ສະຫະລັດອາເມລິກາອາດຈະເອົາ ກຳປັ່ນມີເດີ່ນບິນລຳທີ 2 ເຂົ້າມາຫວຽດນາມ

# ລູກເມືອງພວນ

     ອີງຕາມຂ່າວເວັບ​ໄຊ https://www.tinmoi.vn  ອ້າງລາຍງານຂ່າວຈາກ Reuter ທີ່ອີງໃສ່ຄຳໃຫ້ການຂອງຜູ້ຊ່ວຍວຽກຂອງລັດຖະມົນຕີກະຊວງປ້ອງກັນປະເທດຂອງສະຫະລັດອາເມລິກາ ຮັບຜິດຊອບດ້ານຄວາມໝັ້ນຄົງຂົງເຂດທະເລອິນເດຍ-ປາຊີຟິກ Randall Schriver ໃນວັນທີ 3 ເມສາ ໃຫ້ຮູ້ວ່າ: “ພວກເຮົາໄດ້ນຳເອົາກຳປັ່ນເດີ່ນບິນເຂົ້າໄປໃນຫວຽດນາມເປັນຄັ້ງທຳອິດພາຍຫຼັງສົງຄາມຫວຽດນາມສິ້ນສຸດລົງ ແລະ ພວກເຮົາກຳລັງມີຄວາມຫວັງໃໝ່ທີ່ຈະໄດ້ເອົາກຳປັ່ນມີເດີ່ນບິນລຳທີ 2 ເຂົ້າໄປຫວຽດນາມໃນປີນີ້”.

       ທ່ານ Schriver ໃຫ້ຮູ້ເພີ່ມຕື່ມອີກວ່າ: ພວກເຮົາກຳລັງປຶກສາຫາລືກັບຫວຽດນາມ. ນີ້ແມ່ນການເຄື່ອນໄຫວປົກກະຕິຂອງພວກເຮົາ, ເປັນສັນຍານແຫ່ງການພົວພັນຍຸດທະສາດນັບມື້ນັບໄດ້ຮັບການພັດທະນາ.

        ທ່ານ Schriver ຕັ້ງຄວາມຫວັງວ່າ: ອາເມລິກາຈະມອບກໍາປັ່ນລາດຕະເວນຝັ່ງລຳທີສອງໃຫ້ຫວຽດນາມອີກດ້ວຍ.

       ໃນລະຫ່ວາງເດືອນ 3/2018 ຜ່ານມາ ກໍາປັ່ນເດີ່ນບິນ USS Carl Vinson ເປັນຄັ້ງທະອິດທີ່ເຂົ້າມາຫວຽດນາມ ພາຍຫຼັງສົງຄາມຫວຽດນາມສິ້ນສຸດລົງໃນປີ 1975. ການເອົາກຳປັ່ນເຂົ້າມາຫວຽດນາມແມ່ນປະຕິບັດຕາມການຕົກລົງກັນລະຫ່ວາງສອງປະເທດ ເຊິ່ງໄດ້ມີຖະແຫຼງການຮ່ວມລະຫ່ວາງສອງປະເທດ ຫວຽດນາມ ແລະ ອາເມລິກາ.

       ນີ້ແມ່ນການເພີ່ມທະວີການພົວພັນ ອາເມລິກາ-ຫວຽດນາມ, ໃນຂະນະທີ່ຈີນກຳລັງເພີ່ມທະວີບົດບາດຢູ່ໃນຂົງເຂດນີ້.