ລາຄາ​ພືດຜັກໃນນະຄອນຫລວງເໜັງຕີງຂຶ້ນສູງ

ລາຄາ​ພືດຜັກໃນນະຄອນຫລວງເໜັງຕີງຂຶ້ນສູງ - advert banner 728 90 728x90 - ລາຄາ​ພືດຜັກໃນນະຄອນຫລວງເໜັງຕີງຂຶ້ນສູງ

ໃນປັດຈຸບັນ, ລາຄາພືດຜັກ ແລະ ເຄື່ອງບໍລິໂພກຈໍານວນໜຶ່ງໃນນະຄອນ ຫລວງເຮົາມີການເໜັງຕີງສູງຂຶ້ນຄືນັກຂ່າວໜັງສືພິມ ລາວພັດທະນາເຮົາໄດ້ລົງ ໄປສັງເກດເບິ່ງຕົວຈິງຢູ່ໃນຕະຫລາດໃຫຍ່ຕ່າງໆໃນວັນທີ 3-4 ເມສານີ້ ພົບ ເຫັນວ່າ: ຊີ້ນໝູມີລາຄາສູງແພງຂຶ້ນເລັກໜ້ອຍ, ຍ້ອນການຕອບສະໜອງຊີ້ນ ໝູໄລຍະນີ້ຫລຸດຜ່ອນລົງຫລາຍຍ້ອນມີສະພາບລະບາດຂອງພະຍາດ ອະຫິວາ ໝູຢູ່ບາງປະເທດໃກ້ຄຽງເຮົາ ແລະ ຄຽງຄູ່ກັນນັ້ນກໍແມ່ນ ໝາກເພັດ, ໝາກນາວ ແລະ ​ພືດຜັກຕ່າງໆມີການເໜັງຕີງເພີ່ມຂຶ້ນເກືອບທົບເທົ່າຄື: ​ ໝາກເພັດ ຈາກປົກກະຕິແມ່ນ 18-20 ພັນກີບຕໍ່ກິໂລ ສູງຂຶ້ນເຖິງ 25 ພັນກີບ, ໝາກນາວ ກິໂລລະ 13 ພັນກີບ ມາເປັນ 18 ພັນກີບ ​ແລະ​ ສ່ວນ​ພືດ​ຜັກ​ປະ​ເພດ​ອື່ນໆກໍ​ມີ​ລາຄາ​ເໜັງຕີງ ​ສູງຂຶ້ນຕາມລະດູການຂອງມັນ.

ລາຄາ​ພືດຜັກໃນນະຄອນຫລວງເໜັງຕີງຂຶ້ນສູງ - lattana 1 - ລາຄາ​ພືດຜັກໃນນະຄອນຫລວງເໜັງຕີງຂຶ້ນສູງ

    ດັ່ງນັ້ນ, ຖ້າໄລຍະບຸນປີໃໝ່ເຮົານີ້ຫາກບໍ່ມີການຄວບຄຸມທີ່ດີກໍອາດຈະເຮັດ ໃຫ້ລາຄາສິນຄ້າໃນທ້ອງຕະຫລາດຜຸ້ງສູງຂຶ້ນກວ່ານີ້ອີກ. ເພາະແຫລ່ງຜະລິດຢູ່ ປະເທດເຮົາຍັງມີຈໍາກັດ ໂດຍສະເພາະແມ່ນການປູກພືດຕ່າງໆ ເພື່ອຕອບສະ ໜອງຜູ້ບໍລິໂພກໃນນະຄອນຫລວງເຮົາສ່ວນຫລາຍແມ່ນມາຈາກເມືອງສັງທອງ, ຫາດຊາຍຟອງ ແລະ ເຂດເມືອງໄຊທານີເຫລົ່ານັ້ນ, ດັ່ງນັ້ນການຄວບຄຸມລາຄາ ສິນຄ້າຈຶ່ງມີຄວາມຈໍາເປັນໃນເທດສະການຕ່າງໆ.

ລາຄາ​ພືດຜັກໃນນະຄອນຫລວງເໜັງຕີງຂຶ້ນສູງ - 1 1 - ລາຄາ​ພືດຜັກໃນນະຄອນຫລວງເໜັງຕີງຂຶ້ນສູງ