ທົ່ວປະເທດເກັບກ່ຽວມ້ຽນມັດເຂົ້ານາແຊງສຳເລັດແລ້ວຫລາຍກວ່າ 80%

- advert banner 728 90 728x90 - ທົ່ວປະເທດເກັບກ່ຽວມ້ຽນມັດເຂົ້ານາແຊງສຳເລັດແລ້ວຫລາຍກວ່າ 80%

- Rice - ທົ່ວປະເທດເກັບກ່ຽວມ້ຽນມັດເຂົ້ານາແຊງສຳເລັດແລ້ວຫລາຍກວ່າ 80%ກົມປູກຝັ່ງກະຊວງກະສິກຳ ແລະ ປ່າໄມ້ໃຫ້ຮູ້ວ່າ: ມາຮອດປັດຈຸບັນ, ກະສິກອນທົ່ວປະເທດສາມາດເກັບກ່ຽວມ້ຽນມັດເຂົ້ານາແຊງຂອງຕົນສຳເລັດແລ້ວຫລາຍກວ່າ 74 ພັນເຮັກຕາເທົ່າກັບ 83% ຂອງເນື່ອທີ່ປັກດຳທັງໝົດ 95ພັນກວ່າເຮັກຕາ, ທຽບໃສ່ປີຜ່ານມາຖືວ່າຢູ່ໃນເກນປົກກະຕິ ແລະຄາດວ່າການເກັບກ່ຽວຈະສຳເລັດ 100% ພາຍໃນເດືອນພືດສະພານີ້. ສຳລັບການປູກພືດລະດູແລ້ງປີນີ້, ມາຮອດປັດຈຸບັນແມ່ນໄດ້ຢຸດເຊົ່າການປູກແລ້ວແລະສາມາດປູກໄດ້ຫລາຍກວ່າ 161ພັນເຮັກຕາເທົ່າກັບ 115% ຂອງເນື້ອທີ່ຄາດໄວ້ແລະ ພືດທີ່ນິຍົມປູກຫລາຍກວ່າໝູ່ແມ່ນສາລີ,ມັນຕົ້ນ,ໝາກໂມ, ໝາກແຕງລາຍ ແລະພືດຜັກອາຍຸສັ້ນອື່ນໆທີ່ສາມາດປູກໄດ້ຫລາຍຮອບວຽນ, ຊຶ່ງເຫັນວ່າສາມາດຕອບສະໜອງໃຫ້ທ້ອງຕະຫລາດພາຍໃນໄດ້ເປັນຢ່າງດີ.

ກົມດັ່ງກ່າວໃຫ້ຮູ້ອີກວ່າ: ປັດຈຸບັດຫລາຍທ້ອງຖິ່ນທີ່ບໍ່ໄດ້ເຮັດນາແຊງກໍໄດ້ກະກຽມຜະລິດລະດູຝົນດ້ວຍການໄຖຮຸດ ແລະຕົກກ້ານາປີແລ້ວສ່ວນໜຶ່ງ,ຂະນະດຽວກັນຂະແໜງກະສິກຳ ແລະປ່າໄມ້ກໍໄດ້ເອົາໃຈໃສ່ຢ່າງແຂງແຮງໃນການຊຸກຍູ້ຂະບວນການເກັບກ່ຽວມ້ຽມມັດເຂົ້ານາແຊງແລະການຜະລິດລະດູຝົນດ້ວຍການສົ່ງວິຊາການລົງໃຫ້ຄໍາແນະນຳດ້ານເຕັກນິກການປູກ-ການລ້ຽງໂດຍການນໍາໃຊ້ເຕັກນິກໃໝ່ເພື່ອຮັບປະກັນໃຫ້ການຜະລິດມີປະສິດທິພາບ, ໄປຄຽງຄູ່ກັບການຮ່ວມກັບອໍນາດການປົກຄອງທ້ອງຖິ່ນໃນການສ້ອມແປງລະບົບຊົນລະປະທານແລະເໝືອງຝາຍເພື່ອຮັບປະກັນໃຫ້ແກ່ການສະໜອງນ້ຳໄດ້ຢ່າງທົ່ວເຖິງ ແລະພຽງພໍ.

- 1 1 - ທົ່ວປະເທດເກັບກ່ຽວມ້ຽນມັດເຂົ້ານາແຊງສຳເລັດແລ້ວຫລາຍກວ່າ 80%
- Tiger Head 728x90 - ທົ່ວປະເທດເກັບກ່ຽວມ້ຽນມັດເຂົ້ານາແຊງສຳເລັດແລ້ວຫລາຍກວ່າ 80%
error: Content is protected !!