ແມນຢູ ມີຄຳຕອບເຮັດແນວໃດ ຖ້າ ເດເຄອາ ຍັງບໍ່ຍອມຕໍ່ສັນຍາ

ແມນຢູ ມີຄຳຕອບເຮັດແນວໃດ ຖ້າ ເດເຄອາ ຍັງບໍ່ຍອມຕໍ່ສັນຍາ - advert banner 728 90 728x90 - ແມນຢູ ມີຄຳຕອບເຮັດແນວໃດ ຖ້າ ເດເຄອາ ຍັງບໍ່ຍອມຕໍ່ສັນຍາ

     ​ເດິ ມິ​ເຣີ ສື່​ຂອງ​ອັງກິດ ລາຍ​ງານ​ວ່າ: ຕໍ່​ໃຫ້ ດາ​ບິດ ​ເດ ​ເຄອາ ຜູ້​ຮັກສາ​ປະຕູ​ຊາວ​ສະ​ເປ​ນ ຈະ​ບໍ່​ຕໍ່​ສັນຍາ​ກັບ ​ແມນ​ເຊັສ​ເຕີ ຢູ​ໄນ​ເຕັດ ກ່ອນ​ເປີດ​ລະດູ​ການ 2019-2020 ​ແຕ່​​ເຖິງ​ຢ່າງ​ໃດ ​ແມນ​ເຊັສ​ເຕີ ຢູ​ໄນ​ເຕັດ ຈະ​ບໍ່ຂາຍ​ລາວ​ໃນ​ຊ່ວງ​ໜ້າ​ຮ້ອນ​ນີ້ ​ເພາະ​ເຊື່ອ​ວ່າ​ຈະ​ເກ່ຍກ່ອມ​ໃຫ້​ລາວ​ເຊັນ​ສັນຍາ​ສະບັບ​ໃໝ່​ໄດ້.

ແມນຢູ ມີຄຳຕອບເຮັດແນວໃດ ຖ້າ ເດເຄອາ ຍັງບໍ່ຍອມຕໍ່ສັນຍາ - new3 - ແມນຢູ ມີຄຳຕອບເຮັດແນວໃດ ຖ້າ ເດເຄອາ ຍັງບໍ່ຍອມຕໍ່ສັນຍາ

      ​ແມນ​ເຊັສ​ເຕີ ຢູ​ໄນ​ເຕັດ ຍອດ​ສະ​ໂມ​ສອນ​ແຫ່ງ​ເວທີ ພຣີ​ເມຍ​ລີກ ອັງກິດ ຈະ​ບໍ່​ຂາຍ ດາ​ບິດ ​ເດ ​ເຄອາ ຜູ້​ຮັກສາ​ປະຕູ​ມື 1 ອອກ​ຈາກ​ທີ​ມ​ໃນ​ຊ່ວງ​ໜ້າ​ຮ້ອນ​ນີ້ ຕໍ່​ໃຫ້​ຈະ​ບໍ່​ສາມາດ​ຕໍ່​ສັນຍາ​ກັບ​ລາວ​ໄດ້​ກ່ອນ​ເລີ່​ມລະດູ​ການ 2019-2020 ກໍ​ຕາມ.

       ກ່ອນ​ເລີ່​ມລະດູ​ການ​ນີ້ ​ເດ ​ເຄອາ ຈະ​ໝົດ​ສັນຍາ​ກັບ ​ແມນ​ເຊັສ​ເຕີ ຢູ​ໄນ​ເຕັດ ​ໃນ​ປີ 2019 ນີ້ ​ເຊິ່ງ ​ແມນ​ເຊັສ​ເຕີ ຢູ​ໄນ​ເຕັດ ກັບ​ຕົວ​ແທນ​ຂອງ​ຜູ້​ຮັກສາ​ປະຕູ​ຊາວ​ສະ​ເປ​ນ​ເຈລະຈາ​ເລື່ອງ​ສັນຍາ​ສະບັບ​ໃໝ່​ມາກ​ວ່າ 18 ​ເດືອນ​ແລ້ວ ​ແຕ່​ຍັງ​ຫາ​ຂໍ້​ສະຫລຸບ​ຮ່ວມ​ກັນ​ບໍ່​ໄດ້ ຈົນ​ເຮັດ​ໃຫ້​ມີ​ລາຍ​ງານ​ວ່າ: ​ແມນ​ເຊັສ​ເຕີ ຢູ​ໄນ​ເຕັດ ​ໃຊ້ອັອບຊັນ​ຂະຫຍາຍ​ສັນຍາ​ຂອງ​ລາວ​ອອກ​ໄປ 1 ປີ​ກ່ອນ ​ເພື່ອ​ຈະ​ໄດ້​ມີ​ເວລາ​ເຈລະຈາ​ຫລາຍ​ຂຶ້ນ.

      ​ຄວາມ​ຈິງ​ແລ້ວ ​ເດ ​ເຄອາ ຍັງ​ຢາກ​ຢູ່​ກັບ​ທີ​ມຕໍ່​ໄປ, ຂະນະ​ທີ່ ​ແມນ​ເຊັສ​ເຕີ ຢູ​ໄນ​ເຕັດ ກໍ​ບໍ່​ຢາກ​ປ່ອຍ​ລາວ​ອອກ​ຈາກ​ທີ​ມ ​ແຕ່​ຍັງ​ຄາ​ບັນຫາ​ເລື່ອງ​ຄ່າ​ເມື່ອຍ ​ເນື່ອງ​ຈາກ​ອະດີດ​ມື​ກາວ ​ແອດ​ເລ​ຕິ​ໂກ ມາດຣິດ ຢາກ​ໄດ້​ຫລາຍ​ກວ່າ 350.000 ປອນ​ຕໍ່​ອາທິດ ​ແຕ່ ​ແມນ​ເຊັສ​ເຕີ ຢູ​ໄນ​ເຕັດ ບໍ່​ຢາກ​ຈ່າຍ​ສູງ​ເຖິງ​ຂະໜາດ​ນັ້ນ.

ແມນຢູ ມີຄຳຕອບເຮັດແນວໃດ ຖ້າ ເດເຄອາ ຍັງບໍ່ຍອມຕໍ່ສັນຍາ - lattana 1 - ແມນຢູ ມີຄຳຕອບເຮັດແນວໃດ ຖ້າ ເດເຄອາ ຍັງບໍ່ຍອມຕໍ່ສັນຍາ

       ສະຖານະ​ການ​ທີ່​ເກີດ​ຂຶ້ນ​ເຮັດ​ໃຫ້​ແຟນບານ ​ແມນ​ເຊັສ​ເຕີ ຢູ​ໄນ​ເຕັດ ຢ້ານ​ວ່າ​ທີ​ມຮັກ​ຂອງ​ພວກ​ເຂົາ​ຈະ​ຂາຍ ​ເດ ​ເຄອາ ​ໃນ​ຊ່ວງ​ໜ້າ​ຮ້ອນ​ນີ້ ​ເພື່ອ​ຫລີກ​ເວັ້ນຈະ​ເສຍ​ລາວ​ໄປ​ແບບ​ຟຣີໆ​ໃນ​ປີໜ້າ, ​ແຕ່​ຫລ້າ​ສຸດ ​ເດ​ິ ມິ​ເຣີ ບອກ​ວ່າ: ຕໍ່​ໃຫ້​ຈະ​ຫາ​ຂໍ້​ຕົກລົງ​ຮ່ວມ​ກັນ​ບໍ່​ໄດ້ ​ແຕ່​ພວກ​ເຂົາ​ຈະ​ບໍ່​ປ່ອຍ​ຜູ້​ຮັກສາ​ປະຕູ​ທີ​ມຊາດ​ສະ​ເປ​ນອອກ​ໄປ​ແນ່ນອນ ​ເພາະ​ຍັງ​ຫວັງ​ວ່າ​ຈະ​ສາມາດ​ຈັບ ​ເດ ​ເຄອາ ​ເຊັນ​ສັນຍາ​ສະບັບ​ໃໝ່​ໄດ້​ໃນ​ອະນາຄົດ.

error: Content is protected !!