ຄາດການຄ້າໂລກປີນີ້ ເຕີບໃຫຍ່ນ້ອຍກວ່າປີກ່ອນ

ຄາດການຄ້າໂລກປີນີ້ ເຕີບໃຫຍ່ນ້ອຍກວ່າປີກ່ອນ - advert banner 728 90 728x90 - ຄາດການຄ້າໂລກປີນີ້ ເຕີບໃຫຍ່ນ້ອຍກວ່າປີກ່ອນ

       ອົງການ​ການ​ຄ້າ​ໂລກຄາດ​ວ່າ: ການ​ຄ້າ​ໂລກ​ໃນ​ປີ​ນີ້​ຈະ​ຂະຫຍາຍຕົວ 2,6% ຕໍ່າ​ກວ່າ​ປີ​ກ່ອນ ທີ່​ຂະຫຍາຍຕົວ 3,0% ​ແລະ ຕໍ່າ​ກວ່າ​ທີ່​ເຄີຍ​ຄາດ​ຄະ​ເນ​ວ່າ​ຈະ​ຂະຫຍາຍຕົວ​ເຖິງ 3,7%. ທັງ​ນີ້​ເພາະ​ຜົນ​ກະທົບ​ຈາກ​ຫລາຍ​ປັດ​ໄຈ.

ຄາດການຄ້າໂລກປີນີ້ ເຕີບໃຫຍ່ນ້ອຍກວ່າປີກ່ອນ - new3 - ຄາດການຄ້າໂລກປີນີ້ ເຕີບໃຫຍ່ນ້ອຍກວ່າປີກ່ອນ

        ອົງການ​ການ​ຄ້​າ​ໂລກ ລາຍ​ງາ​ນຄາດ​ຄະ​ເນ​ປະຈຳ​ປີ ​ໃນ​ວັນ​ທີ 4 ​ເມສາ​ວ່າ: ການ​ຄ້າ​ໂລກ​ຖືກ​ກົດ​ດັນ​ຈາກ​ການ​ເກັບ​ພາສີ​ໃໝ່, ມາດ​ຕະການ​ຕອບ​ໂຕ້​ກັນ​ໄປມາ, ​ເສດຖະກິດ​ຂະຫຍາຍຕົວ​ຫລຸດ​ລົງ, ຕະຫລາດ​ການ​ເງິນ​ປັ່ນ​ປ່ວນ ​ແລະ ສະພາບ​ການ​ເງິນ​ປະ​ເທດພັດທະນາ​ແລ້ວ​ເຄັ່ງ​ຕຶງ ສົ່ງ​ຜົນ​ໃຫ້ການ​ຄ້າ​ໂລກ​ໄຕ​ມາດ​ສຸດ​ທ້າຍ​ຂອງ​ປີ​ກ່ອນ​ຫລຸດ​ລົງ 0,3%. ທ່ານ ​ໂຣ​ແບ​ໂຕ ອາ​ເຊ​ເວ​ໂດ ຜູ້ອຳນວຍການ​ອົງການ​ການ​ຄ້າ​ໂລກ ກ່າວ​ວ່າ: ການ​ປັບ​ຫລຸດ​ຄາດ​ຄະ​ເນ​ການ​ຄ້າ​ໂລກ​ບໍ່​ແມ່ນ​ເລື່ອງ​ແປກ​ໃຈ ​ເມື່ອ​ຄຳນຶງ​ເຖິງ​ຄວາມ​ເຄັ່ງ​ຕຶງ​ທາງ​ການ​ຄ້າ​ລະຫວ່າງ​ສອງ​ເສດຖະກິດ​ໃຫຍ່​ທີ່​ສຸດ​ໃນ​ໂລກ ຄື​ອາ​ເມ​ລິ​ກາ ​ແລະ ຈີນ.

      ທ່ານ ​ໂຣ​ເບີດ ຄູບ​ແມນ ນັກ​ເສດຖະສາດ​ຂອງ​ອົງການ​ການ​ຄ້າ​ໂລກ ກ່າວ​ວ່າ: ສະຖານະ​ການ​ອາດ​ຮ້າຍ​ແຮງ​ກວ່າ​ນີ້ ​ເພາະ​ຜົນ​ກະທົບ​ຈະ​ຫລາຍ​ກວ່າ​ນີ້ ຖ້າ​ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ເດີນ​ໜ້າ​ແຜນການ​ຂຶ້ນພາສີພາຫະນະ​ນຳ​ເຂົ້າຈາກ​ທົ່ວ​ໂລກ​ໃນ​ປີ​ນີ້, ການ​ຄ້າ​ ອາ​ເມ​ລິ​ກາ-ຈີນ ມີ​ມູນ​ຄ່າ 3% ຂອງ​ການ​ຄ້າ, ຂະນະ​ທີ່​ການ​ຄ້າ​ພາຫະນະ​ທົ່ວ​ໂລກ​ມີ​ມູນ​ຄ່າ 8% ຂອງ​ການ​ຄ້າ​ໂລກ ຜົນ​ກະທົບ​ຕໍ່​ການ​ຄ້າ​ໂລກ​ອາດ​ຈະ​ຫລາຍ​ກວ່າ.

ຄາດການຄ້າໂລກປີນີ້ ເຕີບໃຫຍ່ນ້ອຍກວ່າປີກ່ອນ - lattana 1 - ຄາດການຄ້າໂລກປີນີ້ ເຕີບໃຫຍ່ນ້ອຍກວ່າປີກ່ອນ

       ລາຍ​ງານ​ຂອງ​ອົງການ​ການ​ຄ້າ​ໂລກ​ບໍ່​ໄດ້​ຄາດ​ຄະ​ເນ​ເຖິງ​ຜົນ​ກະທົບ​ຈາກ​ສະຫະຣາຊະ​ອານາຈັກ​ອອກ​ຈາກ​ສະຫະພາບ​ເອີຣົບ ຫລື ​ເບຣັກຊິດ, ​ແຕ່​ທ່ານ ຄູບ​ແມນ ຄາດ​ວ່າ: ​ໃນ​ກໍລະນີ​ທີ່​ຮ້າຍ​ແຮງ​ທີ່​ສຸດ ​ເບຣັກຊິດ​ຈະ​ເຮັດ​ໃຫ້ການ​ຄ້າ​ໂລກ​ປີ​ນີ້​ຂະຫຍາຍຕົວ​ໃນ​ລະດັບ​ຕໍ່າ​ສຸດ​ຈາກ​ທີ່​ອົງການ​ການ​ຄ້າ​ໂລກ​ຄາດ​ຄະ​​ເນ​​ໄວ້​ລະຫວ່າງ 1,3-4,0%. ອັງກິດ​ເອງ​ຄາດ​ຄະ​ເນ​ວ່າ: ​ເບຣັກຊິດ​ແບບ​ໄຮ້​ຂໍ້​ຕົກລົງຈະ​ກະທົບ​ເສດຖະກິດ​ປະ​ເທດ​ເຖິງ 7,6% ຖື​ເປັນ​ຕົວ​ເລກ​ທີ່​ສູງ. ລາຍ​ງານ​ອົງການການ​ຄ້າ​ໂລກ​ຄາດ​ຄະ​ເນ​ປະລິມານ​ການ​ຄ້າ​ສິນຄ້າ​ຂອງ​ປະ​ເທດ​ກຳລັງ​ພັດທະນາ​ໃນ​ປີ​ນີ້​ອີກ​ວ່າ: ການ​ສົ່ງ​ອອກ​ຈະ​ເຕີບ​ໃຫຍ່​ເຖິງ 3,4% ທຽບ​ໃສ່​ປະ​ເທດ​ພັດທະນາ​ແລ້ວ​ທີ່​ຈະ​ເຕີບ​ໃຫຍ່​ພຽງ 2,1%.

error: Content is protected !!