ມົນລະພິດທາງອາກາດຈະເຮັດໃຫ້ ເດັກອາຊີໃຕ້ອາຍຸສັ້ນລົງ 30 ເດືອນ

ມົນລະພິດທາງອາກາດຈະເຮັດໃຫ້ ເດັກອາຊີໃຕ້ອາຍຸສັ້ນລົງ 30 ເດືອນ - advert banner 728 90 728x90 - ມົນລະພິດທາງອາກາດຈະເຮັດໃຫ້ ເດັກອາຊີໃຕ້ອາຍຸສັ້ນລົງ 30 ເດືອນ

      ຜົນ​ການ​ສຶກສາ​ຂອງ​ອາ​ເມ​ລິ​ກາ ​ແລະ ກາ​ນາ​ດາ ພົບ​ວ່າ: ມົນ​ລະ​ພິດ​ທາ​ງອາກາດ​ຈະ​ເຮັດ​ໃຫ້​ເດັກ​ອາຍຸ​ສັ້ນລົງ​ສະ​ເລ່ຍ 20 ​ເດືອນ, ​ແຕ່​ຖ້າ​ເປັນ​ເດັກ​ໃນ​ອາຊີ​ໃຕ້​ຈະ​ອາຍຸ​ສັ້ນລົງ​ເຖິງ 30 ​ເດືອນ ​ເພາະ​ມົນ​ລະ​ພິດ​ຮຸນ​ແຮງ​ທີ່​ສຸດ.

ມົນລະພິດທາງອາກາດຈະເຮັດໃຫ້ ເດັກອາຊີໃຕ້ອາຍຸສັ້ນລົງ 30 ເດືອນ - new3 - ມົນລະພິດທາງອາກາດຈະເຮັດໃຫ້ ເດັກອາຊີໃຕ້ອາຍຸສັ້ນລົງ 30 ເດືອນ

      ລາຍ​ງານ​ສະພາບ​ອາກາດ​ໂລກ (State of Global Air) ຂອງ​ສະ​ຖາ​ບັນ​ຜົນ​ກະທົບ​ສຸຂະພາບ​ທີ່​ຕັ້ງຢູ່ອາ​ເມ​ລິ​ກາ ​ແລະ ມະຫາວິທະຍາ​ໄລ​ບຣິຕິ​ທິ​ໂກລຳ​ບີ ​ໃນ​ກາ​ນາ​ດາ ທີ່​ອ້າງ​ຂໍ້​ມູນ​ຈົນ​ເຖິງ​ປີ 2017 ລະບຸ​ວ່າ: ມົນ​ລະ​ພິດ​ໃນ​ອາກາດ​ເປັນສາ​ເຫດ​ອັນ​ດັບ​ຫ້າ​ທີ່​ເຮັດ​ໃຫ້​ຄົນ​ທົ່ວ​ໂລກ​ເສຍ​ຊີວິດ​ກ່ອນ​ໄວ​ອັນ​ຄວນ ​ແລະ ຫລາຍ​ກວ່າ​ມາລາ​ເລຍ, ອຸປະຕິ​ເຫດ​ທາງ​ຖະໜົນ ​ແລະ ສິ່ງ​ມຶນ​ເມົາ, ​ແຕ່​ຈະ​ມີ​ຄວາມ​ແຕກ​ຕ່າງ​ກັນ​ໄປ​ຕາມ​ພາກພື້ນ ຖ້າ​ເປັນ​ປະ​ເທດ​ພັດທະນາ​ແລ້ວ​ໃນ​ອາຊີ-ປາຊີ​ຟິກ ​ແລະ ອາ​ເມ​ລິ​ກາ​ເໜືອ ມົນ​ລະ​ພິດ​ທາງ​ອາກາດ​ຈະ​ເຮັດ​ໃຫ້​ເດັກ​ອາຍຸ​ສັ້ນລົງ 20 ອາທິດ, ຖ້າ​ຢູ່​ອາຊີ​ຕາ​ເວັນ​ອອກ ​ເດັກ​ຈະ​ອາຍຸ​ສັ້ນລົງ 23 ​ເດືອນ ​ແລະ ຖ້າ​ຢູ່​ອາຊີ​ໃຕ້ ​ເດັກ​ຈະ​ອາຍຸ​ສັ້ນລົງ 30 ​ເດືອນ ​ເພາະ​ໄດ້​ຮັບ​ມົນ​ລະ​ພິດ​ທາງ​ອາກາດ​ທັງ​ຢູ່​ໃນ​ເຮືອນ ​ແລະ ນອກ​ເຮືອນ. ລາຍ​ງານ​ພົບ​ອີກ​ວ່າ: ຄົນ​ເຄິ່ງ​ໂລກ​ຮັບ​ມົນ​ລະ​ພິດທາງ​ອາກາດ​ໃນ​ເຮືອນ ສ່ວນ​ຫລາຍ​ມາ​ຈາກ​ການ​ຈູດ​ຖ່ານ ຫລື ຫລື ​ໄມ້ ​ເພື່ອ​ປຸງ​ແຕ່ງອາຫານ ​ແລະ ​ໃຫ້​ຄວາມ​ຮ້ອນ ພົບ​ຫລາຍ​ທີ່​ສຸດ​ໃນ​ອາຊີ​ໃຕ້, ອາຊີ​ຕາ​ເວັນ​ອອກ ​ແລະ ທາງ​ໃຕ້​ຂອງ​ທະ​ເລ​ຊາ​ຮາຣາ​ໃນ​ອາ​ຟຣິກາ.

        ລາຍ​ງານ​ລະບຸ​ວ່າ: ຖ້າ​ສາມາດ​ເຮັດ​ໃຫ້​ມົນ​ລະ​ພິດ​ທາງ​ອາກາດ​ຢູ່​ໃນ​ເກນ​ມາດຕະຖານ​ຂອງ​ອົງການ​ອະນາ​ໄມ​ໂລກ ອາຍຸ​ສະ​ເລ່ຍຂອງຄົນ​ຢູ່​ບັງ​ກະລາ​ເທດ​ຈະ​ເພີ່ມ​ຫລາຍ​ທີ່​ສຸ​ດ​ເຖິງ 1,3 ປີ ​ເຊັ່ນ​ດຽວ​ກັບ​ຄົນ​ຢູ່​ອິນ​ເດຍ, ນີ​ເຊຣີ ​ແລະ ປາ​ກິດ​ສະຖານ​ທີ່​ຈະ​ມີ​ອາຍຸ​ສະ​ເລ່ຍ​ເພີ່ມ​ຂຶ້ນ 1 ປີ ຖ້າ​ລວມອາຍຸ​ຄົນ​ທົ່ວ​ໂລກ​ທີ່​ສັ້ນລົງ​ໃນ​ປີ 2017 ​ເພາະ​ມົນ​ລະ​ພິດ​ທາງ​ອາກາດ​ຈະ​ສູງ​ເຖິງ 147 ລ້ານ​ປີ, ຫ້າ​ປະ​ເທດ​ທີ່​ມີ​ຜູ້​ເສຍ​ຊີວິດ​ເພາະ​ມົນ​ລະ​ພິດ​ທາງ​ອາກາດ​ຫລາຍ​ທີ່​ສຸດ​ລ້ວນ​ແຕ່​ຢູ່​ໃນ​ອາຊີ​ໄດ້​ແກ່: ຈີນ, ອິນ​ເດຍ, ປາ​ກິດ​ສະຖານ, ອິນ​ໂດ​ເນ​ເຊຍ ​ແລະ ບັງ​ກະລາ​ເທດ ​ເພາະ​ຈີນ​ປະ​ເທດ​ດຽວ​ສູ​​ງ​ເຖິງ 852.000 ຄົນ.

ມົນລະພິດທາງອາກາດຈະເຮັດໃຫ້ ເດັກອາຊີໃຕ້ອາຍຸສັ້ນລົງ 30 ເດືອນ - lattana 1 - ມົນລະພິດທາງອາກາດຈະເຮັດໃຫ້ ເດັກອາຊີໃຕ້ອາຍຸສັ້ນລົງ 30 ເດືອນ
error: Content is protected !!