​ຄິດ​ອັນ​ນີ້​ ຈຶ່ງ​ກ້າວ​ໄປ​ເຖິງ​ການສະ​ແດງ​ອອກ​ທາງ​ດ້ານ​ພຶດຕິ​ກຳ​ທີ່​ບໍ່​ສອດຄ່ອງ​ເຂົ້າທ່າ​, ແຕ່​ລະມື້​ແຕ່​ລະ​ວັນ​ຈຶ່ງ​ໄດ້​ອອກ​ຂ່າວ​ຄາວ​ປ້ອຍ​ດ່າ​ໂຈມ​ຕີ​ໃສ່​ຮ້າຍປ້າຍ​ສີກາ​ນນຳ​ເຮົາ​ບໍ່​ໄດ້​ຂາດ​ ຄື​ດັ່ງ​ພວກ​ເຮົາ​ໄດ້​ເຫັນ​ໃນ​ຢູທູບ, ​ເຟສບຸກ ​ໃນ​ແຕ່ລະ​ໄລຍະ.

ບໍລິໂພກຂ່າວສື່ອອນລາຍຕ້ອງຮູ້ໄຈ້ແຍກຮິ່ນຕອງ - 1 1 - ບໍລິໂພກຂ່າວສື່ອອນລາຍຕ້ອງຮູ້ໄຈ້ແຍກຮິ່ນຕອງ

​  ຕາມ​ທິດ​ກ່ຳ​ວ່າ​ທຸກ​ສິ່ງ​ຢ່າງ​ຄວາມ​ຈິງ​ມັນ​ກໍ​ແມ່ນ​ຄວາມ​ຈິງ ​ແລະ​ ຄວາມ​ຈິງມັນ​ກໍ​ຍ່ອມ​ພິສູດ​ຕົວ​ມັນ​ເອງ, ຖ້າ​ພວກ​ເຮົາ​ຢາກ​ຮູ້ ​ແລະ ​ເຂົ້າ​ໃຈ​ຢ່າງ​ເລິກ​ເຊິ່ງນັ້ນກໍ​ຕ້ອງ​ຫວນ​ຄືນ​ປະຫວັດສາດ​ ແຕ່​ກ່ອນ​ປະ​ເທດ​ຊາດ​ຂອງ​ພວກ​​ເຮົາກວ້າງ​ໃຫຍ່​ໄພ

ສານ ​ສຸດ​ທ້າຍ​ມາ​ມັນ​ກໍ​ຈິບຫາຍ​ວາຍ​ວອດ​ຍ້ອນ​ການປົກຄອງ​ໃນ​ລະບອບ​ສັກ​ດີ​ນາ​ຂອງ​ບາງ​ເຈົ້າ ​ຈົນ​ເຂົາ​ມາຍາ​ດ​ເອົາ​ແຜ່ນດິນ. ຄົນ​ກຸ່ມ​ນີ້​ເຂົາ​ຊິ​ເວົ້າ​ແນວ​ໃດ​ກໍ​ຕາມຊ່າງ ​ທີ່​ມາ​ຂອງ​ປະຫວັດສາດ​ໄດ້​ພິສູດ​ໃຫ້​ເຫັນ​ຢ່າງ​ຈະ​ແຈ້ງ​ແລ້ວ​ ພວກ​ເຂົາ​ເວົ້າວ່າ​ເຂົາ​ເອງ​ເປັນ​ຄົນ​ຕາ​ສະຫວ່າງ, ຈັກ​ແມ່ນ​ໃຜ​ມືດ​ໃຜ​ສະຫວ່າງຍ້ອນ​ພວກ​ເຮົາ​ຕາ​ສະຫວ່າງ​ນັ້ນລະ​ຈຶ່ງ​ສາມາດ​ປົດ​ປ່ອຍປະ​ເທດ​ຊາດ​ປະກາດ​ເປັນ​ປະ​ເທດ​ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ​ໃຫ້​ເບິ່ງ​ເອົາ​ພວກ​ຕາບອດ​ແຈ້ງ​ທີ່ຂົ່ມ​ເພິ່ນ​ຍໍ​ໂຕ.

ບໍລິໂພກຂ່າວສື່ອອນລາຍຕ້ອງຮູ້ໄຈ້ແຍກຮິ່ນຕອງ - 22357 - ບໍລິໂພກຂ່າວສື່ອອນລາຍຕ້ອງຮູ້ໄຈ້ແຍກຮິ່ນຕອງ
(ພາບປະກອບ)