ຕາດສະແນນ ທີ່ເມືອງບໍ່ແຕນ ດິນແດນວິລະຊົນ
ໂດຍ: ເດຊາ ກັນລະຍາ
ເມື່ອງບໍ່ແຕນ ເປັນເມື່ອງ ໜຶ່ງຢູ່ໃຕ້ສຸດຂອງແຂວງ ໄຊຍະບູລີ ເຊິ່ງຫ່າງຈາກນະຄອນຫລວງວຽງຈັນປະ ມານ 277 ກິໂລແມັດມີ 3 ດ່ານຊາຍແດນຮ່ວມກັບລາຊະອານາຈັກໄທຄື: ດ່ານນາຂ່າ, ດ່ານໜອງປະຈີດ ແລະ ດ່ານ ເໝືອງແພ່, ອັນໄດ້ອຳນວຍຄວາມສະດວກໃຫ້ແກ່ການໄປມາຫາສູ່ກັນລະ ຫວ່າງປະຊາຊົນສອງຝ່າຍ ແລະ ການແລກປ່ຽນສິນຄ້າ, ວັດທະນະທຳອັນດີງາມນຳ ກັນຊ່ວຍໃຫ້ເມືອງບໍ່ແຕນໄດ້ ຮັບການພັດທະນາຫລາຍໆ ດ້ານ ເຊັ່ນແຫລ່ງທ່ອງທ່ຽວ ຢູ່ບ່ອນນີ້ມີຄວາມງົດງາມຫລາຍມີພູຜາປາໄມ້ ແລະ ໄດ້ຊື່ວ່າເປັນເມືອງທີ່ມີນ້ຳ ຕົກຕາດຫລາຍກວ່າໝູ່ ໃນແຂວງໄຊຍະບູລີ ຄືຕາດສະແນນ.
ຕາດສະແນນນອນ ຢູ່ໃນສາຍແມ່ນ້ຳຮອຍເຂດ ບ້ານນ້ຳດັ້ນ ເມືອງບໍ່ແຕນ, ມີຄວາມກວ້າງ ແລະ ຄວາມສູງປະມານ 70 ແມັດ, ຫ່າງຈາກເທສະບານເມືອງປະມານ 17 ກິໂລແມັດ, ເຊິ່ງຕາດດັ່ງກ່າວມີຄວາມສວຍສົດງົດງາມທາງດ້ານທຳມະຊາດຊີວະນາໆພັນມີອ່າງຫລິ້ນນ້ຳທີ່ເກີດຈາກທຳມະຊາດມີຄວາມໃສເຢັນຢູ່ຕະ ຫລອດເວລາ ແລະ ຢູ່ບໍລິເວນກ້ອງຕາດມີຕາດນ້ອຍອີກຕາດໜຶ່ງເຊິ່ງຫ່າງຈາກ ຕາດສະແນນປະມານ 500 ເມັດ, ມີຜາຫີນລຽນກັນເປັນ ຊັ້ນ-ເປັນຊໍ່ເຫລື້ອມຍິບຍັບຄືກັບແກ້ວເພັດມະນີໃນ ຕອນທີ່ມີແສງຕາເວັນສ່ອງ ລົງມາກະພົບຜາຫີນນັ້ນ, ເໝາະສົມສຳລັບຜູ້ທີ່ມັກ ຫລິ້ນນ້ຳມື້ບຸນປີໃໝ່ລາວນີ້, ໄປພ້ອມກັບນ້ຳຕົກຕາດທີ່ ແສນເຍືອກເຢັນ ແລະ ເຕັມໄປດ້ວຍພູຜາປ່າໄມ້ ແລະ ຊີວະນາໆພັນ.
ສຳລັບເສັ້ນທາງທີ່ເຂົ້າ ໄປຕາດນັ້ນກໍມີຄວາມສະ ດວກສະບາຍຈົນເຖິງຕາດ, ພິເສດໃນການເຂົ້າໄປທ່ຽວ ຊົມຕາດແມ່ນບໍ່ໄດ້ມີການເກັບຄ່າບໍລິການໃດໆ, ທຸກໆ ທ່ານ ສາມາດໄປສຳຜັດຕົວຈິງໄດ້, ທ່ານຈະໄປເປັນກຸມ ຫລື ໄປແບບຄອບຄົວກໍດີ, ມີອາຫານການກິນແບບພື້ນ ບ້ານຂອງແມ່ຄ້າທີ່ຂາຍຢູ່ ຕາມທາງເຂົ້າໄປຕາດນັ້ນ ແລະ ຖ້າທ່ານໃດຢາກນຳ ເອົາອາຫານເພື່ອໄປປຸງແຕ່ງຢູ່ບໍ່ລິເວນຕາດນັ້ນໄດ້ເຊັ່ນ ດຽວກັນ.
