ຄຳ​ມ່ວນ​ຖື​ເອົາ​ການທ່ອງທ່ຽວ​ເປັນ​ທ່າ​ແຮງ​ຕົ້ນຕໍ

ຄຳ​ມ່ວນ​ຖື​ເອົາ​ການທ່ອງທ່ຽວ​ເປັນ​ທ່າ​ແຮງ​ຕົ້ນຕໍ - advert banner 728 90 728x90 - ຄຳ​ມ່ວນ​ຖື​ເອົາ​ການທ່ອງທ່ຽວ​ເປັນ​ທ່າ​ແຮງ​ຕົ້ນຕໍ

ໂດຍ: ຣັດສະ​ໝີ ດວງ​ສັດ​ຈະ

ຄຳ​ມ່ວນ​ຖື​ເອົາ​ການທ່ອງທ່ຽວ​ເປັນ​ທ່າ​ແຮງ​ຕົ້ນຕໍ - lattana 1 - ຄຳ​ມ່ວນ​ຖື​ເອົາ​ການທ່ອງທ່ຽວ​ເປັນ​ທ່າ​ແຮງ​ຕົ້ນຕໍ

ແຂວງຄໍາມ່ວນ ເປັນ ດິນ ແດນແຫ່ງອະຣິຍະທໍາທີ່ເກົ່າແກ່; ຊາວເມືອງ ເປັນຄົນທີ່ມີ ຈິດໃຈເຜື່ອແຜ່ອາຣີ ແລະ ມີ ຄວາມອາດຫານຊານໄຊ; ພ້ອມນັ້ນ, ຍັງມີຊັບພະຍາກອນທໍາມະຊາດທີ່ຫຼາກຫຼາຍ; ມີມູນເຊື້ອ ແລະ ຮ່ອງຮອຍປະຫວັດສາດທີ່ເລື່ອງລື; ມີແຫຼ່ງທ່ອງທ່ຽວທໍາມະຊາດ, ປະຫວັດສາດ ແລະ ວັດທະນາທໍາ ທີ່ຢັ່ງຢາຍໃນຫຼາຍພື້ນທີ່ຂອງແຂວງ ເຊິ່ງຄວາມອຸດົມສົມບູນເຫຼົ່ານັ້ນ ໄດ້ກາຍເປັນທ່າແຮງທີ່ບົ່ມຊ້ອນ ແລະ ເປັນເງື່ອນໄຂທີ່ດີໃຫ້ແກ່ການພັດທະນາເສດຖະກິດສັງຄົມຂອງທ້ອງຖິ່ນ.

ຄຳ​ມ່ວນ​ຖື​ເອົາ​ການທ່ອງທ່ຽວ​ເປັນ​ທ່າ​ແຮງ​ຕົ້ນຕໍ - 369 1 - ຄຳ​ມ່ວນ​ຖື​ເອົາ​ການທ່ອງທ່ຽວ​ເປັນ​ທ່າ​ແຮງ​ຕົ້ນຕໍ

ທ່ານ ບຸນທະວີ ສີສົມບັດ ຮອງຫົວໜ້າພະແນກຖະແຫຼງຂ່າວ, ວັດທະນາທຳ ແລະ ທ່ອງທ່ຽວແຂວງຄໍາ ມ່ວນ ໄດ້ແຈ້ງໃຫ້ຮູ້ເມື່ອຕົ້ນ ເດືອນ ເມສານີ້ວ່າ: ການນໍາຂອງ ແຂວງຄໍາມ່ວນໄດ້ຖື ເອົາການທ່ອງທ່ຽວເປັນທ່າ ແຮງຕົ້ນຕໍໃນ 3 ທ່າແຮງໃຫຍ່ ຂອງແຂວງ ໂດຍມີທ່າແຮງກະສິກໍາ-ປ່າໄມ້; ອຸດສາຫະ ກໍາ (ພັດທະນາພະລັງງານ ແລະ ບໍ່ແຮ່) ແລະ ການບໍລິການ-ການທ່ອງທ່ຽວ ເຊິ່ງໃນປັດຈຸບັນວຽກງານທ່ອງ ທ່ຽວໄດ້ສໍາຫຼວດຂຶ້ນບັນຊີ ທັງໝົດ 207 ແຫ່ງ ໃນນີ້ມີ ແຫຼ່ງທ່ອງທ່ຽວທໍາມະຊາດ 143 ແຫ່ງ, ວັດທະນາທຳ  33 ແຫ່ງ ແລະ ແຫຼ່ງທ່ອງ ທ່ຽວປະຫວັດສາດ 31 ແຫ່ງ; ໃນຂະນະດຽວກັນ, ກໍ່ມີສິ່ງ ຮອງຮັບໃນລະດັບດີທີ່ສົມ ຄູ່ກັບການຂະຫຍາຍຕົວ ຂອງການທ່ອງທ່ຽວ ເຊິ່ງມີ ໂຮງແຮມ 25 ແຫ່ງ, ເຮືອນ ພັກ 110 ແຫ່ງ, ລີສອດ 5 ແຫ່ງ, ຮ້ານອາຫານ 159 ແຫ່ງ, ສະຖານບັນເທິງ 6 ແຫ່ງ, ມີ 5 ບໍ ລິສັດທ່ອງ ທ່ຽວ; ສໍາລັບປີທ່ອງທ່ຽວ 2018 ຜ່ານມາຄຳມ່ວນໄດ້ ຕ້ອນຮັບນັກທ່ອງທ່ຽວທັງ ໝົດ 423.830 ຄົນໃນນີ້ນັກ ທ່ອງທ່ຽວສາກົນ 283.494 ຄົນ ແລະ ສາມາດສ້າງລາຍຮັບໄດ້ຫຼາຍກວ່າ 310 ຕື້ກວ່າກີບ.

ທ່ານ ບຸນທະວີ ສີສົມບັດ ຍັງກ່າວເຖິງການປັບປຸງເສັ້ນທາງ ແລະ ພັດທະນາສິ່ງຮອງຮັບຕ່າງໆໃນແຫຼ່ງທ່ອງທ່ຽວເຂດພະທາດສີໂຄດຕະບອງ; ຖໍ້າພະໜອງປາຜາ ແລະ ແຫ່ງອື່ນໆຈໍານວນໜຶ່ງ ເຊິ່ງໄດ້ນໍາໃຊ້ງົບປະມານ ພາຍໃນລວມທັງພາກເອກະຊົນ ແລະ ສາກົນ ແລະ ການ ທ່ອງທ່ຽວມີສ່ວນຮ່ວມຂອງ ປະຊາຊົນຕິດພັນກັບການປັບປຸງຊີວິດການເປັນຢູ່, ການສ້າງວຽກເຮັດງານທໍາ, ການແກ້ໄຂຄວາມທຸກຍາກ ແລະ ການປົກປັກຮັກສາສິ່ງແວດ ລ້ອມ; ພ້ອມນັ້ນ, ຍັງໄດ້ພັດ ທະນາ ແລະ ຍົກລະດັບຄຸນນະພາບຂອງຜູ້ປະກອບການດ້ານການບໍລິການທ່ອງທ່ຽວ; ພັດທະນາການສົ່ງເສີມ ການທ່ອງທ່ຽວໃນສື່ສີ່ງພິມ- ສື່ເອເລັກໂຕຣນິກ ເຮັດໃຫ້ນັກທ່ອງທ່ຽວໄດ້ມາສໍາ ຜັດກັບຄວາມ ເປັນຈິງຫຼາຍ ຍິ່ງໆຂຶ້ນ.

ຄຳ​ມ່ວນ​ຖື​ເອົາ​ການທ່ອງທ່ຽວ​ເປັນ​ທ່າ​ແຮງ​ຕົ້ນຕໍ - 1 1 - ຄຳ​ມ່ວນ​ຖື​ເອົາ​ການທ່ອງທ່ຽວ​ເປັນ​ທ່າ​ແຮງ​ຕົ້ນຕໍ

ທ່ານຮອງຫົວໜ້າພະແນກຖະແຫຼງຂ່າວ, ວັດທະນາທໍ ແລະ ທ່ອງທ່ຽວ ແຂວງ ຄໍາມ່ວນ ຍັງໄດ້ຍົກໃຫ້ເຫັນ ບັນຫາທ້າທາຍໃນຜ່ານມາ ແລະ ຕໍ່ໜ້າ ໂດຍສະເພາະແມ່ນບັນຫາເສັ້ນທາງເຂົ້າສູ່ແຫຼ່ງທ່ອງທ່ຽວຫຼາຍຈຸດໄປໄດ້ແຕ່ລະດູແລ້ງ; ລະບົບສື່ສານດ້ານໂທລະຄົມ ແລະ ສື່ສານດ້ານພາສາ ເຊັ່ນ: ຜູ້ນໍາທ່ຽວ (ໄກ້) ບາງຄົນບາງ ເຂດບໍ່ສາມາດຮັບສັນຍານໄດ້ ຫຼື ໃຫ້ຄວາມເຂົ້າໃຈກັນໄດ້; ງົບປະມານຂອງລັດ ທີ່ນໍາໃຊ້ເຂົ້າໃນການໂຄສະນາ ແລະ ບາງທ້ອງຖິ່ນມີ ຜະລິດຕະພັນດ້ານກະສິກໍາ ຍັງຈໍາກັດ; ລາຄາສິນຄ້າບາງ ບ່ອນຍັງສູງ; ສະນັ້ນ, ເພື່ອພັດທະນາການທ່ອງທ່ຽວ ໃຫ້ດີຂຶ້ນ ໂດຍການປະຕິບັດ ໃຫ້ໄດ້ຄື: “ດຶງດູດມາຫຼາຍ, ຢູ່ດົນ, ປອດໄພ, ປະທັບໃຈ ແລະ ກັບມາອີກ”; ແຂວງ ຄໍາມ່ວນ ຂອງພວກເຮົາຈະ ໄດ້ພ້ອມກັນເປັນເຈົ້າພາບທີ່ດີ, ມີການບໍລິການດີ, ມີຄວາມສະອາດ ແລະ ຮັກແພງເບິ່ງແຍງນັກທ່ອງທ່ຽວ ດ້ວຍຄວາມເປັນມິດໄມຕຼີ, ອັດທະຍາໃສດີ  ແລະ ປົກປ້ອງຄວາມສະຫງົບປອດໄພຂອງບ້ານເມືອງ./.

ຄຳ​ມ່ວນ​ຖື​ເອົາ​ການທ່ອງທ່ຽວ​ເປັນ​ທ່າ​ແຮງ​ຕົ້ນຕໍ - 596747 - ຄຳ​ມ່ວນ​ຖື​ເອົາ​ການທ່ອງທ່ຽວ​ເປັນ​ທ່າ​ແຮງ​ຕົ້ນຕໍ