ກອງປະຊຸມເຈົ້າໜ້າທີ່ອາວຸໂສອາຊຽນວ່າດ້ວຍການຕ້ານອາຊະຍາກໍາຂ້າມຊາດຄັ້ງທີ 17 ໄຂຂຶ້ນຢ່າງເປັນທາງການ

- meeting - ກອງປະຊຸມເຈົ້າໜ້າທີ່ອາວຸໂສອາຊຽນວ່າດ້ວຍການຕ້ານອາຊະຍາກໍາຂ້າມຊາດຄັ້ງທີ 17 ໄຂຂຶ້ນຢ່າງເປັນທາງການ
- Untitled design - ກອງປະຊຸມເຈົ້າໜ້າທີ່ອາວຸໂສອາຊຽນວ່າດ້ວຍການຕ້ານອາຊະຍາກໍາຂ້າມຊາດຄັ້ງທີ 17 ໄຂຂຶ້ນຢ່າງເປັນທາງການ

 

- meeting - ກອງປະຊຸມເຈົ້າໜ້າທີ່ອາວຸໂສອາຊຽນວ່າດ້ວຍການຕ້ານອາຊະຍາກໍາຂ້າມຊາດຄັ້ງທີ 17 ໄຂຂຶ້ນຢ່າງເປັນທາງການ  ກອງປະຊຸມເຈົ້າໜ້າທີ່ອາວຸໂສອາຊຽນວ່າດ້ວຍການຕ້ານອາຊະຍາກໍາຂ້າມຊາດຄັ້ງທີ 17 ແລະ ກອງປະຊຸມປິ່ນອ້ອມອື່ນໆ, ໄດ້ໄຂຂຶ້ນຢ່າງເປັນທາງການ ໃນວັນທີ 24 ພຶດສະພານີ້ທີ່ນະຄອນຫລວງວຽງຈັນ, ໂດຍການເປັນປະທານຂອງທ່ານ ພົນຈັດຕະວາ ສີສະຫວາດ ແກ້ວມາລາວົງ ຫົວໜ້າຫ້ອງວ່າການກະຊວງປ້ອງກັນຄວາມສະຫງົບ, ຫົວໜ້າເຈົ້າໜ້າທີ່ອາວຸໂສອາຊຽນວ່າດ້ວຍການຕ້ານອາຊະຍາກໍາຂ້າມຊາດຄັ້ງທີ 17, ໂດຍການເຂົ້າຮ່ວມຂອງທ່ານ ພົນຕີ ສົມແກ້ວ ສີລາວົງ ລັດຖະມົນຕີກະຊວງປ້ອງກັນຄວາມສະຫງົບ, ມີບັນດາເຈົ້າໜ້າທີ່ອາວຸໂສອາຊຽນຈາກ 10 ປະເທດທີ່ຮັບຜິດຊອບວຽກງານຕ້ານອາຊະຍາກໍາຂ້າມຊາດ, ພ້ອມດ້ວຍຜູ້ຕາງໜ້າກອງເລຂາອາຊຽນເຂົ້າຮ່ວມ.

ທ່ານພົນຕີ ສົມແກ້ວ ສີລາວົງ ກ່າວວ່າ: ກອງປະຊຸມນີ້, ເປັນກົນໄກໜຶ່ງທີ່ມີປະສິດທິພາບໃນການຮ່ວມມືກັນຕ້ານອາດຊະຍາກໍາຂ້າມຊາດຢູ່ໃນພາກພື້ນ,ເຊິ່ງແຕ່ລະປີບັນດາເຈົ້າໜ້າທີ່ອາວຸໂສອາຊຽນທີ່ຮັບຜິດຊອບວຽກດັ່ງກ່າວຈະມີການປະຊຸມປີລະຄັ້ງ ເພື່ອທົບທວນການຮ່ວມມືດ້ານວຽກງານຕ້ານອາຊະຍາກໍາຂ້າມຊາດໃນຜ່ານມາ ແລະ ພ້ອມກັນປຶກສາຫາລືວິທີການອັນໃໝ່ເພື່ອແກ້ໄຂບັນຫາອາຊະຍາກໍາຂ້າມຊາດ ເປັນຕົ້ນ: ການຄ້າຂາຍຢາເສບຕິດຜິດກົດໝາຍ, ການກໍ່ການຮ້າຍ, ການຄ້າມະນຸດ, ການລັກລອບຄ້າອາວຸດ, ອາຊະຍາກໍາທາງດ້ານເສດຖະກິດ, ການປອມແປງເອກະສານ, ການເຂົ້າເມືອງຜິດກົດໝາຍ, ອາຊະຍາກໍາທາງຄອມພີວເຕີ, ການໂຈນລາກໍາທາງທະເລ, ການຟອກເງິນ, ການຄ້າຂາຍສັດປ່າ ແລະ ໄມ້ຫວງຫ້າມ. ພ້ອມນີ້, ກອງປະຊຸມຍັງໄດ້ພ້ອມກັນປຶກສາຫາລືກັບປະເທດຄູ່ເຈລະຈາ ເພື່ອພ້ອມກັນສັງເກດຕີລາຄາໝາກຜົນຂອງການຮ່ວມມືນໍາກັນໃນໄລຍະຜ່ານມາ ແລະ ປຶກສາຫາລືຫາທິດທາງການຮ່ວມມືກັນໃນຕໍ່ໜ້າ,ໂດຍສະເພາະແລກປ່ຽນຄວາມຄິດເຫັນກ່ຽວກັບການສະກັດກັ້ນການແກ້ໄຂອາຊະຍາກໍາຂ້າມຊາດ ແລະ ການກໍ່ການຮ້າຍ ຕະຫລອດເຖິງການສ້າງຂີດຄວາມສາມາດໃຫ້ແກ່ເຈົ້າໜ້າທີ່ຂອງບັນດາປະເທດສະມາຊິກອາຊຽນໃນການແກ້ໄຂບັນຫາດັ່ງກ່າວໃຫ້ຫລຸດໜ້ອຍລົງ.

- Wave100S AD to Website 2020 0 - ກອງປະຊຸມເຈົ້າໜ້າທີ່ອາວຸໂສອາຊຽນວ່າດ້ວຍການຕ້ານອາຊະຍາກໍາຂ້າມຊາດຄັ້ງທີ 17 ໄຂຂຶ້ນຢ່າງເປັນທາງການ

ທ່ານພົນຕີ ສົມແກ້ວ ສີລາວົງ ກ່າວວ່າ: ກອງປະຊຸມຄັ້ງນີ້ເປັນເວທີແຫ່ງຄວາມສາມັກຄີມິດຕະພາບ ແລະ ມີການປຶກສາຫາລືກັນຢ່າງກົງໄປກົງມາກັບປະເທດຄູ່ເຈລະຈາໃນການຊອກຫາວິທີການຕ້ານອາຊະຍາກໍາຂ້າມຊາດໃຫ້ມີປະສິດທິພາບ ແລະ ມີປະສິດທິຜົນສູງຂຶ້ນກວ່າເກົ່າ ເພື່ອແນໃສ່ເຮັດໃຫ້ບັນດາປະເທດຕ່າງໆມີຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ, ເສດຖະກິດໄດ້ຮັບການພັດທະນາໃຫ້ດີຂຶ້ນຢ່າງບໍ່ຢຸດຢັ້ງ.

- WhatsApp Image 2020 05 27 at 5 - ກອງປະຊຸມເຈົ້າໜ້າທີ່ອາວຸໂສອາຊຽນວ່າດ້ວຍການຕ້ານອາຊະຍາກໍາຂ້າມຊາດຄັ້ງທີ 17 ໄຂຂຶ້ນຢ່າງເປັນທາງການ
- WhatsApp Image 2020 05 27 at 5 - ກອງປະຊຸມເຈົ້າໜ້າທີ່ອາວຸໂສອາຊຽນວ່າດ້ວຍການຕ້ານອາຊະຍາກໍາຂ້າມຊາດຄັ້ງທີ 17 ໄຂຂຶ້ນຢ່າງເປັນທາງການ
error: Alert: ເນື້ອຫາຂ່າວມີລິຂະສິດ !!